Çingiz Hacıbəyov

Çingiz Hacıbəyov
Ümumi məlumatlar
Doğum adı	Çingiz Hacıbəyli
Doğum tarixi	2 oktyabr 1913
Doğum yeri	Bakı, Bakı quberniyası, Rusiya imperiyası
Vəfat tarixi	18 yanvar 1971 (57 yaşında)
Vəfat yeri	Bakı, Azərbaycan SSR, SSRİ
Dəfn yeri	II Fəxri Xiyaban
Atası	Zülfüqar Hacıbəyov
Musiqiçi məlumatları
Fəaliyyəti	dirijor
Mükafatları

Çingiz Zülfüqar bəy oğlu Hacıbəyov (2 (15) oktyabr 1913, Bakı – 18 yanvar 1971, Bakı) — Azərbaycan dirijoru, Azərbaycan SSR əməkdar incəsənət xadimi (1960).

Həyatı

Çingiz Hacıbəyov 1913-cü ildə Bakıda anadan olub. 1921-ci ildə Bakıda fəaliyyət göstərən türk musiqi məktəbində skripka sinfində təhsil alıb. Çingiz Hacıbəyov 1932-ci ilin noyabrından Azərbaycan Dövlət Akademik Opera və Balet Teatrında skripkaçı kimi fəaliyyətə başlayıb. Müxtəlif vaxtlarda Azərbaycan Xalq Komissarları Soveti nəzdində Radio Komitəsinin simfonik orkestrində, Azərbaycan Dövlət Musiqili Komediya Teatrında, Üzeyir Hacıbəyli adına Dövlət simfonik orkestrində işləyib. Həmçinin Asəf Zeynallı adına Bakı Musiqi Məktəbində pedaqoji fəaliyyətlə məşğul olub.

Çingiz Hacıbəyov 1931-ci ildən M.F.Axundov adına Azərbaycan Dövlət Opera və Balet Teatrının orkestrində Üzeyir Hacıbəyovun və Müslim Maqomayevin rəhbərliyi ilə skripkaçı kimi fəaliyyət göstərmişdir.

Çingiz Hacıbəyovun yaradıcılığının əsas fəaliyyəti Azərbaycan Musiqili Komediya Teatrı, Dövlət Radio və Televiziya verilişləri Komitəsinin simfonik orkestri, Ü.Hacıbəyov adına Dövlət Simfonik Orkestri ilə bağlı olmuşdur. 1938–1953-cü illərdə baş dirijor olmuşdur. 1953-cü ildən 1960-cı ilədək, Azərbaycan Dövlər Radio və Televiziya Verilişləri Komitəsində baş dirijor, 1960-cı ildən ömrünün sonunadək Üzeyir Hacıbəyov adına Dövlət Simfonik Orkestrində dirijor olmuşdur.

Əməkdar incəsənət xadimi Çingiz Hacıbəyov 1971-ci il yanvarın 18-də Bakıda vəfat edib. Məzarı II Fəxri Xiyabandadır.

Təltif və mükafatları

• "Azərbaycan SSR əməkdar incəsənət xadimi" fəxri adı — 6 iyun 1960
• "Əməkdə fərqlənməyə görə" medalı — 9 iyun 1959

Nəsil ağacı

Hacıbəy Hacıbəyov

Əbdülhüseyn bəy Hacıbəyov (1842–1901)

İsmayıl bəy Hacıbəyov (1879–1921)

Sayad Hacıbəyova (1872–1954)

Abuhəyat Hacıbəyova (1880–1951)

Zülfüqar Hacıbəyov (1884–1950)

Üzeyir Hacıbəyov (1885–1948)

Ceyhun Hacıbəyov (1891–1962)

Soltan Hacıbəyov (1919–1974)

Osman Hacıbəyov (1924–1979)

Camal Paşayev (1895–1953)

Niyazi Tağızadə- Hacıbəyov (1912–1984)

Çingiz Hacıbəyov (1913–1971)

Ceyhun Hacıbəyov (1919–1941)

Timuçin Hacıbəyov (1921–1993)

İsmayıl Hacıbəyov (1949–2006)

Cəmil Paşayev (1926–1978)

Həmçinin bax

• Hacıbəyovlar

Mənbə

• Abdullayeva, S. Klassik Musiqi Həvəskarları Klubunda daha bir yubiley gecəsi: [Əməkdar incəsənət xadimi, dirijor Çingiz Hacıbəyovun 100 illik yubileyi qeyd edildi] //525-ci qəzet.- 2013.- 4 oktyabr.- S. 7.
• Bayramov, R. Hacıbəyovlar nəslinin layiqli nümayəndəsi: [Əməkdar incəsənət xadimi, dirijor Çingiz Hacıbəyov haqqında] //Mədəniyyət. — 2013.- 2 oktyabr.- S. 13.
• Fərəcov, S. Çingiz Hacıbəyovun 100 illik yubileyi qeyd olundu: [Niyazinin mənzil-muzeyində Əməkdar incəsənət xadimi, dirijorun yubileyinə həsr olunmuş tədbir haqqında] //Mədəniyyət.- 2013.- 4 oktyabr.- S. 5.