İlya Novikov

Vikipediya, azad ensiklopediya
Jump to navigation Jump to search
İlya Novikov
rus. Илья Новиков
Ilya Novikov.jpg
Doğum tarixi 11 fevral 1982 (1982-02-11) (37 yaş)
Doğum yeri Moskva, SSRİ
Vətəndaşlığı SSRİ SSRİ
Rusiya Rusiya
Fəaliyyəti "Nə? Harada? Nə zaman?" oyunçusu, hüquqşünas, müəllim
Mükafatları "Büllur bayquş" (2004, 2014)
Commons-logo.svg Vikianbarda əlaqəli mediafayllar

İlya Novikov (rus. Илья Новиков) — rusiyalı hüquqşünas, "Nə? Harada? Nə zaman?" televiziya klubunun oyunçusu.

Peşəkar karyerası[redaktə | əsas redaktə]

İlya Novikov Rusiya Dövlət Ədliyyə Universitetini fərqlənmə ilə bitirib. 2005-ci ildən orada hüquq və hakimlərin ixtisasının artırılması fakültələrində dərs deyir. 2011-ci ilin avqustundan "Qonçarova, Novikov və tərəfdaşları" hüquq bürosunun baş tərəfdaşıdır.[1] 2013-cü ilin yanvarından "Tenzor Consulting Group" konsaltinq şirkətinin tərəfdaşıdır.[2] Hazırda vəkil statusuna malikdir. Novikovun müştəriləri arasında — rusiyalı jurnalistlərin ölümündə və Ukrayna-Rusiya sərhədinin qeyri-qanuni keçilməsində günahkar bilinən ukraynalı hərbçi Nadejda Savçenko[3]Moldovada, xüsusilə iri məbləğdə dələduzluqda və pulların yuyulmasında ittiham olunan biznesmen və siyasətçi Vyaçeslav Platon[4][5] da olub. Novikov Nadejda Savçenko işilə əlaqədar olaraq, 2 ildən az bir müddətdə ukrayna dilini öyrənib.[6]

Nə? Harada? Nə zaman?[redaktə | əsas redaktə]

"Nə? Harada? Nə zaman?" teleoyununda 2002-ci ildə Marina Ufayevanın komandasının heyətində debüt edib. Sonralar Alesya Muxinin, Sergey Vivatenkonun və Aleksey Blinovun komandalarında çıxış edib. Dəfələrlə komandanın ən yaxşı oyunçusu seçilib. İkiqat "Büllur bayquş" (2004-cü ilin payızı, 2014-cü ilin yayı) və "Brilyant bayquş" (2014-cü ilin finalı) sahibidir. 2010-cu ildə karyerasında ilk dəfə superblitsi qazanıb.[7] 2011-ci il oyunlarının yay seriyası zamanı "Büllur bayquş" və böyük pul mükafatına olan namizədliyini komanda yoldaşı Qriqori Alxazovun xeyrinə geri götürüb.

Oyununun idman versiyasında "Ksep" komandasının heyətində çıxış edir. İlya Novikov dəfələrlə dünya çempionatlarının mükafatçısı olub, 2014-cü ilin dünya çempionudur.[8] 2002, 2013 və 2014-cü illərdə Rusiya çempionu olub. 2005-ci ildə "Nə? Harada? Nə zaman?" yarışı üzrə tələbələr arasında Avropa Kubokunun qalibi olub. 2006-cı ildə Rusiya yığmasının heyətində qeyri-rəsmi olaraq, "yığma komandalar arasında dünya çempionatı" adlandırılan Millətlər Kubokunun qalibi olub.[9]

2016-cı il mövsümündə İlya Novikovun da daxil olduğu Alesya Muxinin komandası oyuna buraxılmayıb. Proqramın aparıcısı və rəhbəri Boris Krük "Moskovski komsomoles" qəzetinə müsahibəsində etiraf edib ki, belə bir addımın atılması İlya Novikovun Nadejda Savçenkonu müdafiə etməsi ilə əlaqəlidir və əlavə edib ki, Novikov daha bilicilərin elitar klubunda oynaya bilməyəcək.[10] Novikovun özü yaranmış vəziyyətdə Krükü günahkar saymayıb. O, müsahibəsində bildirib ki, Savçenko işi başlayandan sonra hər an verilişdən öz təşəbbüsü ilə getməyə hazır olub.[11] Qısa müddət sonra KİV-də məlumat yayılıb ki, Novikov, "Nə? Harada? Nə zaman?" teleoyununun Ukrayna televiziyasında yayımlanan versiyasında oynayacaq.[12]

Digər televiziya layihələri[redaktə | əsas redaktə]

Ekranda ilk dəfə 1996-cı ildə efirə getmiş — "Tarixin təkəri" proqramında görünüb (Yuri Nikulinlə olan buraxılış). Studiyada tamaşaçı qismində olan Novikov, viktorinada verilən suallardan birinə ətraflı cavab verməklə yadda qalıb. Elə həmin ildə, 13 yaş 10 aylıq olarkən (bu göstərici ilə o, oyunun bütün tarixi ərzində iştirakçı olmuş ən gənc oyunçu olub[13]) "Öz oyunun" teleoyununda iştirak edib.[14] 5 il sonra yenidən "Öz Oyunun"a qayıdıb və qrossmeyster lojasından olan Larisa Arxipovanı məğlub edərək kompüter qazanıb. 2002-ci ildə, oyunun 45-ci mövsümündə qrossmeyster Aleksandr Edigeri məğlub edərək, Erich Krause şirkətindən əl işi olan qızıl qələm qazanıb.

Ən məşhur bilicilərdən biri kimi "Kim milyonçu olmaq istəyir?",[15] "Ən ağıllı" və s. intellektual teleşoulara dəvət edilib.

2011-ci ildə müğənni Yelena Perova ilə birlikdə "Amansız oyunlar" layihəsinin finalçısı olub. Novikov layihədə yüksək səviyyədə fiziki və psixoloji hazırlıq nümayiş etdirib.[16]

"Xəfiyyə-şou" layihəsində iştirak edib.

Ailəsi[redaktə | əsas redaktə]

İlya Novikov "Nə? Harada? Nə zaman?"ın oyunçusu Anastasiya Şutova ilə evli olub. Onların toy mərasimi Şimal qütbünə dəniz səyahəti zamanı “Qələbənin 50 illiyi” adlı buzqıran gəmisində keçirilib.[17] Novikov əvvəllər teleoyunun digər iştirakçısı Yelena Potanina ilə yaxın münasibətdə olub.[18] 2015-ci ildə Novikovla Şutova boşanıblar.[19]

İstinadlar[redaktə | əsas redaktə]

  1. Сайт фирмы «Гончарова, Новиков и партнеры»
  2. Сайт фирмы «Tenzor Consulting Group»
  3. Эхо Москвы :: Блоги / Первый день суда по делу Надежды Савченко
  4. "Адвокат Савченко Илья Новиков будет защищать Вячеслава Платона". NewsMaker.
  5. "Мошенничество и отмывание денег. Прокуроры объявили, в чем обвиняется Вячеслав Платон". NewsMaker.
  6. Адвокат Савченко выучил ради неё украинский язык
  7. Игра команды Алексея Блинова 9 октября 2010 года на сайте «ТВ Игра»
  8. Составы команд-участниц I чемпионата мира по ЧГК (2002 года) и Результаты I чемпионата мира по ЧГК (2002 года)
    Составы команд-участниц II чемпионата мира по ЧГК (2003 года) и Результаты II чемпионата мира по ЧГК (2003 года)
    Составы команд-участниц III чемпионата мира по ЧГК (2004 года) и Результаты III чемпионата мира по ЧГК (2004 года)
    Составы команд-участниц V чемпионата мира по ЧГК (2006 года) и Результаты V чемпионата мира по ЧГК (2006 года)
    Составы команд-участниц VI чемпионата мира по ЧГК (2007 года) и Результаты VI чемпионата мира по ЧГК (2007 года)
  9. "Сборная Израиля уступила команде России на Кубке наций по игре «Что? Где? Когда?»". Newsru.co.il (3 сентября 2006). 9 aprel 2012 tarixində arxivləşdirilib. İstifadə tarixi: 6 oktyabr 2009.
  10. "Борис Крюк: как одеть знатоков в смокинги". Московский комсомолец.
  11. Татьяна Селезнёва. "Взять украинца, придумать обвинение, — Илья Новиков". Focus.ua (8 sentyabr 2016).
  12. "Новикова пригласили в украинский «Что? Где? Когда?»". NewsOne (26 августа 2016).
  13. «Своя Игра» — Рекорды
  14. Профиль на сайте программы «Своя игра»
  15. Ника Ардова. "Друзь не прошел отбор в «Миллионере»!". «Komsomolskaya pravda» (30 сентября 2004). 5 aprel 2016 tarixində arxivləşdirilib. İstifadə tarixi: 6 oktyabr 2009.
  16. Илья Новиков, участник финала проекта «Жестокие игры»
    15 мая 2011 года: Финал на сайте проекта «Жестокие игры»
  17. Знатоки «Что? Где? Когда?» Илья Новиков и Анастасия Шутова поженились на атомном ледоколе.
  18. https://24smi.org/celebrity/1972-elena-potanina.html Елена Потанина (биография, фото, видео)
  19. http://slovosti.ru/society/69936/ Сложно разбогатеть на игре в «Что? Где? Когда?»

Xarici keçidlər[redaktə | əsas redaktə]