İradə İbrahimova

İradə İbrahimova
Ümumi məlumatlar
Doğum tarixi	3 aprel 1980(1980-04-03) (44 yaş)
Doğum yeri	Bakı, Azərbaycan SSR, SSRİ
Vətəndaşlığı	SSRİ  Azərbaycan
Milliyyəti	azərbaycanlı
Musiqiçi məlumatları
Fəaliyyəti	müğənni
Fəaliyyət illəri	1988-ci ildən
Janr	pop musiqisi
Təhsili	Xəzər Universiteti
Boyu	1.60 sm
iradaibrahimova.com

İradə İbrahimova (3 aprel 1980, Bakı) — Azərbaycanlı müğənni.

Həyatı

İradə İbrahimova əslən Ağstafa rayonundan olub Bakı şəhərində doğulub və uşağ vaxtından musiqini sevib. Bakıda keçirilən "Ümid- 95" müsabigənin qalibi olub. 2001-ci ildə peşəkar səhnəyə ilk addımlarını atarkən o, bəstəkar Xanım İsmayılqızı ilə işləyib. Onun ilk "Qəm qalası" (2002) adlı albomu da bu bəstəkarla olan müştərək işin məhsuludur. Repertuarında retro və xalq mahnılarından əlavə, 50-dan yuxarı məhz onun özü üçün yazılmış mahnılar var. 4 disk buraxıb, 1 dəfə Heydər Əliyev adına Sarayda çıxış edib (2004-ci il).

2009-ci ildə Türkiyəli iş adamı Ceyhun İzerlə ailə həyatı qurub.

Uşaqlıq İlləri

1980-cı il aprel ayının 3-də İbrahimovlar ailəsində 2-ci qız olaraq dünyaya göz açmışdır. Ailəsi adını İradə qoyur. İradə ailədə dünyaya göz açan 3 qızdan ortancılı oldu.

Hələ uşaq vaxtlarından ailədə azdanışan, sakit təbiətli olan bu qızın hərdənbir qonşu uşaqların təşkil etdiyi "konsert proqramlarındakı" çıxışları çox təəccüblə qarşılanırdı. Balaca, zərif, mehriban və utancaq qızın əlinə mikrofona bənzər bir əşya alıb konsert verməsi utancaqlığı ilə üst-üstə düşməsə də daxili, qəlbdən gələn arzu, istək, istedad yavaş-yavaş özünü büruzə verirdi. Bu onun gələcəkdə ki karyerası haqqında ipucular idi. Qonşular onun gözəl səsinin vurğunu idilər. Hətta onun belə bir təxəllüsü də var idi -"Zeynəb Xanlarova".

Karyera

1995-ci ildə Azərbaycan Dövlət televiziyasındakı "Ümid-95" adlı müsabiqə, İradə İbrahimovanın peşəkar səhnəyə ilk vizit kartı oldu. Bu müsabiqədə laureat olan İradə artıq seçəcəyi yolu müəyyən etmişdi. Ancaq ana-atası onu tam başqa peşə sahibi kimi görmək istəyirdilər. Valideynləri onun bu çıxışlarına, hətta ara-sıra qohum-qonşu məclislərində oxumasına belə keçici həvəs kimi baxırdılar və hesab edirdilər ki, bütün bunlar övladlarının uşaqlığından qalan xoş bir xatirə olacaq.

Diskoqrafiya

Qəm Qalası

Qəm Qalası Albomu
Məhəbbət tac olar Qəm qalası Demişəm Qul eyləmə Biri sənsən, biri də mən Səndəmi ölmək istədin? Sev məni belə Mənim mənsiz qalanım Gözləyirəm Eşidərsənmi?

2002-ci ildə ifa etdiyi "Get" mahnısı İradə İbrahimovanın Azərbaycanın musiqi aləmində olan yerini birdən-birə bir xeyli ucaltdı. Aylarla xit-paradlarda ən yüksək yerlərdə qalan bu mahnının sözləri türk şairəsi Ayşə Yılmaz Birgülə, musiqisi isə Gövhər Həsənzadəyə aiddir.

---

Röya Kimi (Sinql)

Bu İradə İbrahimovanın "Röya kimi" adlı sinqlıdır. İçində "Röya kimi" kompozisiyasını instrumental, orijinal və remiks variantları mövcuddur. Bu kompozisiya Azərbaycanda çəkilən ilk "Bəyaz həyat" teleserialı üçün yazılıb. Musiqisi Natiq Qəzənfəroğluna, sözləri isə Məryəm Əlibəyliyə aiddir. Mahnının aranjmanı, səs yazma və diskin çoxaldılması Türkiyədə gerçəkləşib.

---

Ürəyinin Götürdüyü Yerə Get

Ürəyinin Götürdüyü Yerə Get
Demədim Sevirəm Ürəyinin Götürdüyü Yerə Get Çok uzarlarda Gün gələcək Uca Dağlar Nəydi Kimdir Günahkar Reyhan Röya Kimi

"Ürəyinin götürdüyü yerə get" adlı albomunda İradə İbrahimovanın indiyə qədər ifa etdiyi ən populyar mahnıları yer alıb.

Kliplər

Tarix	Ad
2001	Qəm Qalası
2002	Sev Məni Belə
2002	Get
2002	Sən Də Mi Ölmək İstədin?
2003	Kimdir Günahkar
2004	Demədim Sevirəm
2004	Bahar Çiçəyi (Nə Bilim)
2005	Yaşananlar
2005	Gedəcəyəm Ömründən Sənin
2006	Bilsən Də, Bilməsən Də
2006	Sevgi Nağılı
2007	Aldatdın, Aldandım
2007	Oyun
2008	De Hardasan
2008	Son Qərar
2009	Nigaranam, Gəl
2010	Bu Aralar
2014	Seneler
2015	Olmamalıydı
2020	Qızım
2022	Bir Bahardır

İstinadlar

1. İradə İbrahimova və ailəsi
2. İradə İbrahimova: “İkinci dəfə ailə qurmaq ayıb deyil“
3. İradə İbrahimova qızı və həyat yoldaşı ilə - FOTO
4. İradə İbrahimova ailəsi ilə - FOTO
5. İradə İbrahimova və 4 yaşlı qızı - FOTOLAR