Şərqiyyə Vəliyeva

Şərqiyyə Vəliyeva
Şərqiyyə Vəliyeva
Şəxsi məlumatlar
Doğum tarixi	1 iyul 1936 (89 yaş)
Doğum yeri	Piçənis, Laçın rayonu, Azərbaycan SSR, ZSFSR, SSRİ;
Partiya	Sovet İttifaqı Kommunist Partiyası (1965–1991),; Yeni Azərbaycan Partiyası (1997–);
Fəaliyyəti	siyasətçi
Uşaqları	Qüdrət, ⁠Pənah, Zümrüd, ⁠Füzuli, ⁠Aybəniz, ⁠Gülbəniz, ⁠Vidadi, ⁠Xəqani, Gültəkin,⁠ Nizami, Aytəkin.
Təltifləri	; ;
	Vikianbarda əlaqəli mediafayllar

Şərqiyyə Vəliyeva (Şərqiyyə Əkbər qızı Vəliyeva; 1 iyul 1936, Piçənis, Laçın rayonu) — Sosialist Əməyi Qəhrəmanı (1966), Qəhrəman Ana, Azərbaycan SSR Ali Sovetinin VII və VIII çağırış deputatı.

Həyatı

Şərqiyyə Vəliyeva 1 iyul 1936-cı ildə Laçın rayonunun Piçənis kəndində anadan olub.^[1]

Ailədə 4 bacı, 1 qardaş olmuşdurlar. Atası Əkbər kişi Böyük Vətən müharibəsinə getdikdən sonra ailəliklə Nağdalı kəndinə köçmüşlər. Anası və özü Kirov sovxozunda sağıcı işləmişlər.

Maldarlıq təsərrüfatında uzun müddət sağıcı işlədikdən sonra, il ərzində öhdəsində olan hər inəkdən bir bala və hər inəkdən əl ilə 7400 litr süd sağdığına görə 22 mart 1966-cı ildə Sosialist Əməyi Qəhrəmanı adına layiq görülüb.

Müxtəlif illərdə 2 dəfə "Lenin", "Şərəf Nişanı", "Oktyabr İnqilabı", "Qırmızı Əmək Bayrağı", "Xalqlar Dostluğu" ordenləri və SSRİ-nin bir çox digər orden və medalları ilə təltif olunub.

Azərbaycan SSR Ali Sovetinin VII və VIII çağırış deputatı olmuşdur. SSRİ Kənd Təsərrüfatı sərgisinin iştirakçısı olmuş 2 qızıl, 1 gümüş və 2 bürünc medal almışdır.^[1]

1952-ci ildən ÜİLKGİ üzvü, 1965-ci ildən Sovet İttifaqı Kommunist Partiyası üzvü olmuşdur. 1997-ci ildə YAP-ın üzvüdür. 2002-ci ildə Prezident Heydər Əliyevin sərəncamı ilə ona "Prezident təqaüdü" verilmişdir.^[2]

Şərqiyyə Vəliyeva Laçının işğalından sonra Bərdə rayonunun Zümürxan kəndində məskunlaşmışdır.

Mükafat və təltifləri

Sosialist Əməyi Qəhrəmanı — 22. mart 1966
Lenin ordeni — 22. mart 1966
Lenin ordeni — 6. sentyabr 1973
"Şərəf nişanı" ordeni —
"Oktyabr inqilabı" ordeni — 8. aprel 1971
"Qırmızı əmək bayrağı" ordeni —
Xalqlar Dostluğu ordeni — 23. fevral 1981
Azərbaycan Respublikası Prezidentinin fərdi təqaüdü — 2002
"Heydər Əliyevin 100 illiyi (1923–2023)" yubiley medalı — 2 fevral 2024^[3]

Ailəsi

Şərqiyyə Vəliyeva Sabir Vəliyev ilə ailə həyatı qurmuş, ailəliklə maldarlıqla məşğul olmuşlar. Sabir Vəliyev qabaqcıl maldar olduğu üçün bir neçə orden və medallarla təltif edilmişdir. Onların Qüdrət, ⁠Pənah, Zümrüd, ⁠Füzuli, ⁠Aybəniz, ⁠Gülbəniz, ⁠Vidadi, ⁠Xəqani, Gültəkin,⁠ Nizami və Aytəkin adlı 11 övladı olmuşdur.

Şərqiyyə Vəliyevanın oğlanlarının dördü Qarabağ müharibəsində iştirak ediblər. Oğlu Füzuli Vəliyev Azərbaycan Respublikası Hərbi Hava Qüvvələrinin Mİ-24 helikopterində hərbi təyyarəçi olub. 252 uçuş keçirən, kapitan rütbəsində xidmətini davam etdirərək döyüşlərdə yaralanan kapitan Füzuli Vəliyev 2003-cü ildə hərbi vəzifəsini yerinə yetirərkən həlak olub.

İstinadlar

↑ ¹ ² Araz Yaquboğlu. "Mətin və dəyanətli ana". karabakhmedia.az (az.). karabakhmedia.az. 26 iyun 2016. 26 iyun 2016 tarixində arxivləşdirilib. İstifadə tarixi: 26 iyun 2016.
↑ "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı". «LegalActs» LLC (az.). legalacts.az. 02.10.2002. 2016-02-14 tarixində arxivləşdirilib. İstifadə tarixi: 2014-09-13.
↑ NModern. ""Heydər Əliyevin 100 illiyi (1923-2023)" yubiley medalı öz sahiblərinə təqdim edildi". lachin-ih.gov.az (az.). 25 may 2024 tarixində arxivləşdirilib. İstifadə tarixi: 2 aprel 2024.

Mənbə

Azərbaycan Sovet Ensiklopediyası.
"Laçın yurdu" jurnalı, № 1(1), 2011, Bakı, "Elm və təhsil", 2011.
İsmayıl Qarayev . Əməyin bəhrəsi: sosialist əməyi qəhrəmanı Şərqiyyə Vəliyeva haqqında oçerk. Bakı: Azərnəşr, 1972.

Xarici keçidlər

Vikianbarda Şərqiyyə Vəliyeva ilə əlaqəli mediafayllar var.

Şərqiyyə Vəliyeva. Zərif qəhrəman (ATV — 2. may 2015) — YouTube saytı
http://www.zaman.az/az/newsDetail_getNewsById.action?newsId=38766 Arxivləşdirilib 2014-07-14 at the Wayback Machine
Mətin və dəyanətli ana — FOTO — VİDEO Arxivləşdirilib 2016-06-26 at the Wayback Machine

[AY-1] ¹ ² Araz Yaquboğlu. "Mətin və dəyanətli ana". karabakhmedia.az (az.). karabakhmedia.az. 26 iyun 2016. 26 iyun 2016 tarixində arxivləşdirilib. İstifadə tarixi: 26 iyun 2016.

[02.10.2002-2] "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı". «LegalActs» LLC (az.). legalacts.az. 02.10.2002. 2016-02-14 tarixində arxivləşdirilib. İstifadə tarixi: 2014-09-13.

[3] NModern. ""Heydər Əliyevin 100 illiyi (1923-2023)" yubiley medalı öz sahiblərinə təqdim edildi". lachin-ih.gov.az (az.). 25 may 2024 tarixində arxivləşdirilib. İstifadə tarixi: 2 aprel 2024.

[1]

[2]

[3]