Şahzadə Mehmed (I Süleymanın oğlu)

Vikipediya, azad ensiklopediya
Naviqasiyaya keçin Axtarışa keçin
Şahzadə Mehmed
الأمير محمد سليمان
Şəxsi məlumatlar
Doğum tarixi
Doğum yeri İstanbul, Osmanlı imperiyası
Vəfat tarixi
Vəfat yeri
Dəfn yeri
Fəaliyyəti siyasətçi
Atası I Süleyman
Anası Xürrəm Sultan
Uşağı Hümaşah Sultan
Ailəsi Osmanlı sülaləsi

Şahzadə Mehmed (31 oktyabr 1521, Osmanlı imperiyası, Konstantinopol və ya Konstantinopol7 noyabr 1543 və ya 6 noyabr 1543, Konstantinopol) — I Süleymanın Xürrəm Sultandan doğulan və Manisa sancaqbəyi olan oğlu.

Həyatı[redaktə | mənbəni redaktə et]

Uşaqlıq və gənclik illəri[redaktə | mənbəni redaktə et]

Şahzadə Mehmed 1521-ci ildə Köhnə Sarayda dünyaya gəlmiş, uşaqlıq illərinin bir hissəsini məhz burada keçirmişdir. Elməincəsənətə meyilli, fiziki olaraq cılız bir şahzadə olan Mehmedin təhsilinə istər saray əhli, istərsə də atası I Süleyman diqqət yetirmişdir.[1] Atası Sultan Süleymanın Avstriya səfərinin ardından qardaşları Şahzadə MustafaŞahzadə Səlimlə birlikdə mğhtəşəm bir mərasimlə sünnət edilmişdir. 27 iyun 1530 tarixində başlayan mərasim 3 həftə boyunca davam etmişdir.[2]

1540-cı ildə böyük qardaşı Şahzadə Mustafanın Manisadan alınaraq Amasiyaya göndərilməsinin ardından Şahzadə Mehmed Manisa sancaqbəyi olaraq təyin olundu. İki il boyunca bu vəzifədə qalan Şahzadə Mehmedin bu vəzifəyə gəlməsində anası Xürrəm Sultanın da təsiri olmuşdur.

Ölümü[redaktə | mənbəni redaktə et]

Şahzadə Mehmedin 6 noyabr 1543 tarixində baş verən ölümü haqqında müxtəlif fərziyyələr var.[3] Bəzi tarixçilər onun o illərdə epidemiya olaraq yayılan çiçək xəstəliyindən vəfat etdiyini yazsalar da, bir qrup tədqiqatçı onun öz əcəliylə vəfat etdiyini qeyd edir.[3][4] Şahzadə Mehmedin məzarı İstanbulda atasının əmrilə 1543–1548 tarixlərində inşa olunan Şahzadəbaşı məscidində yer alır. Türbənin ən baş tərəfində Şahzadə Mehmed, orta hissəsində qızı Hümaşah Sultan, ən son hissədə isə kiçik qardaşı Şahzadə Cahangirin məzarları yerləşir. Məscidin həyətində isə bacısı Mihrimah Sultanın əri və dönəmin sədrəzəmi Rüstəm Paşanın məzarı yerləşir.

Mənbə[redaktə | mənbəni redaktə et]

  1. Köse, Osman (2010). I.Süleyman. Samsun: Ondokuz Mayıs Üniversitesi.
  2. IŞIK, Mehmet. "Siyaset ve Şenlik 1836 Sur-i Humayunu", İstanbul 2014
  3. 3,0 3,1 Öztuna, Yılmaz. Kanuni Sultan Süleyman. Babıali Kültür Yayınları, 2006. s. 174–189
  4. Uzunçarşılı, İsmail Hakkı (1951, yeni ed. 1998), Osmanlı Tarihi: İstanbul'un Fethinden Kanunî Sultan Süleyman'ın Ölümüne Kadar , Ankara:Türk Tarih Kurumu Yayınları