Sinan Paşa

Vikipediya, açıq ensiklopediya
Jump to navigation Jump to search
Sinan Paşa
Sinan pasha.jpg
Osmanlı Kaptan-ı Dəryası
1550 — 1553
Sələfi Sokullu Mehmed Paşa
Xələfi Piyalə Paşa
Şəxsi məlumatlar
Doğum tarixi II minillik
Doğum yeri
Vəfat tarixi 21 dekabr 1553(1553-12-21)
Vəfat yeri İstanbul, Osmanlı imperatorluğu
Dəfn yeri
Hərbi xidmət
Rütbəsi Admiral

Sinan Paşa və ya Sinanüddin Yusuf Paşa (ö. 21 dekabr 1553), I Süleyman dönəmində, 1550-1553-cü illərdə Osmanlı Donanmasının Kaptan-ı dəryası olmuşdur.

Həyatı[redaktə | əsas redaktə]

Osmanlı Xanədanı ilə qohumluq əlaqəsi olan Sinan Paşa I Süleymanın qızı Mehrimah Sultanın əri sədrəzəm Kürəkən Rüstəm Paşanın qardaşı idi. Xorvat əsilli xristian bir ailənin övladı olaraq Sarayevo yaxınlarında yerləşən Butomir kəndində dünyaya gəlmişdir. Böpyük qardaşı Kürəkən Rüstəm Paşa və Nəfisə adlı bacısının olduğu bilinir.

Saraya gəlişi[redaktə | əsas redaktə]

Sinan Paşa Əndərunda yetişdirilmişdir. Sokullu Mehmed Paşanın kaptan-ı dəryalığından sonra 1550 tarixində kaptan-ı dərya olaraq təyin olunmuşdur. 1551-ci ildə Malta ilə gedən Trablus Mühasirəsi və Fransaya yardım üçün aparılan Aralıq dənizi səfərlərində Osmanlı Donanmasına rəhbərlik etmişdir. Ancaq bütün bu uğurlar onun yox, o dövrdə gənc bir dənizçi olan Turqut rəisin uğuru idi. Turqut rəis, əsasən də Sinan Paşa ilə birlikdə qatıldıqları Şimali Afrika səfərindən sonra, sultanın və bütün Osmanlı dənizçilərinin gözündə Sinan Paşadan daha yüksək tutulmuş, buna baxmayaraq 1553 tarixinə qədər Sinan Paşa öz vəzifəsində qalmışdır.

Vəfatı[redaktə | əsas redaktə]

Vəfatından sonra geridə 2 qızı və 1 oğlu qalmasına baxmayaraq, gözlənilməz bir qərarla bütün sərvətini Mehrimah Sultana vəsiyyət etdi. Öldüyü vaxt Memar Sinan tərəfindən inşa olunan Sinan Paşa Məscidinin tamamlanmaması səbəbi ilə Üsküdarda yerləşən Mehrimah Sultan Məscidinə dəfn olundu. Ancaq bəzi tarixçilərə görə, Sinan Paşa indiki Albaniya ərazisində bir yəhudi qəbiristanlığına dəfn olunmuşdur.