Əbuhəci İdrisov

Vikipediya, azad ensiklopediya
Naviqasiyaya keçin Axtarışa keçin
Əbuhəci İdrisov
Şəxsi məlumatlar
Doğum tarixi 17 may 1918(1918-05-17)
Doğum yeri
Vəfat tarixi 22 oktyabr 1983(1983-10-22) (65 yaşında)
Vəfat yeri
Vətəndaşlığı
Hərbi fəaliyyəti
Mənsubiyyəti Sovet Sosialist Respublikaları İttifaqı
Qoşun növü piyada
Rütbəsi Baş çavuş
Döyüşlər
Təltifləri Sovet İttifaqı Qəhrəmanı "Lenin" ordeni "Qırmızı bayraq" ordeni "Qırmızı ulduz" ordeni "1941–1945-ci illər Böyük Vətən müharibəsində Almaniya üzərində qələbəyə görə" medalı

Əbuhəci İdrisov (çeç. Абухажи Идрисов , rus. Абухаджи Идрисович Идрисов; 17 may 1918, Berdikel[d], Şimali Qafqaz diyarı[d] – 22 oktyabr 1983, Qroznı) — İkinci Dünya müharibəsi dövründə Qırmızı Orduda xidmət edən çeçen snayper və pulemyotçu. Müharibə zamanı ümumilikdə 349 düşmən əsgərini öldürmüşdür. 1944-cü ildə Sovet İttifaqı Qəhrəmanı adına layiq görülmüşdür. Lakin bu uğurlarına baxmayaraq etnik mənsubiyyətinə görə (çeçen olduğu üçün) Qazaxıstan SSR-yə sürgün edilmişdir. Nikita Xruşşov dövründə çeçenlərə geri dönmə hüququ verildikdən sonra, 1957-ci ildə Çeçenistandakı kəndlərinə qayıtdı.

Həyatı[redaktə | mənbəni redaktə et]

Əbuhəci İdrisov 17 may 1918-ci ildə Şimali Qafqaz Respublikasının Berdikel kəndində (indiki Komsomolskoye kəndi) kəndli ailəsində anadan olmuşdur. İbtidai məktəbi bitirib "Sovetskaya Rossiya" kolxozunda çoban işləmişdir.[1]

Əbuhəci İdrisov 1939-cu ilin oktyabrında Qırmızı Ordu sıralarına çağırıldı. O, pulemyotçu kimi hazırlıq keçmiş və Baltikyanı ölkələrdəki 125-ci piyada diviziyasına təyin edilmişdir. Əbuhəci İdrisov İkinci Dünya müharibəsinin ilk günündən etibarən Sovet ordusunun tərkibində Almaniyanın Barbarossa əməliyyatına qarşı mübarizə aparmışdır. 1941-ci ilin iyulunda diviziyası ilə İlmen gölü ilə Seliqer gölü arasındakı Pskov-Velikiye Luki xəttində müdafiə mövqeyi qurdu. Nəhayət oradakı Sovet qoşunları almanların Leninqrada doğru olan hücumlarını dəf etməyi bacardı. Əbuhəci İdrisov bu döyüşlərdə pulemyot ilə 22 alman əsgərini öldürdü və bundan sonra snayper olmaq üçün təlimə göndərildi. O, snayper təlimini başa vurduqdan sonra, 1942-ci ilin oktyabrında Şimal-Qərb cəbhəsinin bölmələrindən birindəki snayper qrupuna təyin edildi. Əbuhəci İdrisov on günlük gərgin döyüşlər zamanı snayper olaraq 100-ə yaxın düşmən piyadasını öldürməyi bacardı. 1943-cü ilin aprelində 370-ci piyada diviziyasının 1232-ci piyada alayında xidmət edərkən ümumilikdə 300-dən çox Alman əsgərini öldürdüyü divizyanın hesabatında təsdiqlənmişdir. Leninqradın mühasirəsinə qatıldıqdan sonra Pskov bölgəsinin və Baltikyanı ölkələrin geri alınması üçün aparılmıış hücum əməliyyatlarında da iştirak etmişdir. 1944-cü ilin mart ayında 349 düşmən əsgərini öldürmüş və Sovet İttifaqı Qəhrəmanı adına namizəd göstərilmişdir. Əbuhəci İdrisov minanın yanında partlaması səbəbindən yaralanmış və daha sonra isə tərxis edilmişdir. 3 iyun 1944-cü ildə Sovet İttifaqı Qəhrəmanı adına layiq görülmüşdür. Hərbi sərgidə "Sovet İttifaqı Qəhrəmanı, çeçen xalqının şanlı oğlu Əbuhacı İdrisov üç yüzdən çox alman faşistini məhv etdi" başlığı ilə silahı və müharibə dövrü fotoşəkilləri nümayiş etdirilmişdir.[1][2][3]

Sonrakı dövrlərdə baş verən çeçenlərin və inquşların deportasiyası zamanı etnik mənsubiyyətinə görə Qazaxıstana sürgün edilmişdir. Sürgündə olarkən cənub-qərbi Qazaxıstanda yaşadı və fermada işlədi. Geri dönmə hüququ verildikdən dərhal sonra Çeçenistana qayıtdı və 1962-ci ildə Kommunist Partiyasının üzvü oldu. Ömrünün qalan hissəsini Çeçenistanda keçirdi və 22 oktyabr 1983-cü ildə Qroznıda vəfat etdi.[4]

İstinadlar[redaktə | mənbəni redaktə et]

  1. ↑ 1 2 "Идрисов Абухаджи Arxivləşdirilib 2014-01-14 at the Wayback Machine". www.warheroes.ru. İstifadə tarixi: 15 oktyabr 2020.
  2. ↑ "Идрисов Абухажи — Советские снайперы 1941–1945 гг Arxivləşdirilib 2016-11-09 at the Wayback Machine". soviet-aces-1936–53.ru. İstifadə tarixi: 15 oktyabr 2020.
  3. ↑ "Абухажи Идрисов — советский снайпер РККА Великой Отечественной войны — Ворошиловские стрелки. Русские снайперы Великой Отечественной войны Arxivləşdirilib 2012-05-10 at the Wayback Machine". airaces.narod.ru. İstifadə tarixi: 15 oktyabr 2020.
  4. ↑ "Герой Советского Союза Идрисов Абухажи Arxivləşdirilib 2013-10-16 at the Wayback Machine". ИА Чеченинфо (ru). İstifadə tarixi: 15 oktyabr 2020.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Əbuhəci_İdrisov&oldid=6996362"