Ədalət Vəliyev

Vikipediya, azad ensiklopediya
Jump to navigation Jump to search
Ədalət Vəliyev
Ədalət Vəliyev.jpg
bayraqAzərbaycan Respublikası Prezidentinin Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiribayraq
29 noyabr 2019 — vəzifədədir
Prezident İlham Əliyev
bayraqAzərbaycan Respublikası Mədəniyyət və Turizm nazirinin müavinibayraq
7 fevral 2006 — 2018
bayraqAzərbaycan Respublikası Mədəniyyət nazirinin müavinibayraq
1993 — 7 fevral 2006
Şəxsi məlumatlar
Təhsili Azərbaycan Dövlət Universiteti
Doğum tarixi
Doğum yeri Bakı, Azərbaycan SSR
Atası Məqsəd Vəliyev
Həyat yoldaşı Tamara Vəliyeva

Təltifləri "Azərbaycan Respublikasının əməkdar incəsənət xadimi" fəxri adı — 2013 "Sənətkar" medalı — 2014 "Humay" mükafatı — 2005 "Qızıl Dərviş" mükafatı
3-cü dərəcəli "Əmək" ordeni — 2018 "Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi (1919-2019)" yubiley medalı "Azərbaycan Ədliyyəsinin 100 illiyi (1918-2018)" yubiley medalı — 2020 "Bakı Dövlət Universitetinin 100 illiyi (1919-2019)" yubiley medalı — 2019 "Fəxri Mədəniyyət İşçisi" döş nişanı — 2013
Commons-logo.svg Vikianbarda əlaqəli mediafayllar

Ədalət Məqsəd oğlu Vəliyev (1959, Bakı) — ictimai xadim, sənətşünaslıq elmləri doktoru, professor, Azərbaycan Respublikasının əməkdar incəsənət xadimi (2013). Azərbaycan Respublikası Mədəniyyət nazirinin müavini (1993–2006), Azərbaycan Respublikası Mədəniyyət və Turizm nazirinin müavini (2006–2018), Azərbaycan Respublikası Prezidentinin Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri (2019-cu ildən).

Həyatı[redaktə | əsas redaktə]

Vəliyev Ədalət Məqsəd oğlu 1959-cu ildə Bakı şəhərində anadan olmuşdur.

1966–1976-cı illərdə Bakı şəhər 102 nömrəli orta ümümtəhsil məktəbində, eyni zamanda 1968–1973-cü illərdə 21 nömrəli musiqi məktəbində təhsil almışdır. Ədalət Vəliyev əmək fəaliyyətinə 1976-cı ildə başlamışdır. 1978–1980-ci illərdə ordu sıralarında xidmət etmişdir. 1977-ci ildə Azərbaycan Dövlət Universitetinə daxil olmuş və buranı filologiya ixtisası üzrə bitirmişdir.[1]

1980-cı ildən başlayaraq Azərbaycan Dövlət Akademik Milli Dram Teatrında və Səməd Vurğun adına Azərbaycan Dövlət Rus Dram Teatrında müxtəlif vəzifələrdə işləmişdir. O, 1986–1987-ci illərdə Azərbaycan Dövlət Rus Dram Teatrında, 1987–1989-cu illərdə isə Azərbaycan Dövlət Akademik Milli Dram Teatrında direktor müavini vəzifəsində çalışmış, 1989–1991-ci illərdə Azərbaycan Dövlət Akademik Milli Dram Teatrında sərəncamçı direktor, 1991–1993-cü illərdə isə Azərbaycan Dövlət Rus Dram Teatrında direktor vəzifəsində fəaliyyət göstərmişdir.[2]

Ədalət Vəliyev 1993–2006-cı illərdə Azərbaycan Respublikası Mədəniyyət nazirinin, 2006–2018-ci isə illərdə Mədəniyyət və Turizm nazirinin müavini vəzifələrində çalışmışdır. O, 29 noyabr 2019-cu ildə Azərbaycan Respublikası Prezidentinin Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri təyin edilib.[3]

Azərbaycan Yazıçılar Birliyinin, Teatr Xadimləri İttifaqının, Azərbaycan Rəssamlar İttifaqının üzvüdür.

Ailəlidir. İki övladı və dörd nəvəsi var.

Elmi fəaliyyəti[redaktə | əsas redaktə]

Ədalət Vəliyev 1997–2017-ci illərdə Azərbaycan Dövlət Mədəniyyət və İncəsənət Universitetində pedaqoji fəaliyyətlə məşğul olub. O, Azərbaycanda və xaricdə çap olunan çoxlu sayda elmi və publisistik məqalələrin, dərslik, dərs vəsaiti və proqramların müəllifidir. Odlar Yurdu Universitetinin fəxri professorudur.

2003-cü ildə "Elm" nəşriyyatında "Azərbaycan milli teatr prosesinin çağdaş təşkilatlanma problemləri" adlı monoqrafiyası, 2005-ci ildə "Teatr sənətimiz: dünən, bu gün, sabah..." adlı kitabı, 2007-ci ildə "Yeni təməl" adlı kitabı nəşr olunub. 2009-cü ildə "Əqidə, Ruh və Teatr" (XX əsrin II yarısında Azərbaycan mədəniyyətində milli teatr konsepsiyalarının sosial-fəlsəfi və siyasi-ideoloji paradiqması) adlı monoqrafiyası, 2012-ci ildə İstanbulun Still Company nəşriyyatında "The Structure of a Modern Theatre" kitabı ingilis dilində, 2014-cü ildə İngiltərənin Open Theatres nəşriyyatı tərəfindən "Belief, Spirit and Theatre" kitabı ingilis dilində, 2016-cı ildə "Təhsil" nəşriyyatı tərəfindən "Азербайджанский театр начала XXI века" adlı kitabı rus dilində nəşr olunub.[4]

2008-ci ildə Azərbaycan Respublikası Prezidenti yanında Ali Attestasiya Komissiyası tərəfindən sənətşünaslıq namizədi alimlik dərəcəsi verilmişdir. 2012-ci ildə Azərbaycan Respublikası Prezidenti yanında Ali Attestasiya Komissiyasının qərarı ilə teatrşünaslıq kafedrası üzrə dosent elmi adı, 2015-ci ildə Azərbaycan Respublikası Prezidenti yanında Ali Attestasiya Komissiyasının qərarı ilə teatrşünaslıq kafedrası üzrə professor elmi adı, 2018-ci ildə Azərbaycan Respublikası Prezidenti yanında Ali Attestasiya Komissiyasının qərarı ilə sənətşünaslıq elmləri doktoru dərəcəsi verilmişdir.

Mükafatları[redaktə | əsas redaktə]

Müxtəlif illərdə "Qızıl dərviş", "Humay", "Qızıl Qələm" mükafatlarına, Abbasqulu Ağa Bakıxanov adına fəxri diploma, Azərbaycan Mədəniyyət İşçiləri Həmkarlar İttifaqı Respublika Komitəsinin Fəxri Fərmanına, Azərbaycan Həmkarlar İttifaqları Konfederasiyasının döş nişanına, Bakı Dövlət Universitetinin Fəxri Fərmanına, Azərbaycan Teatr Xadimləri İttifaqının "Sənətkar" medalına, Azərbaycan Respublikası Mədəniyyət və Turizm Nazirliyi tərəfindən "Fəxri mədəniyyət işçisi" adına və döş nişanına, Azərbaycan Həmkarlar İttifaqları Konfederasiyasının yubiley döş nişanına, "Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi (1919-2019)" yubiley medalına, "Azərbaycan Ədliyyəsinin 100 illiyi (1918-2018)" yubiley medalına, "Bakı Dövlət Universitetinin 100 illiyi (1919-2019)" yubiley medalına layiq görülüb.

25 iyun 2013-cü ildə Azərbaycan Respublikasının Prezidenti tərəfindən "Azərbaycan Respublikasının əməkdar incəsənət xadimi" fəxri adına layiq görülmüşdür.[5]

5 mart 2019-cu ildə 3-cü dərəcəli "Əmək" ordeni ilə təltif olunmuşdur.[6]

Kitab və monoqrafiyaları[redaktə | əsas redaktə]

  1. "Azərbaycan milli teatr prosesinin çağdaş təşkilatlanma problemləri", kitab, "Elm" nəşriyyatı, Bakı, 2003
  2. "Teatr sənətimiz: dünən, bu gün, sabah… ", kitab, "Elm" nəşriyyatı, Bakı, 2005
  3. "Yeni təməl" iki kitab,qırx səkkiz rəy, "Elm" nəşriyyatı, Bakı, 2007
  4. "Əqidə, Ruh və Teatr" (XX əsrin II yarısında Azərbaycan mədəniyyətində milli teatr konsepsiyalarının sosial-fəlsəfi və siyasi-ideoloji paradiqması), monoqrafiya, "Still Company" nəşriyyatı, Türkiyə, 2009
  5. "The Structure of a Modern Theatre" kitab, "Elm" nəşriyyatı, Bakı, 2012
  6. "Belief, Spirit and Theatre" monoqrafiyası, Open Theatres nəşriyyatı, İngiltərə, 2014
  7. "Азербайджанский театр начала XXI века" kitabı, "Təhsil" nəşriyyatı, Bakı, 2016

İstinadlar[redaktə | əsas redaktə]

  1. Səs informasiya agentliyi (14 mart 2019). "Ədalət Vəliyevə 3-cü dərəcəli "Əmək" ordeni təqdim edilib". sia.az (azərb.). İstifadə tarixi: 27 yanvar 2020.
  2. İlham Rəhimli (2016). Azərbaycan Teatr Ensiklopediyası. I cild. Azərnəşr. səh. 321.
  3. "Ə.M.Vəliyevin Azərbaycan Respublikası Prezidentinin Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri təyin edilməsi haqqında Azərbaycan Respublikası Prezidentinin Sərəncamı". president.az (azərb.). 29 noyabr 2019. İstifadə tarixi: 27 yanvar 2020.
  4. AzərTAc (18 iyul 2010). "Ədalət Vəliyevin "Əqidə, ruh və teatr" monoqrafiyası çapdan çıxmışdır". anl.az (azərb.). Azərbaycan Milli Kitabxanası.
  5. "Azərbaycan Respublikasının teatr xadimlərinə fəxri adların verilməsi haqqında Azərbaycan Respublikası Prezidentinin Sərəncamı". president.az (azərb.). 25 iyun 2013. İstifadə tarixi: 27 yanvar 2020.
  6. "Ə.M.Vəliyevin 3-cü dərəcəli "Əmək" ordeni ilə təltif edilməsi haqqında Azərbaycan Respublikası Prezidentinin Sərəncamı". e-qanun.az (azərb.). 5 mart 2019. İstifadə tarixi: 27 yanvar 2020.