Əfrasiyab Məmmədov

Vikipediya, azad ensiklopediya
Jump to navigation Jump to search
Əfrasiyab Məmmədov
Əfrasiyab Məmmədov.jpg
Doğum tarixi 19 mart 1928(1928-03-19)
Doğum yeri Gəncə, Azərbaycan SSR, SSRİ
Vəfat tarixi 18 noyabr 1990 (62 yaşında)
Vəfat yeri Bakı, Azərbaycan SSR, SSRİ
Vətəndaşlığı SSRİ SSRİ
Peşələri Aktyor, rejissor

Əfrasiyab Məmmədov (d. 19 mart 1928, Gəncə, Azərbaycan SSR, SSRİ - ö. 18 noyabr 1990, Bakı şəhəri, Azərbaycan SSR, SSRİ) — Azərbaycan aktyoru və teatr rejissoru.

Həyatı[redaktə | əsas redaktə]

Əfrasiyab Məmmədov 1928-ci il martın 19-da Gəncə şəhərində dünyaya göz açmışdır.

1945-ci ildə Bakıda Dövlət Teatr İnstitutununda (indiki Azərbaycan Dövlət Mədəniyyət və İncəsənət Universiteti) məşhur rejissor və pedaqoq Məhərrəm Haşımovun rejissorluq kursuna daxil olub. Lakin 6 ay sonra aktyor və rejissor Adil İsgəndərov Əfrasiyabın səhnə görünüşünü, daxili imkanlarını eşidib görən kimi, aktyorluq kursuna keçirib.

Tədris prosesinin fəallığını gələcək sənətdə ümid verə biləcəyini eşidib hiss edən Adil İsgəndərov Əfrasiyab Məmmədovu Azərbaycan Dövlət Akademik Milli Dram Teatrının truppasında aktyor qəbul edib.

Öz dövrünün tanınmış tear və kino aktyoru Əfrasiyab Məmmədovun "O olmasın, bu olsun", “Koroğlu”, “Qızmar günəş altında”, “Kişi sözü” filmlərində, “Otello”, “Vaqif”, “Ailə namusu” səhnə əsərlərində oynadığı rollar tamaşaçıların rəğbətini qazanmışdır. Azərbaycan Dövlət Kukla Teatrının baş rejissoru işləmiş aktyor, eyni zamanda pedaqoji fəaliyyətlə də məşğul olmuşdur.

1990-cı il noyabrın 18-də 62 yaşında Bakıda vəfat edib və Fəxri Xiyabanda dəfn olunub.

2011-ci ildə aktyorun yaradıcılığının bir hissəsini əks etdirən materiallar Salman Mümtaz adına Azərbaycan Dövlət Ədəbiyyat və İncəsənət Arxivinə təqdim olunub və aktyorun şəxsi arxivi yaradılıb.[1]

2013-cü ildə Azərbaycan Televiziyasında aktyorun yaradıcılığını əks etdirən "Qəribə taleli aktyorun sənət dünyası. Əfrasiyab Məmmədov" sənədli film çəkilmişdir.

Filmoqrafiya[redaktə | əsas redaktə]

  1. Bakıda küləklər əsir (film, 1974)
  2. Dədə Qorqud (film, 1975)
  3. Diplomlu mütəxəssis (film, 1974)
  4. Doğma xalqıma (film, 1954)
  5. Evlənmək istəyirəm (film, 1983)
  6. Əmək və qızılgül (film, 1962)
  7. İşarəni dənizdən gözləyin (film, 1986)
  8. İyirmialtılar (film, 1966)
  9. Kişi sözü (film, 1987)
  10. Koroğlu (film, 1960)
  11. Qəribə adam (film, 1979)
  12. Qəribə taleli aktyorun sənət dünyası. Əfrasiyab Məmmədov (film, 2013)
  13. Qətl günü (film, 1990)
  14. Qızmar günəş altında (film, 1957)
  15. Məhəbbətdən də artıq (film, 1975)
  16. Musiqi müəllimi (film, 1983)
  17. Nəsimi (film, 1973)
  18. O olmasın, bu olsun (film, 1956)
  19. Sehrli xalat (film, 1964)
  20. Üzeyir ömrü (film, 1981)
  21. Yanğın (film, 1975)
  22. Yenilməz batalyon (film, 1965)

İstinadlar[redaktə | əsas redaktə]

Mənbə[redaktə | əsas redaktə]

  • Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 52.