Əl-Xufuf

Vikipediya, açıq ensiklopediya
Jump to navigation Jump to search
Şəhər
Əl-Xufuf
ərəb. الهفوف‎‎
Qasr Sahoud (4185899050).jpg

25°23′00″ şm. e. 49°35′00″ ş. u.


Ölkə Flag of Saudi Arabia.svg Səudiyyə Ərəbistanı
Bölgə Əş-Şərkiya
Tarixi və coğrafiyası
Mərkəzin hündürlüyü 164 m
Saat qurşağı UTC+3
Əhalisi
Əhalisi 321,471 nəfər (2010)
Rəqəmsal identifikatorlar
hofuf.gov.sa
Xəritəni göstər/gizlə
Əl-Xufuf xəritədə
Əl-Xufuf
Əl-Xufuf
Commons-logo.svg Vikianbarda əlaqəli mediafayllar

Əl-Xufuf (ərəb. الهفوف‎‎‎) — Səudiyyə Ərəbistanında yerləşən şəhərdir. Əş-Şarkiya (Şərq əyalətinə) inzibati dairəsində yerləşmişdir. Əhalisinin sayı 321 471 nəfərdir (2010-cu il məlumatlarına əsasən).[1]

Ümumi məlumatlar[redaktə | əsas redaktə]

Şəhər Əl-Xasa oazisində yerləşmişdir. Abkaik neft yatağından və Daxran — Dammam — Əl-Xubar boru xətti üzrə Xarad kəndindən cənub-qərbdə yerləşmişdir. Dəniz səviyyəsindən 164 m hündürlükdə yerləşmişdir.[2] Əl-Xufuf məşhur olan, nəhəng neft yatağı olan Qavarın yaxınlığındadır.

Əl-Xufuf Səudiyyə Ərəbistanının əsas mədəni mərkəzlərindən biridir. Burada yaşayan bir çox məşhur soyadların nümayəndələri bütün ölkədə hamı tərəfəndin tanınır. Şəhərdə Kral Feysal adına Universitet yerləşir. Canlı resurslarının öyrənilməsi üzrə kənd təsərrüfatı fakultəsi və baytarlıq fakultələri fəaliyyət göstərir. Digər fakultələr isə Dammamdakı universitetdədir. Həmçinin şəhərdə tibbin, stomatologiyanın və evdarlığın öyrənilməsi üzrə qadınlar üçün xüsusi fakultələr fəaliyyət göstərir.

Əfsanəyə görə, Əl-Xufuf şəhəri Leyli və Məcnunun ölüm yeri hesab edilir. Tarixin faciəli sevgi haqqında ərəb və müsəlman dünyasında ən məşhur qəhrəmanları hesab olunur. Rəvayətə görə, həm də burada Bilqeys yaşamışdır.

Şəhər 1953-cü ildə Şərq əyalətinin mərkəzi olmuşdur. Əl-Xufufda əvvəlki dövrlərin — Osmanlı hökmranlığının (1871-ci ildən 1913-cü ilə qədər şəhər Osmanlı İmperiyasının tərkibinə daxil idi) izlərini tapmaq olar.[3][4] Şəhərdə şəhərin tarixini əks etdirən muzeylər yerləşir.

Əhalisi[redaktə | əsas redaktə]

XX əsrin başlanğıcında Əl-Xufufun əhalisi təxminən 25 000 nəfər təşkil edirdi. Əhalinin dörddə üçünü (75 %) sünnilər təşkil edirdi. Yerdə qalan əhali isə şiələrdən təşkil olunmuşdur. Şəhər öz dini tərkibinə görə qarışıq idi.[5] Bugünə kimi öz tarixi boyunca sünnilər üçün əhəmiyyətli mərkəz qalaraq — Ərəbistan yarımadasında Maliki məzhəbinin davamçıları olaraq qalır. Əl-Xufufun yaxınlığında oazisdə yerləşmiş kəndlərdə əvvəlki kimi bir çox şiə yaşayır.[6]

İqtisadiyyat və nəqliyyat[redaktə | əsas redaktə]

Şəhərdə əldəqayırma sənətlər yaxşı inkişaf etmişdir. Yun geyimlərinin və parçaların istehsalı, qızıl və gümüş bəzəkləri bu şəhərdə geniş yayılıb. Həmçinin şəhərdə hədiyyə qılınclar və xəncərlər istehsal edilir. Mis məmulatlar daha çox hazırlanır. Şəhərin ətrafındakı vadidə xurma, üzüm, arpabuğda yetişdirilir. Ərəb atı saxlanılır. Əl-Xufufda Səudiyyə Ərəbistanında məşhur olan dəvə bazarı yerləşir.[3]

Əl-Xufufda iki hava limanı yerləşir. Şəhərdən 130 kilometr məsafədə yerləşən Kral Faxd hava limanı ölkənin əsas hava limanıdır. İki yerli hava limanına gəlincə, onlardan biri hal-hazırda bağlanmışdır. Digər hava limanı ilə Saudi Arabian Airlines şirkəti tərəfindən Ciddəyə daxili reyslər həyata keçirilir.

Şəhər ölkənin əsas liman şəhəri olan Ras-Tanur ilə ölkənin paytaxtı olan Ər-Riyadı birləşdirən dəmir yolunun üzərində yerləşmişdir.

İstinadlar[redaktə | əsas redaktə]

  1. Saudi Arabia: largest cities and towns and statistics of their population World Gazetteer  (ing.) (alm.) (fr.) (isp.)
  2. "Al Hufuf, Saudi Arabia Page" (ing.). Fallingrain Global Gazetteer.
  3. 3,0 3,1 Al-Hufuf (Saudi Arabia) Britannica Online Encyclopedia  (ing.)
  4. Al Hofuf City, Saudi Arabia
  5. G.G. Lorimer, Gazetteer of the Persian Gulf, ʻOman, and Central Arabia, Volume 1, Part 2 (1908 — Republished 1970), p. 746 ссылка  (ing.)
  6. Origin and Development of Islamic Law, edited by Majid Khadduri, Herbert J. Liebesny. Originally published: Washington, Middle East Institute (1955). Republished: Clark, New Jersey: The Lawbook Exchange Ltd. (2008). p. 69 ссылка  (ing.)

Ədəbiyyat[redaktə | əsas redaktə]

  • P.V.Qusterin Ərəb Şərqinin şəhərləri. — М.: Vostok—Zapad, 2007. — 352 s. — (Ensiklopediya məlumat kitabçası). — 2000 ekz. — ISBN 978-5-478-00729-4

Xarici keçidlər[redaktə | əsas redaktə]

  • Hofuf on www.The-Saudi.net
  • Jabal Qarah, Splendid Arabia: A travel site with photos and routes