Əminə Cəfərova

Vikipediya, açıq ensiklopediya
Jump to navigation Jump to search
Picto infobox character.png
Əminə Cəfərova
Fotoqrafiya

Doğum tarixi
1925(1925-Şablondakı doğum və ya ölüm tarixində texniki yanlışlıq var!-00)
Doğum yeri Ağdam, Azərbaycan
Vəfat tarixi 13 avqust 2011 (86 yaşında)
Vəfat yeri Bakı, Azərbaycan
Vəfat səbəbi ürək infaktı
Atası Surxay Cəfərov
Anası Güldəstə Cəfərova
Uşaqları Rabilə, Zabilə, Yəmən, Tünzalə
Vətəndaşlıq Flag of the Soviet Union.svg SSRİ
MükafatlarıSosialist Əməyi Qəhrəmanı
"Lenin" ordeni "Lenin" ordeni "Lenin" ordeni

Cəfərova Əminə Surxay qızı (d.1925, Ağdam şəhəri - v.2011, Bakı şəhəri) — Sov.İKP-nin üzvü (1947), Sosialist Əməyi Qəhrəmanı (1949).

Şəkildə sağdan: Heydər Əliyev, Xuraman Abbasova və dördüncü Əminə Cəfərova.

Həyatı[redaktə | əsas redaktə]

Cəfərova Əminə Surxay qızı 1925-ci ildə Ağdam şəhərində anadan olmuşdur. Gənc yaşlarından Çəlik deyilən üzümçülük sahəsində əmək fəaliyyətinə başlamış, az bir vaxtda öz işgüzarlığı, əməksevərliyi sayəsində Manqa başçısı vəzifəsinə qədər yüksəlmişdir.

1941-1971-ci illərdə Ağdam rayonundakı “Nətəvan” adına üzümçülük sovxozunda manqabaşçısı, uşaq bağçasının müdiri, şərab zavodunda laborant, 1971-ci ildən isə mikrobioloq işləmişdir.

1947-ci ildən Sov.İKP-nin üzvü olmuşdur[1].

Əminə Cəfərova 1948-ci ildə üzümçülük sahəsində yüksək əmək göstəricilərinə nail olmuşdur. Belə ki, 3 hektarlıq məhsuldar sahənin hər hektarından 230,2 sentner məhsul götürmüşdür. Hökumət qarşısında xidmətini nəzərə alan SSRİ Ali Soveti 5 oktyabr 1949-cu il tarixli 4724 saylı qərarı ilə ona Sosialist Əməyi Qəhrəmanı adı vermişdir. Bundan əlavə Əminə Cəfərova 3 dəfə Lenin ordeni və müxtəlif medallarla təltif edilmişdir.

1951-ci ildə Azərbaycan nümayəndə heyətinin tərkibində əmək qabaqcılları ilə birgə Moskva şəhərindəki Ümumittifaq Kənd Təsərrüfatı nailiyyətləri sərgisində iştirak etmişdir.

1988-ci ildə Ağdam rayon partiya təşkilatının XI konfransına nümayəndə seçilmişdir.

1993-cü ildə Ağdam rayonunun işğalı ilə əlaqədar məcburi köçkün kimi bir müddət Bərdə şəhərində yaşadıqdan sonra birdəfəlik Bakı şəhərində məskunlaşmışdır.

Azərbaycan Respublikası Prezidendinin 2 oktyabr 2002-ci il tarixli 1049 saylı sərəncamı ilə Azərbaycanın iqtisadiyyat sahəsində böyük xidmətlərinə görə Cəfərova Əminə Surxay qızına Azərbaycan Respublikası Prezidentinin fərdi təqaüdü verilmişdir[2][3][4].

Sosialist Əməyi Qəhrəmanı Əminə Cəfərova 2011-ci il avqustun 13-də Bakı şəhərində 86 yaşında vəfat etmişdir. O Keşlə qəsəbəsi qəbirstanlığında dəfn edilmişdir[5].

Əminə Cəfərova haqqında Xalq yazıçısı Əli Vəliyevin 1972-ci ildə çap olunan "Durna qatarı" adlı kitabında geniş məlumat verilmişdir.

Ailəsi[redaktə | əsas redaktə]

Əminə Cəfərova 1950-ci ildə Ziyəddin Əliyev ilə ailə həyatı qurmuş, — Rabilə (1951), Zabilə (1953), Yəmən (1958) və Tünzalə (1961) adlı dörd qızları dünyaya gəlmişdir.

Təltifləri[redaktə | əsas redaktə]

  • "Oraq və Çəkic" qızıl medalı (4763)
  • "Sosialist Əməyi Qəhrəmanı" (7248)
  • "Lenin ordeni" (109569)
  • "Lenin ordeni" (123681)
  • "Lenin ordeni" (131374)

İstinadlar[redaktə | əsas redaktə]

  1. TANINMIŞ ÜZÜMÇÜLƏR: Cəfərova Əminə Surxay qızı
  2. Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin 2 oktyabr 2002-ci il tarixli 1049 saylı Sərəncamı
  3. «Azərbaycan» qəzeti, 3 oktyabr 2002-ci il, № 228
  4. «Azərbaycan Respublikasının Qanunvericilik Toplusu», 31 oktyabr 2002-ci il, № 10, maddə 607
  5. Araz Yaquboğlu, Şəxsi toplama