Ənvər Sadıqov

Vikipediya, açıq ensiklopediya
Jump to navigation Jump to search
Ənvər Sadıqov
Sadıqov Ənvər Hidayət oğlu
Ənvər Sadıqov 01.03.2019.jpg
Azərbaycanın mədəniyyət və incəsənət xadimlərinin bir qrupunun Prezident İlham Əliyev və birinci xanım Mehriban Əliyeva ilə görüşü zamanı. 1 mart 2019-cu il[1].
Sənətçi məlumatları
Doğum tarixi 30 aprel 1966 (1966-04-30) (53 yaş)
Peşəsi musiqiçi

Mükafatları "Azərbaycan Respublikasının xalq artisti" fəxri adı — 2014 "Azərbaycan Respublikasının əməkdar artisti" fəxri adı — 2007

Ənvər Hidayət oğlu Sadıqov (30 aprel 1966, Bakı, Azərbaycan SSR) — Azərbaycan musiqiçisi, qarmon ifaçısı. Azərbaycan Respublikasının xalq artisti (2014), "Qaytağı" instrumental ansamblının bədii rəhbəri.

Həyatı[redaktə | əsas redaktə]

Ənvər Sadıqov 1966-cı il aprelin 30-da Bakı şəhərində anadan olmuşdur. Valideynləri riyazıyyatçıdırlar, əvvəl müəllim, daha sonra isə orta məktəblərdə məktəb direktoru vəzifəsində çalışıblar. Babası (ata tərəfdən) Xanhüseyn bəy inqilaba qədər hörmətli bəylərdən biri olmuşdur. O, Səlyan rayonunda yaşayıb və o vaxtın İran şahının qonağı olmuş, onların uzun illər birgə işgüzar əlaqələri olmuşdur. .Ənvər Sadıqov 1983-cü ildə 254 nömrəli orta məktəbi bitirmişdir. H.Z.Tağıyev adına toxuculuq kombinatının klubunda qarmon dərnəyinin rəhbəri işləyib. 1984-cü ildə o dövrkü Sovet Ordusuna hərbi xidmətə çağrılmışdır və hərbi qulluğunu Rusiyada keçmişdir. 1986-cı ildə isə hərbi xidmətdən qayıtdıqdan sonra həmin klubda öz fəaliyyətini davam etdirmişdir. 1990-cı ildə R.Behbudov adına Azərbaycan Dövlət Mahnı Teatrında işləmiş, 1994-cü ildən isə Azərbaycanın əməkdar artisti Brilyant Dadaşova ilə birgə çalışır. 1997-ci ildə Azərbaycan incəsənət nümayəndələrinin Norveçin məşhur "Skruk" xoru ilə birgə layihəsində iştirak etmişdir. Bundan başqa Ənvər bir çox xarici dövlətlərdə qastrol səfərlərində olmuşdur. Bunlardan 1999 və 2000-ci illərdə ABŞ səfərini, 2000-ci ildə Nyu-Yorkdakı möhtəşəm "Millenium" zalında Brilyant Dadaşova ilə birgə konserti, 1998-ci ildə ilk dəfə Rusiyanın "Rossiya" konsert zalında böyük proqramla etdikləri çıxışları misal çəkmək olar. Ənvər Sadıqov İlk instrumental musiqinin klipində 1997-ci ildə Dünya şöhrətli "Take Five" kompozisiyasına çəkilmişdir və 2000-ci ildə eyni adlı albom, Ənvərin ilk albomu işıq üzü görmüşdür. Bu kaset Rusiyanın görkəmli, Dünya şöhrətli virtuoz akkardeonçusu Valeri Kovtunda maraq oyatmış və o, "Exo Moskvı" radiosunda öz iki saatlıq verilişini məhz Ənvər Sadıqova həsr edərək Azərbaycanlı bir cavan oğlanın məharətli ifasından heyrətə gəldiyini veriliş boyu dinləyiciləri ilə bölüşmüş və Ənvərin kompozisiyaları iki saatlıq veriliş boyu Rusiya dinləyicilərinin ixtiyarına verilmişdir. 2005-ci ildə Ənvər Sadıqov Türkiyənin Qars şəhərində İncəsənət Mərkəzinin açılışına həsr olunmuş festivalda da iştirak etmiş, festival iştirakçılarının böyük rəğbətini qazanmışdır. 2006-cı ildə Ənvər Milli "HUMAY" mükafatına layiq görülmüşdür. Hal-hazırda solisti Abbas Bağırov olan "Qaytağı" instrumental ansamblının bədii rəhbəridir.

Ailəsi[redaktə | əsas redaktə]

Ənvər ailəlidir, iki övladı var.

Mükafatları[redaktə | əsas redaktə]

  • Azərbaycan Respublikasının əməkdar artisti — 17.09.2007
  • Azərbaycan Respublikasının xalq artisti — 18.12.2014[2]

Filmoqrafiya[redaktə | əsas redaktə]

  1. Bakı bağları. Buzovna (film, 2007)
  2. Halal pullar (film, 2008)
  3. Məhəllə 2 Moskvada (film, 2004)
  4. Məşədi İbad-94 (film, 2005)
  5. Yoxlama (film, 2006)

İstinadlar[redaktə | əsas redaktə]