Məhərrəm Əliyev (general)

Vikipediya, azad ensiklopediya
Araz Yaquboglu (müzakirə | töhfələr) tərəfindən edilmiş 07:13, 28 fevral 2024 tarixli redaktə
Naviqasiyaya keç Axtarışa keç
Məhərrəm Əliyev
bayraq
Azərbaycan Respublikasının Belarus Respublikasında fövqəladə və səlahiyyətli səfiri
bayraq2
Vəzifədədir
9 dekabr 2023-cü ildən
bayraq
Azərbaycan Respublikası Prezidentinin köməkçisi — Azərbaycan Respublikası Prezidentinin Administrasiyasının Hərbi məsələlər şöbəsinin müdiri
bayraq2
29 noyabr 2019 – 09 dekabr 2023
Prezidentİlham Əliyev
5 iyun 2017 – 29 noyabr 2019
NazirFikrət Məmmədov
bayraq
Azərbaycan Respublikasının Tacikistan Respublikasında fövqəladə və səlahiyyətli səfiri
bayraq2
20 avqust 2007 – 26 may 2011
SonrakıAbbasəli Həsənov
noyabr 1993 – iyun 2007
ƏvvəlkiCavanşir Məmmədov
SonrakıRafiq Abbasov
Şəxsi məlumatlar
Doğum tarixi 20 oktyabr 1951(1951-10-20) (73 yaş)
Doğum yeri
Fəaliyyəti siyasətçi, diplomat, hüquqşünas, polis əməkdaşı[d]
Rütbəsi
General-polkovnik
Təltifləri "Azərbaycan Bayrağı" ordeni — 1998 "Şöhrət" ordeni — 2021 3-cü dərəcəli "Vətənə xidmətə görə" ordeni — 2014 "Vətən uğrunda" medalı — 2013
Vikianbarın loqosu Vikianbarda əlaqəli mediafayllar

Məhərrəm Abış oğlu Əliyev (20 oktyabr 1951, Maxta, Noraşen rayonu) — Azərbaycan siyasətçisi və diplomatı, Azərbaycan Respublikasının Belarus Respublikasında fövqəladə və səlahiyyətli səfiri (2023).

Həyatı

Əliyev Məhərrəm Abış oğlu 1951-ci ilin oktyabrın 20-də Naxçıvan Muxtar Respublikasının Şərur rayonunun Maxta kəndində doğulub. 1973-cü ildən Daxili İşlər orqanlarında xidmət edib. 1978-ci ildə Moskva şəhər Orta Xüsusi Milis Məktəbini bitirdikdən sonra şəhər milis İdarəsi 131 saylı milis bölməsinə cinayət işləri üzrə əməliyyat müvəkkili vəzifəsinə təyin edilib.

1980–1992-ci illərdə Bakının rayon polis idarələrində cinayət-axtarış strukturlarında müxtəlif vəzifələrdə xidmət aparıb. 1985-ci ildə SSRİ Daxili İşlər Nazirliyinin Ümumittifaq Qiyabi Hüquq İnstitutunu bitirib. Bakı şəhərinin Nizami, Sabunçu, Xətai, Səbail rayon Polis İdarələrində rəhbər vəzifələrdə çalışıb. 1993-cü ilin noyabrından 2007-ci ilin iyun ayınadək Bakı Şəhər Baş Polis İdarəsinin rəisi olub.

2007–2011-ci illərdə Azərbaycanın Tacikistanda fövqəladə və səlahiyyətli səfiri vəzifəsində çalışıb.

Azərbaycan Respublikası Prezidentinin 30 noyabr 2012-ci il tarixli Sərəncamı ilə general-leytenant hərbi rütbəsi verilməklə həqiqi hərbi xidmətə qəbul edilib.

2012–2017-ci illərdə isə Azərbaycan Respublikası Prezidentinin Müdafiə məsələləri üzrə köməkçisi xidmətinin Müdafiə məsələləri şöbəsinin müdiri vəzifəsində çalışıb.

Azərbaycan Respublikası Prezidentinin 5 iyun 2017-ci il tarixli Sərəncamı ilə Azərbaycan Respublikası Ədliyyə nazirinin müavini təyin edilib.

2019-cu ilin noyabrında Prezidentin hərbi məsələlər üzrə köməkçisi təyin edilib.[1]

9 dekabr 2023-cü il tarixində prezidentiin sərəncamı ilə hərbi geyim formasını daşımaq hüququ verilməklə, Azərbaycan Respublikasının Silahlı Qüvvələrində həqiqi hərbi xidmətdən istefaya buraxılıb. Dövlət başçısının digər Sərəncamı ilə Azərbaycan Respublikası Prezidentinin köməkçisi – Azərbaycan Respublikası Prezidenti Administrasiyasının Hərbi məsələlər şöbəsinin müdiri vəzifəsindən azad edilib.[2] Prezidentin daha bir Sərəncamı ilə o, Azərbaycan Respublikasının Belarus Respublikasında fövqəladə və səlahiyyətli səfiri təyin olunub.[3]

Ailəsi

Azərbaycan Kikboksinq Federasiyasının prezidenti, Azərbaycan Respublikası Milli Məclisinin III, IV və V çağırış deputatı Adil Əliyev Məhərrəm Əliyevin qardaşıdır.

Mükafatları

24 dekabr 1998-ci ildə Azərbaycan Respublikası Prezidentinin fərmanı ilə "Azərbaycan bayrağı" ordeni ilə[4], 25 iyun 2013-cü ildə "Vətən uğrunda" medalı ilə[5], 24 iyun 2014-cü ildə 3-cü dərəcəli "Vətənə xidmətə görə" ordeni[6] ilə təltif olunub.

19 oktyabr 2021-ci ildə Azərbaycan Respublikasında dövlət qulluğunda uzunmüddətli səmərəli fəaliyyətinə görə "Şöhrət" ordeni ilə təltif olunub[7]

İstinadlar

  1. ↑ "Məhərrəm Abış oğlu Əliyev". justice.gov.az. 2023-08-04 tarixində arxivləşdirilib.
  2. ↑ "M.A.Əliyevin Azərbaycan Respublikası Prezidentinin köməkçisi – Azərbaycan Respublikası Prezidenti Administrasiyasının Hərbi məsələlər şöbəsinin müdiri vəzifəsindən azad edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2023-12-09 tarixində arxivləşdirilib. İstifadə tarixi: 2023-12-09.
  3. ↑ "M.A.Əliyevin Azərbaycan Respublikasının Belarus Respublikasında fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2023-12-09 tarixində arxivləşdirilib. İstifadə tarixi: 2023-12-09.
  4. ↑ "Azərbaycan Respublikası Daxili İşlər Nazirliyinin bir qrup əməkdaşının təltif edilməsi haqqında AZƏRBAYCAN RESPUBLIKASI PREZIDENTININ FƏRMANI". 2018-08-14 tarixində arxivləşdirilib. İstifadə tarixi: 2016-01-28.
  5. ↑ "Azərbaycan Respublikası Silahlı Qüvvələrinin hərbi qulluqçularının təltif edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". 2022-03-29 tarixində arxivləşdirilib. İstifadə tarixi: 2016-01-28.
  6. ↑ "Azərbaycan Respublikası Silahlı Qüvvələrinin hərbi qulluqçularının və mülki işçilərinin təltif edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". 2020-07-16 tarixində arxivləşdirilib. İstifadə tarixi: 2016-01-28.
  7. ↑ "M.A.Əliyevin "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". 2021-10-23 tarixində arxivləşdirilib. İstifadə tarixi: 2021-10-19.

Xarici keçidlər

Mənbə — "https://az.wikipedia.org/w/index.php?title=Məhərrəm_Əliyev_(general)&oldid=7496467"