Ağahüseyn Cavadov

Vikipediya, azad ensiklopediya
Jump to navigation Jump to search
Ağahüseyn Cavadov
Ağahüseyn Xəlil oğlu Cavadov
Ağahüseyn.Cavadov.jpg
Doğum tarixi 22 aprel 1894(1894-04-22)
Doğum yeri Abşeron, Xırdalan qəsəbəsi
Vəfat tarixi 20 iyul 1981 (87 yaşında)
Vəfat yeri Bakı
Vətəndaşlığı
Peşəsi Aktyor
Mükafatları "Azərbaycan SSR xalq artisti" fəxri adı — 1938
IMDb ID 2365302

Ağahüseyn Xəlil oğlu Cavadov (22 aprel 189420 iyul 1981) — Azərbaycan aktyoru, Azərbaycan SSR xalq artisti.[1]

Həyatı[redaktə | əsas redaktə]

Mahir komediya ustası, xarakter maskalarından məharətlə istifadə edən, tipaj yaratmaqda səriştəli aktyor, satirik obrazların ifasında qroteskdon həssaslıqla bəhrələnən Ağahüseyn Xəlil oğlu Cavadov 22 aprel 1894-cü ildə Bakının yaxınlığındakı Xırdalan qəsəbəsində doğulub. Əvvəl mollaxanada təhsil alan Ağahüseyn 1919-cu ildə "Səadət" məktəbini bitirib.

Teatr sənətinə tələbəlik illərindən maraq göstərən, bəzi tamaşalarda sözsüz və epizod rollara çıxmış (müxtəlif truppalarda) Ağahüseyn Cavadov 1920-ci ilin iyunundan müəyyən fasilələrlə (arada 1942-ci ilə qədər Bakı Türk İşçi Teatrında və Musiqili Komediya Teatrında aktyorluq edib) Milli Dram Teatrında işləyib.

Ağahüseyn Cavadov Milli Dram Teatrının səhnəsində Məmişov ("Məhəbbət", Mirzə İbrahimov), Dəmirçi Musa, Bərbərzadə, Mirzə Salman ("Toy", "Xoşbəxtlər" və "Nişanlı qız", Sabit Rəhman), Ocaqqulu, Xosməmməd, Həmzə, İmamverdi, Oddamdı ("Almaz", "Dönüş", "Solğun çiçəklər", "1905-ci ildə" və "Od gəlini", Cəfər Cabbarlı), Cəlal, Soraq kişi ("Həyat" və "Yaxşı adam", Mirzə İbrahimov), Qənimət ("Cavanşir", Mehdi Hüseyn), Mürsəl ("Qaçaq Nəbi", Süleyman Rüstəm), Usta Murad ("İldırım", Cabbar Məcnunbəyov), Bəbir Bəbiroviç, Qoşqar baba ("Yadigar" və "Yol ayrıcmda", İslam Səfərli), İmran ("Əcəb işə düşdük", Şıxəli Qurbanov), Savalan ("Dağlar qızı", Adil Babayev), Vasin ("Tanya", Aleksey Arbuzov), Kapitan ("Köç", Cavad Fəhmi Başqut), Luka Lukiç ("Müfəttiş", Nikolay Qoqol), Brabansio, Qoca çoban ("Otello" və "Qış nağılı", Vilyam Şekspir), Petruşin ("Canlı meyit", Lev Tolstoy), Sima Popoviç ("Nazirin xanımı", Bratislav Nuşiç), Houkinis ("Şeytanın şagirdi", Bernard Şou), Platon, Məzarçı ("Şeyx Sənan" və "Xəyyam", Hüseyn Cavid), Qoca ("Şöhrət və ya unudulan adam", Nazim Hikmət), Maytreya ("Hind gözəli", Yuri Osnos və Vladimir Vinnikov), Almurad ("Mənim günahım", İlyas Əfəndiyev) rollarında çıxış edib. Ağahüseyn Cavadov "Bəxtiyar" (Rza), "Qızmar günəş altında" (Pirioğlu), "Əhməd haradadır?" (Əhməd), "O olmasın, bu olsun" (Bəy), "Bir qalanın sirri" (Rəmmal), "Sehrli xalat" (Vəzir), "Görüş" (Əbülfəz), "Şərikli çörək" (Xırdavatçı) və digər filmlərə çəkilib. Aktyor 1931-ci ildə respublikanın əməkdar artisti, 4 dekabr 1938-ci ildə isə xalq artisti fəxri adlarına layiq görülüb.

Ağahüseyn Cavadov 20 iyul 1981-ci ildə Bakıda vəfat edib. Məzarı ikinci Fəxri xiyabandadır.

Filmoqrafiya[redaktə | əsas redaktə]

  1. Bəxtiyar (film, 1955)
  2. Görüş (film, 1955)
  3. O olmasın, bu olsun (film, 1956)
  4. Qızmar günəş altında (film, 1957)
  5. Kölgələr sürünür (film, 1958)
  6. Bir qalanın sirri (film, 1959)
  7. Əhməd haradadır? (film, 1963)
  8. Sehrli xalat (film, 1964)
  9. İstintaq davam edir (film, 1966)
  10. İyirmialtılar (film, 1966)
  11. Əzim Əzimzadə (film, 1967)
  12. Mən ki gözəl deyildim (film, 1968)
  13. Bizim Cəbiş müəllim (film, 1969)
  14. Şərikli çörək (film, 1969)
  15. Hörmətli alim yoldaşlar (film, 1971)
  16. Ağasadıq Gəraybəyli (film, 1974)
  17. Bakıda küləklər əsir (film, 1974)
  18. Dörd bazar günü (film, 1975)
  19. Qərib cinlər diyarında (film, 1977)

Mənbə[redaktə | əsas redaktə]

  • Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 53.

İstinadlar[redaktə | əsas redaktə]

  1. Ağahüseyn Cavadovun 120 illik yubleyinə həsr olunmuş xatirə gecəsi keçirilib: [Akademik Milli Dram teatrında] //Kaspi.- 2014.- 13 iyun.- S.9.

Xarici keçidlər[redaktə | əsas redaktə]