AccessBank (Azərbaycan)

Vikipediya, azad ensiklopediya
Jump to navigation Jump to search
AccessBank (Azərbaycan)
AccessBank (Azərbaycan) loqo.jpg
Tipi Qapalı səhmdar cəmiyyəti
Yaranma tarixi 2002
Yeri Bakı, Azərbaycan
Hakim simaları

Anar Həsənov, baş menecer,

idarə heyətinin sədri
Sənaye Bankçılıq
İşçi sayı 2000
Sayt www.accessbank.az

“Access Bank” QSC 29 oktyabr 2002-ci ildə Bakıda fəaliyyətə başlayıb. İlk illər Azərbaycan Mikromaliyyələşdirmə Bankı (AMMB) adı ilə tanınıb. 8 sentyabr 2008-ci il tarixindən “AccessBank” adı ilə fəaliyyət göstərir. Hazırda bankın Bakı şəhərində, Abşeronda və regionlarda 28 filialı var.

АccessBank-ın missiyası, Azərbaycanda mikro və kiçik sahibkarlara, eləcə də aşağı və orta gəlirli ailələrə maliyyə xidmətləri göstərməkdən ibarətdir. АccessBank beynəlxalq Fitch reytinq agentliyi tərəfindən Azərbaycan bankları arasında ən etibarlı bank adına layiq görülüb (sabit proqnozla “BB+” səviyyəsində), həmçinin Global Finance (2011) və Euromoney Nəşriyyat Qrupu (2010-2011) tərəfindən “Azərbaycanın ən yaxşı bankı” və The Banker nəşri tərəfindən isə “İlin bankı” adına layiq görülüb.

2005-ci ildən AccessBank öz xidmətlər sahəsinə əmanət hesablarını da daxil edib. 2006-cı ildən başlayaraq AccessBank öz müştərilərinə bankdaxili plastik kartlar, istehlak kreditləri və VİSA plastik kartlarını da təklif etdiyi məhsullar sırasına daxil edib. 2008-ci ilin sentyabr ayından etibarən Bankın xidmət çeşidlərinə, daxili çiplərlə təchiz edilmiş plastik kartlar əlavə olunmuşdur.

Bankın missiyası

“AccessBank”ın missiyası ev təsərrüfatlarına, mikro, kiçik və orta sahibkarlıq müəssisələrinə maliyyə xidmətləri və həlləri təklif etməklə, eləcə də bankçılıq sahəsində beynəlxalq səviyyədə qəbul olunan qabaqcıl təcrübələrdən istifadə etməklə Azərbaycanın dayanıqlı inkişafına töhfə verməkdir. Bank müştərilərinə, səhmdarlarına, əməkdaşlarına və ümumilikdə cəmiyyətə dəyər qazandırmaq məqsədinə sadiqdir.”AccessBank”ın missiyası şəffaflıq və açıqlıq, peşəkarlıq, müştərilərə sadiqlik, komanda işi, cəmiyyət və ətraf mühitə qarşı məsuliyyət kimi dəyərlərə əsaslanır.

Bankın strateji məqsədləri

·        Mikro və kiçik biznes müştəriləri üçün aparıcı maliyyə xidməti təminatçısı kimi bazardakı mövqeyini qoruyub saxlamaq

·        Prosesləri optimallaşdırmaq, rəqəmsallaşmanı genişləndirmək və xidmətləri müştəri tələblərinə daha da uyğunlaşdırmaqla müştəri məmnuniyyətinin artırılmasına davam etmək

·        Bankın güclü risk idarəçiliyini, yüksək anderraytinq standartlarını, tələblərə tam uyğunluq və daxili nəzarət mexanizmlərini qoruyub saxlamaq

·        Peşəkarlıq və müştəri məmnuniyyətini yüksək səviyyədə təmin etmək məqsədilə əməkdaşların inkişafına yatırım etmək və bununla da iş səmərəliliyini daha da gücləndirmək

·        İnvestorları dayanıqlı inkişaf və maliyyə gəlirliliyi ilə təmin etmək

Səhmdarlar

Asiya İnkişaf Bankı (19.90%)

Avropa İnvestisiya Bankı (17.39%)

Beynəlxalq Maliyyə Korporasiyası (16.56%)

ResponsAbility tərəfindən idarə olunan investisiya fondları aşağıdakılardan ibarətdir:

responsAbility SICAV (Lux) – 2.91%

responsAbility Management Company S.A. – 7.11%

FMO (9.41%)

OeEB – Avstriya İnkişaf Bankı (9.17%)

SIFEM AG (8.89%)

EFSE (2.78%)

Symbiotics (2.27%)

Green for Growth Fund (GGF) - 1.77%

LFS Advisory GmbH (1.27%)

Qara Dəniz Ticarət və İnkişaf Bankı (0.58%)

[1]

Xarici keçidlər[redaktə | əsas redaktə]