Adıgözəl Gözəlov

Adıgözəl Gözəlov
Naxçıvan MSSR Xalq Komissarları Sovetinin sədri 1943 — 1946
Sələfi	İshaq Gülməmmədov
Xələfi	vəzifənin adı dəyişdirilib
Azərbaycan SSR balıq sənayesi naziri 19 may 1954 — 6 iyun 1957
Sələfi	nazirlik ləğv edilib
Şəxsi məlumatlar
Doğum tarixi	1907
Vəfat tarixi	bilinmir
Partiya	ÜİK(b)P (1928)
Təltifləri

Adıgözəl Xəlil oğlu Gözəlov (1907 – bilinmir) — Azərbaycan-sovet partiya və dövlət xadimi, Naxçıvan MSSR Xalq Komissarları Sovetinin sədri (1943–1946), Azərbaycan SSR balıq sənayesi naziri (1954–1957).

Həyatı

Adıgözəl Gözəlov 1907-ci ildə anadan olmuşdur. İlk təhsilini başa vurduqdan sonra Azərbaycan Pedaqoji İnstitutunu bitirmişdir. Əvvəlcə Lənkəran MTS-də siyasi şöbənin qəzet redaksiyasında redaktor, "Kommunist" qəzeti redaksiyasında şöbə müdiri, sonralar redaktor, "Kommunist maarifi" qəzetinin və işçi-kəndli müxbiri mətbəəsinin redaktoru olmuşdur.

Adıgözəl Gözəlov 1939-cu ilədək Azərbaycan KP MK təşviqat və təşkilat şöbəsinin müdiri olmuş, 1939–1941-ci illərdə Mərkəzi Komitənin kadrlar üzrə katibi, 1941–1943-cü illərdə Mərkəzi Komitənin yeyinti və balıq sənayesi üzrə katibi vəzifələrində işləmişdir.

1943-cü ildə Adıgözəl Gözəlov Naxçıvan MSSR Xalq Komissarları Sovetinin sədri vəzifəsinə irəli çəkilmiş və bu vəzifədə 1946-cı ilədək çalışmışdır. 1954–1957-ci illərdə Azərbaycan SSR balıq sənayesi naziri, 1957–1958-ci illərdə isə Azərbaycan Xalq Təsərrüfatı Şurasının Balıqçılıq Təsərrüfatı Baş İdarəsinin rəisi olmuşdur.

Təltifləri

• "Lenin" ordeni — 27 aprel 1940
• "Qırmızı əmək bayrağı" ordeni — 25 fevral 1946
• 2-ci dərəcəli "Vətən müharibəsi" ordeni — 1 fevral 1945

Həmçinin bax

• Naxçıvan baş nazirlərinin siyahısı