Akif Abbasov

Vikipediya, azad ensiklopediya
Jump to navigation Jump to search
Akif Abbasov
Akif Abbasov (şəkil).jpg
Doğum tarixi 28 may 1950(1950-05-28) (72 yaş)
Doğum yeri
Vətəndaşlığı
Elm sahəsi pedaqogika
Elmi dərəcəsi pedaqoji elmlər doktoru (1995)
Elmi adı professor
Təhsili
Mükafatları "Tərəqqi" medalı
Azərbaycan Respublikasının əməkdar müəllimi Qabaqcıl maarif xadimi "Qızıl qələm" mükafatı

Akif Nurağa oğlu Abbasov (28 may 1950, Əli-Bayramlı) — Azərbaycan pedaqoqu[1], yazıçı, tərcüməçi, 2002-ci ildən Azərbaycan Yazıçılar Birliyinin üzvü, Azərbaycan Jurnalistlər Birliyinin üzvü (2000), pedaqoji elmlər doktoru (1995), professor (2004), əməkdar müəllim (2012), Rusiya Pedaqoji və Sosial Elmlər Akademiyasının həqiqi üzvü (2009).

Həyatı[redaktə | mənbəni redaktə et]

Akif Abbasov 1950-ci il mayın 28-də Əli Bayramlı (indiki Şirvan) şəhərində anadan olmuşdur.

Burada Nəriman Nərimanov adına 2 saylı orta məktəbi bitirdikdən sonra "İşıq" şəhər qəzeti redaksiyasında müxbir işləmişdir (1967–1968). M. F. Axundov adına Azərbaycan Pedaqoji Dillər İnstitutunun ingilisAzərbaycan dilləri fakültəsində təhsil almışdır (1968–1973).[1][2] Təyinatı Sabirabad rayonuna verilmiş, rayonun Şıxsalahlı və Qaragünə kənd orta məktəblərində ingilis dili müəllimi işləmişdir (1973–1975)[1].

Müsabiqə yolu ilə Azərbaycan Elmi-Tədqiqat Pedaqoji Elmlər İnstitutunun (hazırda Azərbaycan Respublikasının Təhsil İnstitutu) tərbiyənin ümumi problemləri şöbəsinə kiçik elmi işçi vəzifəsinə qəbul olunmuşdur (1975)[3]. Sonralar elmi işçi, baş elmi işçi, şöbə müdiri vəzifələrində işləmişdir (1975–2001).[1][2] 2001-ci ildən həmin institutun elmi katibidir.

Namizədlik (1987) və doktorluq dissertasiyaları (1995) müdafiə etmişdir. Tədqiqatları təlim və tərbiyə prosesinin optimallaşdırılmasına, didaktikanın müasir problemlərinə və s.-ə həsr olunmuşdur.[1] Bakı Ali Pedaqoji Qızlar Seminariyasında (indiki Bakı Qızlar Universiteti) elmi işlər üzrə prorektor olmuşdur (1992–1998)[2]. Azərbaycan, rusingilis dillərində nəşr edilən "Təhsil, mədəniyyət, incəsənət" elmi-nəzəri və metodik jurnalın redaktoru olmuşdur (2000–2006).[2] Hazırda Azərbaycan Respublikasının Təhsil İnstitutunun "Elmi əsərlər"inin baş redaktoru, Bakı Qızlar Universitetinin "Elmi əsərlər"inin redaktorudur.

Ədəbi-pedaqoji fəaliyyətə 1966-cı ildən başlamışdır. İlk mətbu yazısı Əli Bayramlı şəhərində çıxan "İşıq" qəzetində dərc olunmuşdur (1966). Bundan sonra dövri mətbuatda vaxtaşırı bədii və elmi-kütləvi əsərlərlə çıxış etmişdir. Rus və ingilis dillərindən tərcümələri "Dünya", "Bağban" almanaxlarında, müxtəlif qəzet və jurnallarda çap edilmiş, kitab və kitabçalar kimi işıq üzü görmüşdür. Ümumtəhsil, orta ixtisas və ali məktəblər, eyni zamanda xüsusi məktəblər üçün 15-dən artıq dərslik və dərs vəsaitinin, həmçinin bir sıra fənn proqramının və elmi-metodik əsərlərin müəllifidir.[1]

Akif Abbasov aşağıdakı birpərdəli pyesləri rus dilindən azərbaycancaya tərcümə etmiş və onlar respublika radiosunun "Firuzə" tələbə teatrında səslənmişdir:

  1. M. Bayciyev. Duel. 1 sentyabr 1980 (saat 22.30).
  2. Z. Çernışeva. Buzda ehtiyatlı ol. 1 dekabr 1980 (saat 22.30).
  3. Q. Kuntsev. İstəkli adamlar üçün hədiyyə. 2 fevral 1981 (saat 22.30).
  4. Y. Obuxov. Nənə gələndə. 7 fevral 1983.
  5. V. Kojevnikov. Səhra. 3 yanvar 1983.
  6. Y. Ziskind. Uğurlu skamya. 4 fevral 1985.

Akif Abbasovun 1986-cı ildə tərcümə etdiyi "Andro və Sandro" pyesi (müəllif: Georgi Xuqayev) 1987-ci ildə respublika radiosunun "Ədəbi-dram verilişləri" redaksiyasında səsləndirilmişdir. Radiotamaşanın rejissoru Həsən Əbluc olmuşdur. Tamaşanı tanınmış Azərbaycan aktyorları səsləndirmişdilər.

Akif Abbasov "Aldanma sözlərə"[4], "Samsundan başlanan yol"[3] və "Sultan II Murad" romanlarının müəllifidir.

A. N. Abbasov Azərbaycan Maarif Nazirliyinin (hazırda Təhsil Nazirliyi) "Qabaqcıl maarif işçisi" döş nişanına və fəxri fərmanlarına layiq görülmüşdür.[2]

Akif Abbasova 2004-cü ildə professor elmi adı verilmişdir. 26 dekabr 2006-cı il tarixində "Tərəqqi" medalı ilə təltif edilmiş[5][6], 2007-ci ildə "Qızıl qələm" mükafatına layiq görülmüşdür.[2]

A. N. Abbasov 24 aprel 2009-cu ildən etibarən Rusiya Pedaqoji və Sosial Elmlər Akademiyasının həqiqi üzvüdür.[2]

1 oktyabr 2012-ci ildə Azərbaycan Respublikasının Prezidentinin Sərəncamına əsasən, "Azərbaycan Respublikasının Əməkdar Müəllimi" fəxri adına layiq görülmüşdür[7].

Filmoqrafiya[redaktə | mənbəni redaktə et]

  1. Canavar balası (film, 1997) – redaktor və aktyor
  2. Qırmızı qar (film, 1998) – redaktor

İstinadlar[redaktə | mənbəni redaktə et]

  1. 1 2 3 4 5 6 Azərbaycan Milli Ensiklopediyası. ABBASOV Akif Nurağa oğlu. I CİLD. Bakı: "Azərbaycan Milli Ensiklopediyası" Elmi Mərkəzi. 608. ISBN 978-9952-441-02-4.
  2. 1 2 3 4 5 6 7 Fərrux Rüstəmov. Azərbaycan pedaqogikaşünaslığı. Bakı: Elm və təhsil, 2016. — səh. 140.
  3. 1 2 Fərahim Sadıqov. "Şirvandan başlanan yol" (az.). Azad Azərbaycan. 17.09.2020. İstifadə tarixi: 2020-09-26.
  4. Vidadi Bəşirov. "Elmi və bədii yaradıcılıqda" //İşıq.- 2000.- 16 sentyabr.
  5. "Azərbaycan Respublikasının Prezidentinin 26 dekabr 2006-cı il tarixli, 1857 nömrəli Sərəncamı". 2012-01-18 tarixində orijinalından arxivləşdirilib. İstifadə tarixi: 2011-02-05.
  6. Azərbaycan Respublikasının Təhsil Problemləri İnstitutunun əməkdaşlarının təltif edilməsi haqqında Azərbaycan Respublikası Prezidentinin sərəncamı //Xalq.- 2006.- 27 dekabr
  7. Azərbaycan Respublikasının Prezidentinin 1 oktyabr 2012-ci il tarixli Sərəncamı

Mənbə[redaktə | mənbəni redaktə et]

  • "Ə. Y. Seyidov, M. M. Mehdizadə və M. Ə. Muradxanov məktəbinin davamçıları". Yusif Talıbov, Fərahim Sadıqov, Sərdar Quliyev. Azərbaycanda məktəb və pedaqoji fikir tarixi. Bakı: Ünsiyyət, 2000. — səh. 439–440.
  • "60 illik ömür yolu". Fərrux Rüstəmov. Pedaqoji oçerklər: Sələflərim və müasirlərim. Bakı: Elm və təhsil, 2010. — səh. 235.
  • "İstedadın işığı, zəhmətin bəhrəsi…". Vidadi Xəlilov. Ömür yollarında. Bakı: Nərgiz, 2012. — səh. 107.

Xarici keçidlər[redaktə | mənbəni redaktə et]