Alahundağ

Alahundağ
rus. Алахундаг
Ümumi məlumatlar
Dağ sistemi	Böyük Qafqaz
Mütləq hündürlüyü	3849 m
Yerləşməsi
41°50′48″ şm. e. 47°17′52″ ş. u.
Ölkə	Rusiya
Alahundağ
Alahundağ

Alahundağ — Dağıstan Respublikasının cənub-qərbində, Böyük Qafqaz silsiləsində dağ zirvəsi. Hündürlüyü 3849 metrdir. Dağ ətəyinin ölçüsü təxminən 2 km-dir. Zirvəsi qar və dayimi buz qatından ibarətdir. Dağa ən yaxın böyük kənd Kulidir. Kəndə olan məsafə 19 km-dir.

Coğrafiyası

Alahundağ zirvəsi Dağıstanın Rutul, Lak və Çaroda rayonları sərhəddində yerləşir. Dağ yaxınlığından Subaerk, Aklikadta və Kumearxu çayları keçir. Alahundağ Samur silsiləsinin şimal yüksək dağlıq hissəsində yerləşir. Alhundağ şimaldan Kokma silsiləsi ilə birləşir. Bu silsilə Şərqi və Cənubi Dağıstanın çaylarını Sulak çayının hövzəsindən ayırır. Ümumi relyef xüsusiyyətinə görə Alahundağ Samur silsiləsinin üç hissəsindən yüksək dağlıq hissəsinə daxildir. Bu hissəni uzunluğu 45 km-dir. Orta dağlıq Kelq (1535 m) dağına kimidir və uzunuğu 52 km-dir. Alçaq dağlıq isə “450” dağına kimi olub uzunluğu 36 km-dir.

Geologiyası

Alahundağ əsasən qara gilli şistli süxurlardan təşkil olunub. Dağın zirvəsində və qayalı ərazilərdə əhəng daşlı süxurlar üstünlük təşkil edir. Bir çox ərazilrəd şişli süxurlar sərt kristallik qumdaşları ilə kəsilir. Onların qalınlığı 3-4 metr arasında dəyişir.

İqlimi

Dağın yerləşdiyi ərazi mülayim kontinental iqlim zonasına daxildir. Havası o qədər də rütubətli deyil. Orta illik temperatur 0 ° С-dir. Yağıntıların miqdarı yüksək deyil. Orta illik yağıntının miqdarı 901 mm-dir. Ən yüksək rütubətlik may ayında qeydə alınır (118 mm). Ən isti ay avqust (14  ° C) , ən soyuq ay isə yanvardı (−16 ° C). Qış aylarının orta temperaturu −12 −18 °С olur. Yay isti keçir. Temperatur 38 °С olur. Hava quru olduğundan ərazidə tənəffüs üçün problem yaranmır.

Bitki örtüyü

Alahundağ ərazisində əsas alp və subalp çəmənliyinə xarakterik flora yayılıb. Alp və subalp çəmənliyi dağın şərq yamacında, Samur silsiləsinin yaxınlığında yayılıb. Bəzi ərazilərdə çəmən-çöl üstünlük təşkil edir. Ərazidə meşə örtüyü çox azdır. Alahundağın aşağı ətəklərində enliyarpaqlı ağaclara rast gəlinir. Ağaclar əsasən palıd, fıstıq və vələsdən ibarətdir.