Andrey Nişşenko
Naviqasiyaya keç
Axtarışa keç
| Andrey Nişşenko | |
|---|---|
| Andrey Aleksandroviç Nişşenko | |
 | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vəfat tarixi | (17 yaşında) |
| Vəfat yeri | Bakı, Azərbaycan SSR, SSRİ |
| Vəfat səbəbi | "20 Yanvar Şəhidi" |
| Dəfn yeri | Şəhidlər Xiyabanı |
| Atası | Aleksandr |
| Anası | Aleksandra |
| Milliyyəti | rus |
Andrey Nişşenko (tam adı: Andrey Aleksandroviç Nişşenko; 6 may 1972, Bakı, Azərbaycan SSR, SSRİ – 20 yanvar 1990, Bakı, Azərbaycan SSR, SSRİ) — Qanlı Yanvar şəhidi.[1]
Həyatı[redaktə | mənbəni redaktə et]
1972-ci il mayın 6-da Bakıda anadan olmuşdur. Milliyyəti rusdur. 175 nömrəli tam orta məktəbi bitirmişdir. Qanlı Yanvar öncəsi 2 nömrəli Dəmiryol məktəbinin 3-cü kursunda oxuyurdu.
Qanlı Yanvar faciəsi[redaktə | mənbəni redaktə et]
Həmin gün Andreylə bir yerdə olmuş dostu Fuad Babayevin dedikləri:[2]
|
Təxminən gecə saat 01 radələrində "Xəzər" kinoteatrının yanında gəzişirdik. Bizim ev buraya yaxındır. Bir də gördük ki, tanklar gəlir. Düzü heç qorxmadıq, axı tanklar bizimki idi. Biz yanılmışdıq. Yaxınlaşanda bizim tanklar bizi atəşə tutmağa başladı. Biz qaçmağa üz qoyduq. Bu vaxt mən ayağımdan yaralandım. Andrey isə qaçdı. Mən elə bildim ki, o qaçıb canını qurtara bilib. Amma yox... Sonra məni, tanımadığım adamlar xəstəxanaya apardı. Sabahısı gün öyrəndim ki, əsgərlər onu süngü ilə vurublar. Onun boynunun ön səthi kəsilmiş, nəfəs boruları zədələnmişdir. | 
|
Şəhidlər Xiyabanında dəfn edilmişdir.
Ünvan[redaktə | mənbəni redaktə et]
Bakı, B. Bağırova küçəsi 7, ev 37.
Xatirəsi[redaktə | mənbəni redaktə et]
Məzunu olduğu 175 nömrəli tam orta məktəbdə xatirə lövhəsi var.
Həmçinin bax[redaktə | mənbəni redaktə et]
- "20 Yanvar Şəhidi" fəxri adı alanların siyahısı
- Azərbaycan Respublikasının Azadlıq uğrunda mübarizlərinin siyahısı
- Şəhidlər Xiyabanında dəfn olunanlar
İstinadlar[redaktə | mənbəni redaktə et]
- ↑ ""20 Yanvar Şəhidi" fəxri adının verilməsi haqqında Azərbaycan Respublikasının Prezidentinin 17 yanvar 2000-ci il tarixli 259 saylı Fərmanı". 2022-08-18 tarixində arxivləşdirilib. İstifadə tarixi: 2015-07-17.
- ↑ "Qara Yanvar şəhidləri" (PDF). 2015-07-17 tarixində arxivləşdirilib (PDF). İstifadə tarixi: 2015-07-17.