Aqşin Məhərrəmov

Vikipediya, azad ensiklopediya
Naviqasiyaya keç Axtarışa keç
Aqşin Məhərrəmov
Şəxsi məlumatlar
Doğum tarixi (42 yaş)
Doğum yeri Xaçmaz rayonu, Azərbaycan SSR
Vətəndaşlığı Azərbaycan Azərbaycan
Hərbi fəaliyyəti
Mənsubiyyəti Dövlət Sərhəd Xidməti
Qoşun növü Xüsusi Hava Əməliyyatları Qüvvələri Komandalığı
Xidmət illəri 2000—
Rütbəsi
General-mayor
Döyüşlər
 • Qarabağ müharibəsi (2020)
 • Azərbaycan–Ermənistan sərhəd toqquşması (sentyabr, 2022)
 • Laçın dövlət sərhədindən buraxılış məntəqəsinin qurulması (aprel, 2023)
 • Dağlıq Qarabağda toqquşma (sentyabr, 2023)
Təltifləri "Vətən müharibəsi iştirakçısı" medalı

Aqşin Ramiz oğlu Məhərrəmov (14 avqust 1982, Xaçmaz rayonu) — Azərbaycan Silahlı Qüvvələrinin general-mayoru, Dövlət Sərhəd Xidmətinin Xüsusi Hava Əməliyyatları Qüvvələrinin Komandanı.

Hərbi xidməti

[redaktə | mənbəni redaktə et]

Aqşin Məhərrəmov Azərbaycan Prezidentinin Sərəncamlarına əsasən 2010-cu ildə "İgidliyə görə" medalı[1], 2012-ci ildə "Azərbaycan Bayrağı" ordeni[2], 2014-cü ildə "Vətən uğrunda" medalı[3], 2016-cı ildə "Vətənə xidmətə görə" 3-cü dərəcəli ordeni[4], 2019-cu ildə isə 3-cü dərəcəli "Rəşadət" ordeni[5] ilə təltif edildi.

Azərbaycan Prezidenti İlham Əliyev 17 avqust 2020-ci il tarixli 2215 nömrəli Sərəncamı ilə Aqşin Ramiz oğlu Məhərrəmova "general-mayor" ali hərbi rütbəsi verildi.[6]

Sərhəd Qoşunlarının Qərargah rəisi general-mayor Aqşin Məhərrəmov 27 sentyabr 2020-ci ildə başlayan Vətən müharibəsi zamanı hərbi əməliyyatların rəhbərlərindən oldu. Dövlət Sərhəd Xidməti tərəfindən müharibə zamanı bir sıra uğurlu hərbi əməliyyatlar aparıldı. Onlar sırasında 24 saat ərzində 105 Kilometr məsafədə ildırımsürətli hücumla Xudafərin, Zəngilan şəhərində və Zəngilanın Ağbənd qəsəbəsi, həmçinin Ermənistanla sərhəddə "Bartaz" və "Şükürataz" dağları işğaldan azad edildi. Dövlət Sərhəd Xidmətinin hərbi qulluqçuları müharibə ərzində Füzuli, Cəbrayıl, Zəngilan, Qubadlı rayonları, Hadrut qəsəbəsi və Şuşa şəhərinin işğaldan azad edilməsi uğrunda hərbi əməliyyatlarda oldu. Ümumi olaraq müharibə zamanı Dövlət Sərhəd Xidmətinin 47 hərbi qulluqçusu şəhid oldu, 197 nəfər yaralandı və ya müxtəlif dərəcəli bədən xəsarətləri aldı.

Azərbaycan ərazilərinin işğaldan azad olunması və ərazi bütövlüyünün bərpa edilməsi zamanı döyüş əməliyyatlarının rəhbəri olanda igidliyin və mərdliyin nümunəsini göstərdiyinə görə Aqşin Ramiz oğlu Məhərrəmov Azərbaycan Prezidenti İlham Əliyev 09.10.2020-ci il tarixli 2338 nömrəli Sərəncamı ilə Azərbaycanın ali hərbi ordeni olan "Zəfər" ordeni ilə təltif edildi.[7] Azərbaycan Prezidenti İlham Əliyevin 24.12.2020-ci il və 25.12.2020-ci il tarixli Sərəncamları ilə Aqşin Məhərrəmov "Cəbrayılın azad olunmasına görə" medalı və "Zəngilanın azad olunmasına görə" medalı ilə təltif edildi.[8][9]

Aqşin Məhərrəmov 2022-ci ilin avqustunda Dövlət Sərhəd Xidməti Baş Qərargahının Dövlət Sərhədinin Mühafizəsi Baş İdarəsin rəisi vəzifəsinə təyin edildi.

General-mayor Aqşin Məhərrəmov Dövlət Sərhədinin Mühafizəsi Baş İdarəsin rəisi olan zamanı 12–13 sentyabr 2022-ci il tarixlərində Ermənistan Silahlı Qüvvələrinin bölmələrinin Azərbaycan-Ermənistan dövlət sərhədinin Zəngilan rayonu istiqamətində 9 hərbi qulluqçusunun şəhid olması ilə nəticələnən genişmiqyaslı təxribatlarının qarşısının alınması zamanı Dövlət Sərhəd Xidmətinin qarşısında qoyulmuş döyüş tapşırıqlarının icrası zamanı, həmçinin 23 aprel 2023-cü ildə Azərbaycan-Ermənistan dövlət sərhədində, Laçın-Xankəndi yolunun başlanğıcında, Həkəri çayı üzərində dövlət sərhədindən buraxılış məntəqəsinin (Laçın dövlət sərhədindən buraxılış məntəqəsi) qurulması tapşırıqının icrası zamanı fərqləndi.

Aqşin Məhərrəmov 22 iyun 2023-cü ildə Baş Qərargahın Dövlət Sərhədinin Mühafizəsi Baş İdarəsinin rəisi vəzifəsindən azad edildi və Dövlət Sərhəd Xidməti Xüsusi Hava Əməliyyatları Qüvvələrinin Komandanı vəzifəsinə təyin edildi.[10]

İl ərzində Dövlət Sərhəd Xidməti qarşısında qoyulmuş döyüş tapşırıqlarını icrası nəzərə alınaraq Aqşin Məhərrəmov Azərbaycan Prezidenti İlham Əliyevin 17 avqust 2023-cü il tarixli 4042 nömrəli Sərəncamına əsasən 2-ci dərəcəli "Vətənə xidmətə görə" ordeni ilə[11], 7 noyabr 2023-cü il tarixli Sərəncamına əsasən isə 2-ci dərəcəli "Rəşadət" ordeni ilə təltif edildi.[12]

İstinadlar

[redaktə | mənbəni redaktə et]
  1. ↑ Normativ hüquqi sənədlərin vahid internet bazası. "Dövlət Sərhəd Xidmətinin hərbi qulluqçularının təltif edilməsi haqqında Azərbaycan Prezidenti İlham Əliyevin 14.08.2010-cu il tarixli 1066 nömrəli Sərəncamı". www.e-qanun.az ( (az.)). 01.10.2022. 2022-10-01 tarixində arxivləşdirilib. İstifadə tarixi: 01.10.2022.
  2. ↑ Normativ hüquqi sənədlərin vahid internet bazası. "Dövlət Sərhəd Xidmətinin hərbi qulluqçularının təltif edilməsi haqqında Azərbaycan Prezidenti İlham Əliyevin 14.08.2012-ci il tarixli 2390 nömrəli Sərəncamı". www.e-qanun.az ( (az.)). 01.10.2022. 2022-10-01 tarixində arxivləşdirilib. İstifadə tarixi: 01.10.2022.
  3. ↑ Normativ hüquqi sənədlərin vahid internet bazası. "Dövlət Sərhəd Xidmətinin hərbi qulluqçularının təltif edilməsi haqqında Azərbaycan Prezidenti İlham Əliyevin 15.08.2014-cü il tarixli 688 nömrəli Sərəncamı". www.e-qanun.az ( (az.)). 01.10.2022. 2022-10-01 tarixində arxivləşdirilib. İstifadə tarixi: 01.10.2022.
  4. ↑ Normativ hüquqi sənədlərin vahid internet bazası. "Dövlət Sərhəd Xidmətinin hərbi qulluqçularının təltif edilməsi haqqında Azərbaycan Prezidenti İlham Əliyevin 16.08.2016-cı il tarixli 2274 nömrəli Sərəncamı". www.e-qanun.az ( (az.)). 01.10.2022. 2022-10-01 tarixində arxivləşdirilib. İstifadə tarixi: 01.10.2022.
  5. ↑ Normativ hüquqi sənədlərin vahid internet bazası. "Dövlət Sərhəd Xidmətinin hərbi qulluqçularının təltif edilməsi haqqında Azərbaycan Prezidenti İlham Əliyevin 16.08.2019-cu il tarixli 1386 nömrəli Sərəncamı". www.e-qanun.az ( (az.)). 01.10.2022. 2022-10-01 tarixində arxivləşdirilib. İstifadə tarixi: 01.10.2022.
  6. ↑ Normativ hüquqi sənədlərin vahid internet bazası. "Dövlət Sərhəd Xidmətinin hərbi qulluqçularına ali hərbi rütbələrin verilməsi haqqında Azərbaycan Prezidenti İlham Əliyevin 17.08.2020-ci il tarixli 2215 nömrəli Sərəncamı". www.e-qanun.az ( (az.)). 01.10.2022. 2022-10-19 tarixində arxivləşdirilib. İstifadə tarixi: 01.10.2022.
  7. ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidenti İlham Əliyevin 09.10.2020-ci il tarixli 2338 nömrəli Sərəncamı". www.e-qanun.az ( (az.)). 01.10.2022. 2022-11-17 tarixində arxivləşdirilib. İstifadə tarixi: 01.10.2022.
  8. ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Cəbrayılın azad olunmasına görə" medalı ilə təltif edilməsi haqqında Azərbaycan Prezidenti İlham Əliyevin 24.12.2020-ci il tarixli 2358 nömrəli Sərəncamı". www.e-qanun.az ( (az.)). 01.10.2022. 2022-10-11 tarixində arxivləşdirilib. İstifadə tarixi: 01.10.2022.
  9. ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Zəngilanın azad olunmasına görə" medalı ilə təltif edilməsi haqqında Azərbaycan Prezidenti İlham Əliyevin 25.12.2020-ci il tarixli 2363 nömrəli Sərəncamı". www.e-qanun.az ( (az.)). 01.10.2022. 2022-10-11 tarixində arxivləşdirilib. İstifadə tarixi: 01.10.2022.
  10. ↑ Normativ hüquqi sənədlərin vahid internet bazası. "Dövlət Sərhəd Xidmətinin bir sıra hərbi qulluqçularının ali zabit heyəti vəzifələrinə təyin edilməsi haqqında təltif edilməsi haqqında Azərbaycan Prezidenti İlham Əliyevin 22.06.2023-cü il tarixli 3935 nömrəli Sərəncamı". www.e-qanun.az ( (az.)). 01.10.2022. İstifadə tarixi: 01.10.2022.[ölü keçid]
  11. ↑ Normativ hüquqi sənədlərin vahid internet bazası. "Azərbaycan ilə Ermənistan arasında dövlət sərhədində düşmən təxribatlarının qarşısının alınması üzrə döyüş tapşırıqlarının icrasında fərqlənmiş Dövlət Sərhəd Xidmətinin hərbi qulluqçularının təltif edilməsi haqqında Azərbaycan Prezidenti İlham Əliyevin 17.08.2023-cü il tarixli 4042 nömrəli Sərəncamı". www.e-qanun.az ( (az.)). 01.10.2022. İstifadə tarixi: 01.10.2022.[ölü keçid]
  12. ↑ Normativ hüquqi sənədlərin vahid internet bazası. "Azərbaycan Silahlı Qüvvələri hərbi qulluqçularının və Daxili İşlər Nazirliyi işçilərinin təltif edilməsi haqqında haqqında Azərbaycan Prezidenti İlham Əliyevin 07.11.2023-cü il tarixli Sərəncamı". www.e-qanun.az ( (az.)). 01.10.2022. 2024-08-18 tarixində arxivləşdirilib. İstifadə tarixi: 01.10.2022.
Mənbə — "https://az.wikipedia.org/w/index.php?title=Aqşin_Məhərrəmov&oldid=7839262"