Avstriyada turizm

Vikipediya, açıq ensiklopediya
Jump to navigation Jump to search

Avstriyada turizmAvstriya ərazisindəki turizm bazaları, istirahət mərkəzləri və səyahətlər.

Avstriya hazırda iqtisadi cəhətdən Avropanın ən inkişaf etmiş ölkələrindən biridir. O, İkinci dünya müharibəsi illərində öz gözəl tarixi memarlıq abidələrini dağılmaqdan qoruyub saxlaya bildi. Gözəl saraylar, mehmanxanalar, yollar hələ müharibədən əvvəl tikilmişdi. Onlar daima ölkənin tükənməz turizm resursları hesab olunur. Avstriya iqtisadiyyatında turizm əhəmiyyətli yer tutur.

Şimal-cənub, qərb-şərq istiqamətində hərəkət edən turistləri Avstriyanın gözəl avtomobil yolları cəlb edir. Onların əksəriyyəti bir günlük turistlərdir.

Avstriyada ölkədaxili turizm işi dünya standartlarına uyğun şəkildə təşkil edilir, ancaq, Avstriyalılar öz ölkələrində səyahət etməyə o qədər də maraq göstərmir, Aralıq dənizi sahillərində və qışda dağ kurortlarında dincəlməyə üstünlük verirlər.

Kitzbühel, Avstriyada qış turizmi ilə məşhur bir şəhərdir.

Hazırda Avstriya qış idman növləri üzrə lider mövqeyi tutmuş beynəlxalq turizm mərkəzidir. Buna uyğun olaraq beynəlxalq turizm də ölkənin qərbində, dağlıq hissəsində cəmləşib. Avstriyanın dağlıq, xizək kurortları hələ müharibədən qabaq böyük zövqlə tikilib. Burada ayaq xizəyi məktəbi fəaliyyət göstərir, həvəskarlara düz yerdə ayaq xizəyi sürmək öyrədilir. Ayaq xizəyi muzeyində xizək idmanı kompleksləri nümayiş etdirilir. Hər il ayaq xizəyi idmanı üzrə beynəlxalq yarışlar keçirilir. Burada idman bütün istirahət günlərini zənginləşdirir. Avstriyada əksər qış günlərində havalar isti keçir.

Avstriyaya qonaqlar başlıca olaraq Almaniya, NiderlandBöyük Britaniyadan gəlir. Bu üç ölkədən gələn turistlərin payına tur günlərin 80%-i, səfərlərin yarısı isə Almaniyanın payına düşür. Avstriyaya Polşadan bir qayda olaraq alıcı turistlər daha çox gəlir. Burada "basabas" mövsümü daha dəqiq müəyyənləşib – yayda avqust ayına, qışda isə fevral ayına təsadüf edir.

Avstriyada qış turizminin şöhrətinin artması nəticəsində bu ölkədə ekoloji şərait gərginləşir və ekoloji tarazlığın bərpası problemi meydana çıxır.

Xarici turistlər[redaktə | əsas redaktə]

Avstriyaya gələn qonaqlar arasında aşağıdakı ölkələr üstünlük təşkil edir:[1]

Yer Ölkə 2014 2015
1 Flag of Germany.svg Almaniya 11,750,027 12,134,836
2 Flag of the Netherlands.svg Niderland 1,671,581 1,734,453
3 Flag of Switzerland.svg İsveçrə 1,309,660 1,400,251
4 Flag of Italy.svg İtaliya 1,051,490 1,122,936
5 Flag of the United Kingdom.svg Böyük Britaniya 802,552 875,664
6 Flag of the People's Republic of China.svg ÇXR 497,925 715,119
7 Flag of the Czech Republic.svg Çexiya 660,086 711,351
8 Flag of the United States.svg ABŞ 632,512 708,233
9 Flag of France.svg Fransa 516,770 517,708
10 Flag of Belgium (civil).svg Belçika 514,264 514,329
11 Flag of Hungary.svg Macarıstan 493,055 501,595
12 Flag of Poland.svg Polşa 425,730 456,615
13 Flag of Spain.svg İspaniya 309,794 348,768
14 Flag of Denmark.svg Danimarka 264,704 331,507
15 Flag of Russia.svg Rusiya 467,565 313,406
16 Flag of South Korea.svg Cənubi Koreya 234,557 277,032
17 Flag of Romania.svg Rumıniya 264,704 275,806
18 Flag of Japan.svg Yaponiya 245,306 236,621
19 Flag of Sweden.svg İsveç 205,501 224,258
20 Flag of Slovenia.png Sloveniya 176,760 194,186
Yekun 25,291,371 26,718,945

İstinadlar[redaktə | əsas redaktə]

  1. Tourismus in Österreich 2015

Xarici keçidlər[redaktə | əsas redaktə]