Aydın Əzimbəyov

Vikipediya, azad ensiklopediya
Jump to navigation Jump to search
Aydın Əzimbəyov
Aydın Əlibəy oğlu Əzimbəyov
bayraqAzərbaycan Respublikasının Özbəkistandakı fövqəladə və səlahiyyətli səfiribayraq
20 iyun 1996 — 16 dekabr 2004
Sələfi səfirlik təsis edilib
Xələfi Namiq Abbasov
Şəxsi məlumatlar
Təhsili Daşkənd Kənd Təsərrüfatı Mühəndisləri İnstitutu
Doğum tarixi
Doğum yeri Naxçıvan, Azərbaycan SSR, ZSFSR, SSRİ
Vəfat tarixi (79 yaşında)

Aydın Əlibəy oğlu Əzimbəyov (10 dekabr 1932(1932-12-10), Naxçıvan20 noyabr 2012(2012-11-20)) — Azərbaycan Respublikasının Özbəkistanda fövqəladə və səlahiyyətli səfiri (1996–2004), Azərbaycan Respublikası Prezidentinin fərdi təqaüdçüsü (2005)[1].

Həyatı[redaktə | əsas redaktə]

1932-ci ildə Azərbaycan SSR-in Naxçıvanın Cəhri kəndində anadan olmuşdur. Atası Əlibəy Əzimzadə bölgənin tanınmış qənaət öndərlərindən olmuşdur. Atasının Cəhridən sürgün edilməsini xatırladığını deyən Aydın bəy 1937-ci ildə ailəsi ilə birlikdə Özbəkistana sürgün edilmişdir. 1957-ci ildə Daşkənd Kənd Təsərrüfatı Mühəndisləri İnstitutunu bitirmişdir. Təyinatla Qazaxıstana göndərilmiş və 1957–1960-cı illərdə Slavyansk avtobazasının baş mühəndisi, 1960–1964-cü illərdə rəisi olmuşdur. 1964–1966-cı illərdə Özbəkistan SSR Sırdərya vilayəti avtotrestinin baş mühəndisi, 1966–1974-cü illərdə isə rəisi olmuşdur.

1974–1977-ci illərdə Özbəkistan SSR Sırdərya Vilayət Kommunist Partiyasının şöbə müdiri təyin edilmiş, 1977–1986-cı illərdə Özbəkistan SSR Sırdərya Vilayət Kommunist Partiyasının katibi seçilmişdir. 1986–1988-ci illərdə Özbəkistan SSR Avtomobil nəqliyyatı naziri olmuşdur. 1988–1989-cu illərdə Daşkənddə "OrtaAsiyaQazprom" İB-nin Nəqliyyat və xüsusi texnika şöbəsinin rəis müavini, 1989–1990-cı illərdə isə həmin şöbənin rəisi vəzifəsində işləmişdir. 1990–1996-cı illərdə Özbəkistan SSR Nazirlər Kabinetinin Nəqliyyat və rabitə şöbəsinin rəisi olmuşdur.

1970–1980-ci illərdə Özbəkistan SSR-in bütün nəqliyyat (avtomobil, dəmiryol, su) şəbəkəsini vahid bir sistemdə birləşdirməklə, onların fasiləsiz işləməsinin və beləliklə, yüklərin daşınmasının daha səmərəli yerinə yetirilməsinə nail olunmasının əsaslarını hazırlayıb tətbiq etmişdir. 1980–1985-ci illərdə Sovet İttifaqı Kommunist Partiyası Mərkəzi Komitəsi bu məsələyə maraq göstərmiş və həmin ideyanın SSRİ-də tətbiq edilməsinə göstəriş verilmişdir.

1974–1986-cı illərdə Özbəkistanda 300 min hektar susuz ərazinin əkin üçün yararlı hala salınaraq 1 milyondan çox insanın normal təminatı üçün Sırdərya vilayətində üç nəhəng obyektin tikintisinə rəhbərlik etmişdir — gücü saniyədə 200 m³ olan Girak nasos stansiyası; Orta Asiyada ən böyük istilik elektrostansiyası olan Sırdərya İES; pambıq çiyidindən yağ alınması üçün Yağ ekstraksiya zavodu.

Anası Aminə xanım 24 dekabr 1972-ci ildə, atası Əlibəy isə 23 may 1976-cı ildə vəfat etmişlər. Hər ikisi Özbəkistan Respublikasının Sırdərya vilayətinin Baxt şəhərində dəfn olunmuşdur.

20 noyabr 2012-ci il tarixində vəfat etmişdir. İki qızı, bir oğlu var.

Diplomatik fəaliyyəti[redaktə | əsas redaktə]

Azərbaycan Respublikası Prezidentinin 20 iyun 1996-cı il tarixli Sərəncamı ilə Aydın Əzimbəyov Azərbaycan Respublikasının Özbəkistanda yeni yaradılmış səfirliyinə fövqəladə və səlahiyyətli səfir təyin edilmişdir.[2]. Həmçinin Aydın Əlibəy oğlu Əzimbəyova Azərbaycan Respublikasının fövqəladə və səlahiyyətli səfiri dərəcəsi verilmişdir.

16 dekabr 2004-cü ildə Azərbaycan Respublikasının Özbəkistanda fövqəladə və səlahiyyətli səfiri vəzifəsindən geri çağırılmışdır[3]. Azərbaycan Respublikasının Prezidentinin 2005-ci il 10 noyabr tarixli Sərəncamı ilə Azərbaycan Respublikasının sosial, ictimai və mədəni həyatında böyük xidmətləri olan şəxslərdən biri kimi Aydın Əzimbəyov Azərbaycan Respublikası Prezidentinin fərdi təqaüdçüsü olmuşdur[1].

Mükafatları[redaktə | əsas redaktə]

Mənbə[redaktə | əsas redaktə]

  • "Aydın Əzimbəyov — Tarixlə səsləşən ömür yolu", Məhərrəm Zaman. Bakı, 2012.

İstinadlar[redaktə | əsas redaktə]