Aynur Məmmədova

Vikipediya, azad ensiklopediya
Jump to navigation Jump to search
Aynur Məmmədova
Şəxsi məlumatları
Vətəndaşlığı Azərbaycan Azərbaycan
Doğum tarixi 21 fevral 1979 (1979-02-21) (40 yaş)
Doğum yeri
İdman növü Taekvando

Aynur Tofiq qızı Məmmədova (d. 21 fevral 1979(1979-02-21), Təzə Şilyan, Ucar rayonu) – Paralimpiyaçı Taekvando üzrə 3 qat dünya və 4 qat Avropa çempionu[3], Azərbaycan Respublikasının əməkdar idman ustası və ictimai-siyasi xadim, Paratekvando üzrə Azərbaycan Milli Yığmasının üzvü, Prezident Mükafatçısı, Əlilliyi olan uşaq və gənclərin idmana inteqrasiyası ictimai birliyinin sədri.

Həyatı[redaktə | əsas redaktə]

Aynur Tofiq qızı Məmmədova 21 fevral 1979-ci il tarixdə Azərbaycan SSR-in Ucar rayonunun Təzə Şilyan kəndində anadan olmuşdur. Uşaqlığı Təzə Şilyan kəndində keçmişdir. 1997-ci ildən Bakı şəhərində yaşayır.

Təhsili[redaktə | əsas redaktə]

Fəaliyyəti[redaktə | əsas redaktə]

1998-ci ildən ictimai-siyasi və xeyriyyəçilik fəaliyyəti fəal məşğul olmuşdur.

  • 1998-2000-ci illərdə Azərbaycan Əlil Qadınlar Cəmiyyəti İdarə Heyətinin üzvü,
  • 2000-2004-cü illərdə Azərbaycan Respublikası Müharibə Veteranları Cəmiyyətinin Sədr müavini,
  • 2004-2009-cu illərdə "Pənah" Əlillər Cəmiyyətinin İdarə Heyətinin üzvü vəzifəsini tutmuşdur.

Həmçinin Azərbaycanda fəaliyyət göstərən müxtəlif Qeyri-Hökümət təşkilatlarının ictimai-xeyriyyə tədbirlərində daima iştirak etmişdir. Aynur Məmmədova hal hazırda Azərbaycan Respublikası Fövqəladə Hallar Nazirliyində çalışır. Aynur Məmmədova həmçinin 2013-cü ildən Yeni Azərbaycan Partiyasının üzvüdür.

2016-cı il iyunun 29-dan “Əlilliyi olan uşaq və gənclərin idmana inteqrasiyasi” İctimai Birliyini təsis etmişdir. Məqsədi Əlilliyi olan uşaqları idmana cəlb etmək cəmiyyətə qazandırmaqdır. Bir çox layihələr həyata keçirmişdir. "Maariflən Qurbana Çevrilmə", "Həssas qrupdan olan şəxslərə psixoloji dəstək", "Gələcəyinə rəng qat", "Biz də Təbiət istəyirik", "Sərhədləri birlikdə aşaq", "Sağlam Həyat tərzi xoşbəxtlikdir" adlı layihələr keçirmişdir. Təşkilatlar- Heydər Əliyev Fondu, Azərbaycan Respublikasının Gənclər Fondu, Azərbaycan Respublikasının Prezidenti Yanında Qeyri-Hökümət Təşkilatlarına Dövlət Dəstəyi Şurası.

Peşəkar idman fəaliyyəti[redaktə | əsas redaktə]

Profesional Parataekvandoçu Aynur Məmmədova, eyni zamanda peşəkar Atçılıq idmanı ilə də fəal məşğul olmuşdur. Ancaq 2010-cu ildən Paraolimpiya oyunları və olimpiadalarında iştirak etmək üçün peşəkar Parataekvando üzrə fiziki məşqlərə başlamışdır.[4]

Parataekvando üzrə Azərbaycan Milli Yığmasının Qusarda keçirilən ilk Təlim-Məşq toplantısının iştirakçısı olan Aynur Məmmədova 2010-cu ilin mayında Paraolimpiya təsnifatlı, Sankt Peterburqda keçirilən Parataekvando üzrə ilk Dünya çempionatında Azərbaycan Respublikasını təmsil etmiş və 3-cü yeri qazanmışdır. 2011-ci ildə isə Azərbaycan idmançısı Moskvada keçirilən Parataekvando üzrə Dünya çempionatında məhz 1-ci yeri qazanmış və Dünya çempionu titulu əldə etmişdir.[5]

Proefessional Parataekvandoçu olan Aynur Məmmədova daha sonra bir sıra beynəlxalq uğurlara imza ataraq müxtaəlif olimpiada və turnirlərdə Parataekvando üzrə 3 qat Dünya və 4 qat Avropa çempionu titullarına sahib olmuşdur.[6]

Peşəkar Parataekvando üzrə uğurları[redaktə | əsas redaktə]

Tarix Çempionat Yer
2010 Parataekvando üzrə Dünya Çempionatı (Sankt Peterburq, Rusiya Federasiyası) 3
2011 Parataekvando üzrə Avropa Çempionatı (Moskva, Rusiya Federasiyası) 1
2012 Parataekvando üzrə Dünya Çempionatı (Oranyestad, Aruba) 1
2013 Parataekvando üzrə Avropa çempionatı (Buxarest, Rumıniya) 3
2014 Parataekvando üzrə Dünya Çempionatı (Moskva, Rusiya Federasiyası) 2
2014 Parataekvando üzrə Avropa Çempionatı (Antalya, Türkiyə) 1
2015 Parataekvando üzrə Dünya Çempionatı (Samsun, Türkiyə) 1
2015 Parataekvando üzrə Dünya Olimpiya Oyunları (Soçi, Rusiya Federasiyası) 1
2016 Parataekvando üzrə Avropa Çempionatı (Varşava, Polşa) 3
2018 Parataekvando üzrə Avropa Çempionatı (Plovdiv, Bolqarıstan) 1
2019 Parataekvando üzrə Dünya Çempionatı (Antalya, Türkiyə) 5
2019 Parataekvando üzrə Afrika Çempionatı (Misir) 2
2019 Parataekvando üzrə Avropa Çempionatı (İtaliya, Bari) 1

İstinadlar[redaktə | əsas redaktə]

Xarici keçidlər[redaktə | əsas redaktə]