Aysel Fikrət
 |
| Aysel Fikrət | |
|---|---|
| Əhmədova Aysel Fikrət qızı | |
 | |
| Doğum adı | Aysel Sadıqova |
| Doğum tarixi | |
| Doğum yeri | Bakı şəhəri |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Atası | Fikrət Sadıq |
| Təhsili | Azərbaycan Dövlət Mədəniyyət və İncəsənət Universiteti |
| İxtisası | Ədəbi iş və Ekran Sənəti Dramaturgiyası |
| Fəaliyyət illəri | 1993 – h. h. |
| Əsərlərinin dili | Azərbaycanca |
| Janrlar | şeir, esse, roman, hekayə, ssenari |
| İlk əsəri | "Yıxılmış Ağac" |
| Tanınmış əsərləri | "İtirilmiş Gülüş", "Torpaq Adam", |
| Üzvlüyü |
Azərbaycan Jurnalistlər Birliyi, Qırğız Yazarlar Birliyi, Osmaniyyə Yazarlar Birliyi (Türkiyə). |
| Mükafatları | Prezident təqaüdçüsü (2018), Çingiz Aytmatov adına Mükafat (2019) |
Aysel Fikrət (tam adı: Əhmədova Aysel Fikrət qızı; 28 mart 1976[1], Bakı şəhəri) — Azərbaycanlı yazıçı, dramaturq, ssenarist, müəllim və jurnalist. Azərbaycan Milli Konservatoriyasının (AMK) mətbuat katibi (2023).[2] Azərbaycan Yazıçılar Birliyinin və Jurnalistlər Birliyinin üzvüdür.[3][2][4][5]
Həyatı
[redaktə | mənbəni redaktə et]Aysel Fikrət 1976-cı ildə Bakı şəhərində ziyalı ailəsində anadan olub. 1982-1992-ci illərdə orta təhsilini bitirmişdir. O, 1992-1997-ci illərdə Azərbaycan Dövlət Mədəniyyət və İncəsənət Universitetinin Ekran Dramaturgiyası fakültəsində təhsil almış və bu təhsili fərqlənmə diplomu ilə başa vurmuşdur.[1]
1997-ci ildən etibarən Azərbaycan Milli Konservatoriyasının tərkibində olan İncəsənət Gimnaziyasında teatr dramaturgiyası fənni üzrə müəllim vəzifəsində çalışır.[3]
Aysel Fikrət ailəlidir və iki övladı var.
Ədəbi fəaliyyəti
[redaktə | mənbəni redaktə et]Aysel Fikrətin ədəbi fəaliyyəti 1990-cı illərin əvvəllərində dövrü mətbuatda çap olunmuş hekayələri ilə başlamışdır. İlk hekayələri oxucular tərəfindən maraqla qarşılanmış və yazıçının ədəbi dünyaya ilk addımlarını atmasına təkan vermişdir. O, qısa bir müddət yaradıcılığında fasilə verdikdən sonra 2010-cu ildən etibarən Azərbaycan Yazıçılar Birliyinin üzvü olaraq yaradıcılığına davam etmişdir.[6] Bu dövrdən etibarən onun ədəbi fəaliyyəti daha da genişlənmiş və oxucular arasında tanınmışdır.
Yaradıcılığı boyu Aysel Fikrət ədəbi aləmdə müxtəlif janrlarda əsərlər yazmışdır. Onun yaradıcılığı əsasən şeir və nəsr əsərlərindən ibarətdir. Yazıçı yaradıcılığının ilkin mərhələlərində nəzm əsərlərinə xüsusi önəm versə də, sonrakı dövrlərdə nəsrə də qayıtmış və hər iki janrda uğurlu əsərlər yaratmışdır. Onun ən tanınan roman və hekayələrindən "Torpaq Adam",[1] və "Kaktus Çiçəyi"[7] kimi əsərlər xüsusi diqqət çəkir. Bu əsərlərdə müəllifin dərin psixoloji təhlilləri və insana dair fəlsəfi düşüncələri öz əksini tapır. Yazıçının əsərləri, ədəbiyyatda insanın daxili aləminin, keçirdiyi hisslərin və cəmiyyətlə olan münasibətlərin əks olunması baxımından böyük əhəmiyyət kəsb edir.[8]
Aysel Fikrət, eyni zamanda, mətbuatda və internet saytlarında fəal köşə yazıları ilə çıxış etmişdir. Onun köşə yazıları aktual mövzulara həsr olunub və geniş oxucu kütləsi tərəfindən maraqla qarşılanmışdır. Yazıçının köşə yazıları və bədii əsərləri Azərbaycan mətbuatı və ədəbiyyat platformalarında, o cümlədən "Azərbaycan", "Ulduz", "Ustad", "Ədəbiyyat", "Kaspi" və "525" kimi jurnal və qazetlərdə,[9] həmçinin kulis.az,[10] edebiyyatveincesenet.az,[11] axar.az kimi populyar vebsaytlarda dərc olunmuşdur.
Aysel Fikrətin əsərləri əsasında bir neçə radiotamaşa hazırlanmış və səhnəyə qoyulmuşdur. Onun "Məscidin Dəlisi" adlı radiopyesi bu sahədə xüsusi olaraq qeyd edilə bilər.[12]
Əmək fəaliyyəti
[redaktə | mənbəni redaktə et]Aysel Fikrət 1997-ci ildən İncəsənət Gimnaziyasının teatr şöbəsində teatr dramaturgiyası fənnini tədris edir. O, həmçinin, Balaca Yazarlar Birliyinin yaradıcısı və rəhbəridir.[13][14] Şagirdlərinin hekayələrindən ibarət kitabların redaktoru olmaqla yanaşı,[14] teatr dramaturgiyası fənnindən metodiki vəsait də hazırlamışdır.[15]
Hazırda o, 2023-cü ilin dekabr ayından etibarən Azərbaycan Milli Konservatoriyasının mətbuat katibi vəzifəsində çalışır.[2]
Mükafatlar və üzvlüklər
[redaktə | mənbəni redaktə et]Aysel Fikrət, ədəbiyyat və jurnalistika sahəsində fəal işinə görə, Prezident təqaüdçüsüdür. O, Çingiz Aytmatov adına mükafata layiq görülmüşdür. Eyni zamanda, o, Azərbaycan Yazıçılar Birliyinin və Azərbaycan Jurnalistlər Birliyinin üzvüdür.[3][2][4][5] Aysel Fikrət, həmçinin, Türkiyənin Osmaniyyə Yazarlar Birliyi[3][5] və Qırğızıstan Yazarlar Birliyinin də üzvüdür.[3][2]
Kitabları
[redaktə | mənbəni redaktə et]Aysel Fikrət Azərbaycan ədəbiyyatı mövzularında yazılmış bir sıra əsərlərin müəllifidir.[4] Onun müəllifi olduğu bəzi kitablar bunlardır:
| Kitabın adı | İçindəkilər | Şəhər | Nəşriyyat | İl | Səhifə | ISBN |
|---|---|---|---|---|---|---|
| Bir Buludam | Şeirlər | Bakı | Nərgiz | 2009 | 112 | |
| Ən Doğma Yad | Şeirlər | Bakı | Alatoran Yayınları | 2013 | 115 | ISBN: 978-9953-8067-1-6 |
| İtirilmiş gülüş | Şeirlər, Povest, Hekayələr | Bakı | Alatoran Yayınları | 2013 | 104 | |
| Özgə evi | Şeirlər, Hekayələr | Bakı | Alatoran Yayınları | 2019 | 125 | |
| İz | Şeirlər | Bakı | Alatoran Yayınları | 2019 | 190 | |
| Kaktus Çiçəyi | Şeirlər, Hekayələr, Esselər | Bakı | JekoPrint | 2022 | 134 | ISBN: 978-9952-8686-8-5 |
| Teatr Dramaturgiyası | Metodiki Vəsait | Bakı | Azərbaycan Milli Konservatoriyası | 2024 | 188 | ISBN: 978-9952-37-440-1 |
| İspan kafesi | Hekayələr | Bakı | 2024 | 89 |
İstinadlar
[redaktə | mənbəni redaktə et]- ↑ 1 2 3 Nağıyeva, Şəhla; Məndəvil, Əlison, redaktorlar Azərbaycan Qadını Yaradır (az. və ingilis). Məndəvil, Əlison; Qasımova, Elmira tərəfindən tərcümə olunub (1-ci nəşr). Bakı: Bestpack. 2017. 42. ISBN 978-9952-37-002-7.
- ↑ 1 2 3 4 5 "Mətbuat katibi". conservatory.edu.az. 2024-10-06 tarixində arxivləşdirilib. İstifadə tarixi: 2024.10.07.
- ↑ 1 2 3 4 5 Sadiq, Gülnarə; Nəsirzadə, Aysel, redaktorlar Zərif Kölgələr (Antalogiya) (az.) (1-ci nəşr). Bakı: Elm və Təhsil. 2024. 72.
- ↑ 1 2 3 Əliyeva, Zöhrə, redaktor"Mədəniyyət" Elmi-Metodiki, Publisistik Jurnalı (az., ingilis, və rus). Bakı: "CBS" Mətbəəsi. İyul-Avqust. 97. ISSN 2788-7251.
- ↑ 1 2 3 Aliyeva, Ruhangiz. Zangezur - historical land of Azerbaijan (ingilis) (1-ci nəşr). Almaniya: Verlag-Stella. 2023. 59, 90. ISBN 978-3-95772-349-9.
- ↑ Mecid, Reşad. Azerbaycan Edebiyatı Antolojisi (gençler) (türk) (1-ci nəşrt). Ankara: Berikan. 2018. 27. ISBN 978-605-7501-19-6.
- ↑ Qaragözova, Elnarə. "2023-cü ilin Nəsr Mənzərəsi". Ədəbiyyat Qazeti (26). 2024.07.13. 8–9. İstifadə tarixi: 2024.10.15.
- ↑ "Ədəbiyyatda Təsadüfi Adamlar – Aysel Fikrətlə Müzakirələr (Müsahibə)". 2024.02.10. İstifadə tarixi: 2024.10.15.
- ↑ "Aysel Fikrət - (Azərbaycan Milli Kitabxanası - Elektron Kataloq)". Azərbaycan Milli Kitabxanası (anl.az).
- ↑ "Yazarlar - Aysel Fikrət". Kulis.az.
- ↑ "Aysel Fikrət (Hekayə və Məqalələri)". edebiyyatveincesenet.az.
- ↑ ""Məscidin Dəlisi" Radiotamaşa". 2023.08.05.
- ↑ "Laçında "Çağdaş Azərbaycan ədəbiyyatında Qarabağ" mövzusu adlı tədbir keçirilib". 2024.06.25. 2024.10.07 tarixində arxivləşdirilib.
- ↑ 1 2 Səfərova, Sifai. "Balaca Yazarlar Birliyi Studiyası". 2019.03.27. 2024.10.07 tarixində arxivləşdirilib. İstifadə tarixi: 2024.10.07.
- ↑ Fikrət, Aysel; Vəlizadə, Ülviyyə. Teatr Dramaturgiyası (Metodiki Vəsait) (az.). Bakı. 2024. ISBN 978-9952-37-440-1.