Azərbaycan-Fransız Universiteti

Vikipediya, açıq ensiklopediya
Jump to navigation Jump to search
Picto infobox université.png
Azərbaycan-Fransız Universiteti
UFAZ.jpg
Əsası qoyulub 2015
Şəhər Bakı
Ölkə Azərbaycan

Azərbaycan-Fransız Universiteti (qısaca: UFAZ) — Azərbaycanda fransız dilində təhsillə tamdəyərli ali təhsil müəssisəsi.[1]

Tarixi[redaktə | əsas redaktə]

Yaradılması ideyası[redaktə | əsas redaktə]

Universitetinin yaradılması ideyası 2015-ci ilin aprel ayının əvvəllərində Fransanın bir sıra aparıcı ali məktəblərinin rəhbərlərinin daxil olduğu Fransa nümayəndə heyətinin Bakıya iki günlük səfəri zamanı təqdir edilmişdir.[1] Universitetin yaradılması məsələsi aprelin 1-də Fransa nümayəndə heyətinin rəhbəri və Strasburq Universitetinin prezidenti Alen BeretzAzərbaycanın təhsil naziri Mikayıl Cabbarov arasında ikitərəfli görüşlər zamanı da müzakirə olunmuşdur.[2][3] Bununla əlaqədar 2015-ci il aprelin 2-də Fransanın Bakıdakı diplomatik missiyasında keçirilən mərasimdə Fransanın Azərbaycandakı səfiri Paskal Mönye belə demişdir:[1]

"Aparılan müzakirələr Azərbaycan-Fransa Universitetinin yaradılması üçün perspektivlər açır."[1]

Azərbaycan-Fransız Universiteti (UFAZ) 2014-cü ildə Azərbaycan və Fransa Prezidentlərinin təşəbbüsü ilə yaradılan və uğurla davam edən layihədir. 2016-cı ilin sentyabr ayından etibarən fəaliyyət göstərən bu universitetdə 4 texniki ixtisas üzrə tələbə qəbulu həyata keçirilir. Layihəyə Fransa tərəfindən Strasburq Universitetinin (Unistra) rəhbərlik etdiyi Fransa universitetləri konsorsiumu daxildir. Azərbaycan tərəfindən isə layihəyə Azərbaycan Təhsil Nazirliyi ilə sıx əməkdaşlıq əsasında Azərbaycan Dövlət Neft və Sənaye Universiteti (ADNSU) rəhbərlik edir. UFAZ məzunları ADNSUStrasburq Universitetinin diplomları ilə təmin edilir. Beləliklə tələbələr xaricə getmədən ADNSU ilə bərabər Fransanın ən qədim universitetlərindən biri olan Unistra-nın diplomunu ala biləcəklər.

Niyyət Məktubu[redaktə | əsas redaktə]

25 aprel 2015-ci ildə isə Bakıda Azərbaycan Prezidenti İlham ƏliyevinFransa Prezidenti Fransua Ollandın iştirakı ilə Azərbaycan Respublikasının təhsil naziri ilə Fransa Respublikasının milli təhsil, ali təhsil və tədqiqat naziri arasında Azərbaycan-Fransız Universitetinə dair Niyyət Məktubu imzalanmışdır.[4] Sənədi Azərbaycanın təhsil naziri Mikayıl CabbarovFransanın Azərbaycandakı səfiri Paskal Mönye imzalamışlar[4]. Həmin sənəd "Azərbaycan Respublikasının təhsil naziri ilə Fransa Respublikasının milli təhsil, ali təhsil və tədqiqat naziri arasında Azərbaycan-Fransız Universitetinə dair Niyyət Məktubunun təsdiq edilməsi haqqında" Azərbaycan Respublikası Prezidentinin 22 may 2015-ci il tarixli, 1242 nömrəli Sərəncamı ilə təsdiq edilmişdir[5].

UFAZ-a qəbul[redaktə | əsas redaktə]

Yalnız Dövlət İmtahan Mərkəzi (DİM) tərəfindən təşkil olunmuş 1-ci ixtisas qrupu üzrə imtahanlarda mümkün 700 baldan ən az 500 və daha çox bal toplamış abituriyentlər Strasburq Universiteti tərəfindən təşkil olunmuş və iyul ayının sonlarında keçirilən UFAZ-a qəbul imtahanında iştirak edə bilərlər. UFAZ-a qəbul imtahanı həm azərbaycan, həm də rus dillərində aparılır ki, bu da hər iki dil sektoru üzrə abituriyentlərin imtahanda iştirak etməsinə şərait yaradır. UFAZ-a qəbul imtahanı test suallarından ibarətdir və aşağıdakı mövzuları əhatə edir:

İmtahan nəticələrinin sıralamaları zamanı Dövlət İmtahan Mərkəzinin təşkil etdiyi imtahanda toplanılmış nəticələr deyil yalnız UFAZ-a qəbul imtahanının nəticələri nəzərə alınır ki, bunlar da Strasburq və Renn 1 universitetlərinin ekspertlərinin nəzarəti altında xüsusi komissiya tərəfindən elan olunur. UFAZ-a qəbul imtahanının nəticələrindən asılı olaraq tələbələrə ödənişsiz və ödənişli yerlər təklif olunur. UFAZ-a qəbul imtahanından keçmiş lakin qəbul olunmamış abituryentlər Azərbaycanda fəaliyyət göstərən digər ali təhsil müəssisələrinə də müraciət edə bilərlər.

İxtisaslar[redaktə | əsas redaktə]

2016-cı ilin sentyabr ayından UFAZ aşağıdakı ixtisaslar üzrə iki diplom verir:

  • Kimya mühəndisliyi üzrə Bakalavr (Unistra / ADNSU)
  • Kompüter elmləri üzrə Bakalavr (Unistra / ADNSU)
  • Geofizika mühəndisliyi üzrə Bakalavr (Unistra / ADNSU)
  • Neft-qaz Mühəndisliyi üzrə Bakalavr (Ren 1 Universiteti / ADNSU)

UFAZ-da Tədris[redaktə | əsas redaktə]

Universitetdə təhsil Fransa təhsil sisteminə uyğunlaşdırılmış formada yüksək ixtisaslı Fransa və Azərbaycan müəllimlərindən ibarət beynəlxalq tədris heyəti tərəfinən aparılır. Təhsil 1 hazırlıq ili və 3 il bakalavr olmaqla, 4 ildən ibarətdir. Hazırlıq ilində tələbələrə intensiv ingilis və fransız dili dərsləri ilə bərabər, əsas texniki fənlər keçirilir.

Yeni və Unikal Laboratoriya[redaktə | əsas redaktə]

Praktiki dərslərə 26 noyabr, 2018-ci il tarixindən start verilib.

  • Ümumi sahə: 2600 kv.m + 400 kv.m
  • Mərtəbələrin sayı: 6+1
  • Laboratoriyaların sayı: 10 (1 Kimya mühəndisliyi laboratoriyası, 1 Ümumi Kimya laboratoriyası, 1 Analitik Kimya laboratoriyası, 1 Üzvi Kimya laboratoriyası, 4 Fizika laboratoriyası, 2 IT laboratoriyası)

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1,0 1,1 1,2 1,3 Bakıda Azərbaycan-Fransa Universiteti yaradılması ideyası təqdir edilib
  2. Fransız universitetlərinin Azərbaycana səfəri. ambafrance-az.org, 14.04.2015  (azərb.)
  3. Aprelin 1-də Azərbaycan Respublikasının təhsil naziri Mikayıl Cabbarov Strasburq Universitetinin prezidenti Alen Beretzin rəhbərlik etdiyi Fransa ali təhsil müəssisələrinin rəhbərlərindən ibarət nümayəndə heyəti ilə görüşüb. edu.gov.az, 01.04.2015  (azərb.)
  4. 4,0 4,1 Azərbaycan-Fransız Universitetinə dair Niyyət Məktubu imzalanıb
  5. "Azərbaycan Respublikasının təhsil naziri ilə Fransa Respublikasının milli təhsil, ali təhsil və tədqiqat naziri arasında Azərbaycan-Fransız Universitetinə dair Niyyət Məktubunun təsdiq edilməsi haqqında" Azərbaycan Respublikası Prezidentinin 22 may 2015-ci il tarixli, 1242 nömrəli Sərəncamı  (azərb.)

Xarici keçidlər[redaktə | əsas redaktə]