Azərbaycan-Fransız Universiteti

Vikipediya, azad ensiklopediya
Jump to navigation Jump to search
Azərbaycan-Fransız Universiteti
UFAZ
Ufaz logo.png
Əsası qoyulub 2016
Tip Birgə proqram
Direktor Vazeh Əsgərov
Tələbə sayı 538
Müəllim sayı 70
Şəhər Bakı
Ölkə
Ünvan Nizami küçəsi, 183
UFAZ-ın Nizam küçəsindəki binası

Azərbaycan-Fransız Universiteti və ya qısaca UFAZAzərbaycan Prezidenti İlham ƏliyevinFransa Prezidenti Fransua Ollandın təşəbbüsü ilə Azərbaycan Dövlət Neft və Sənaye Universitetinin (ADNSU) və Strasburq Universitetinin (Unistra) rəhbərliyi altında həyata keçirilən birgə layihədir.

Yaradılması[redaktə | əsas redaktə]

12 may 2014-cü ildə Fransa Prezidenti Fransua Ollandın Azərbaycana səfəri zamanı Fransa və Azərbaycan təhsil nazirləri arasında iki ölkə arasında elmi əlaqələrin gücləndirilməsi məqsədilə universitetlər arasında əməkdaşlığa dair niyyət memorandum imzalanmışdır.

İki ölkənin təhsil nazirlikləri arasında növbəti razılaşma 25 aprel 2015-ci ildə president Fransua Ollandın Azərbaycana növbəti səfəri zamanı imzalanmışdır.[1] Həmin il mayın 15-də əməkdaşlığa dair təklif Azərbaycan Prezidenti İlham Əliyevin 1242 saylı fərmanı ilə qəbul edilmiş, 9 iyun 2016-cı ildə isə Azərbaycan-Fransız Universitetinin (UFAZ) yaradılmasına sərəncam verilmişdir.[2]

15 sentyabr 2016-cı ildə Azərbaycan Respublikasının Təhsil Naziri Mikayıl Cabbarovun və Fransanın Azərbaycandakı Səfiri Aurelia Buşenin iştirakı ilə UFAZ-ın açılışı baş tutmuşdur. İlk tədrisi ili ADNSU-nun Azadlıq prospektində yerləşən əsas binasında baş tutmuşdur.

11 yanvar 2017-ci ildə Fransanın İnkişaf və Frankofoniya üzrə dövlət katibi Jan-Mari Le Quen, nazir Mikayıl CabbarovStrasburq və Renn-1 Universitetlərinin rektorları UFAZ-ı ziyarət etmişdir.

15 sentyabr 2017-ci ildə UFAZ-ın Nizami küçəsi, 183-də yerləşən yeni tədris binasının açılış mərasimi baş tutmuşdur. Bina 20-ci əsrin əvvəllərində inşa edilmiş və Təhsil Nazirliyinin qərarına əsasən restavrasiya edilmişdir.

Açılış mərasimində Təhsil Naziri Mikayıl Cabbarov, ADNSU-nun rektoru Mustafa Babanlı, Fransanın Avropa və Xarici Əlaqələr üzrə naziri Jan-Batist Lemuan, Fransanın Ali Təhsil və Elmi Araşdırmalar Nazirliyinin Tədqiqatlar və İnnovasiyalar şöbəsinin müdiri Alen Berets, Fransanın Azərbaycandakı səfiri Aurelia Buşe, Strasburq Universitetinin vitse-prezidenti İren Jakoberger, Fransanın Kimya Tədqiqatları Fondunun prezidenti Bernar Mönye və digər qonaqlar iştirak etmişlər.[3]

Tədris[redaktə | əsas redaktə]

Yalnız Dövlət İmtahan Mərkəzi (DİM) tərəfindən təşkil olunmuş 1-ci ixtisas qrupu üzrə imtahanlarda mümkün 700 baldan ən az 500 və daha çox bal toplamış abituriyentlər Strasburq Universiteti tərəfindən təşkil olunmuş və iyul ayının sonlarında keçirilən UFAZ-a qəbul imtahanında iştirak edə bilərlər.[4]

UFAZ-da tədris Strasburq Universitetinin və Renn-1 Universitetinin (Neft-qaz mühəndisliyi) tədriq proqramı üzrə ingilis dilində aparılır.

Fransada bakalavr təhsili 3 il, Azərbaycanda isə 4 il davam etdiyinə görə UFAZ-da tədrisin ilk ili hazırlıq ili hesab olunur.[5] Universitetdə təhsil yüksək ixtisaslı fransız və azərbaycanlı müəllimlərindən ibarət beynəlxalq tədris heyəti tərəfinən aparılır.[6] UFAZ məzunları ADNSU-nun və tərəfdaş fransız universitetlərinin diplomlarını əldə edir.[7]

Hal-hazırda UFAZ-da 4 ixtisas tədris edilir: kimya mühəndisliyi,[8] geofizika mühəndisliyi,[9] kompüter mühəndisliyi[10]neft-qaz mühəndisliyi.[11]

UFAZ tələbələrinin 80%-dən çoxu Azərbaycan hökumətinin maliyyə dəstəyi sayəsində ödənişsiz əsaslarla təhsil alır.

UFAZ 2020/2021 tədris ilində 3 istiqamət üzrə magistratura mərhələsi üzrə ixtisaslar təklif edəcək: Kimya mühəndisliyi / Fiziki kimya, Yer elmləri və Tətbiqi Kompyuter Elmləri (Böyük verilənlər (Big Data) və süni intellekt).[12]

Həmçinin bax[redaktə | əsas redaktə]

İstinadlar[redaktə | əsas redaktə]

  1. Azərbaycan-Fransız Universitetinə dair Niyyət Məktubu imzalanıb
  2. "Azərbaycan Respublikasının təhsil naziri ilə Fransa Respublikasının milli təhsil, ali təhsil və tədqiqat naziri arasında Azərbaycan-Fransız Universitetinə dair Niyyət Məktubunun təsdiq edilməsi haqqında" Azərbaycan Respublikası Prezidentinin 22 may 2015-ci il tarixli, 1242 nömrəli Sərəncamı  (azərb.)
  3. "Открылось новое здание Азербайджано-французского университета". oxu.az.
  4. "Admission for Bachelor's degree". ufaz.az (ingilis). İstifadə tarixi: 2020-04-04.
  5. "Foundation Year Program". ufaz.az (ingilis). İstifadə tarixi: 2020-04-04.
  6. "Core Faculty". ufaz.az (ingilis). İstifadə tarixi: 2020-04-04.
  7. "Why UFAZ?". ufaz.az (ingilis). İstifadə tarixi: 2020-04-04.
  8. "BSc. Of Chemical Engineering". ufaz.az (ingilis). İstifadə tarixi: 2020-04-04.
  9. "BSc. Of Geosciences Engineering". ufaz.az (ingilis). İstifadə tarixi: 2020-04-04.
  10. "BSc. Of Computer Science". ufaz.az (ingilis). İstifadə tarixi: 2020-04-04.
  11. "BSc. Of Oil and Gas Engineering". ufaz.az (ingilis). İstifadə tarixi: 2020-04-04.
  12. "Admission for Master's degrees". ufaz.az (ingilis). İstifadə tarixi: 2020-04-04.

Xarici keçidlər[redaktə | əsas redaktə]