Azərbaycan Müəllimlər İnstitutunun Zaqatala filialı

Vikipediya, açıq ensiklopediya
(Azərbaycan Müəllimlər İnstitutu (Zaqatala filialı) səhifəsindən istiqamətləndirilmişdir)
Jump to navigation Jump to search
Picto infobox université.png
Azərbaycan Müəllimlər İnstitutunun Zaqatala filialı
Şəhər Zaqatala
Ölkə Flag of Azerbaijan.svg Azərbaycan

Azərbaycan Müəllimlər İnstitutunun Zaqatala filialıAzərbaycan Respublikası Təhsil Nazirliyinin tabeliyində olan ali təhsil müəssisəsi[1].

Azərbaycan Müəllimlər İnstitutunun Zaqatala filialı Azərbaycan Respublikasının Prezidenti Heydər Əliyevin 13 iyun 2000-ci il tarixli 349 nömrəli Fərmanı[2] ilə Zaqatala Politexnik Texnikumunun bazasında yaradılmışdır.

Filialın fəaliyyəti Azərbaycan Respublikasının Konstitusiyasına, Azərbaycan Respublikasının Qanunvericiliyinə, Təhsil qanununa, Baza İnstitutunun Nizamnamə və Əsasnaməsinə əsaslanır.

2000-2001-ci tədris ilində bakalavr pilləsi üzrə 13 nəfər tələbə ilə fəaliyyətə başlayan filialda dislokasiya ərazisinə daxil olan Zaqatala, Balakən və Qax rayon təhsil şöbələri ilə birgə ümumtəhsil məktəblərin pedaqoji kadrları da ixtisasartırma və yenidənhazırlanma kurslarına cəlb olunmağa başlamışdır.

2006–cı ildən filialda pedaqoji fakültə fəaliyyət göstərir. Birinci tədris ilindən "İbtidai təhsilin pedaqogikası və metodikası", 2000-2001-ci tədris ilindən "Məktəbəqədər təhsilin pedaqogikası və metodikası", 2002-2003-cü tədris ilindən "Riyaziyyat-fizika", 2003-2004-cü tədris ilindən "Azərbaycan dili və ədəbiyyat" və "Tarix", 2006-2007-ci tədris ilindən isə "Tarix-coğrafiya" ixtisasları əlavə olaraq ayrılmışdır. Hazırda fakültədə "Məktəbəqədər təhsilin pedaqogikası və metodikası", "İbtidai təhsilin pedaqogikası və metodikası", "Azərbaycan dili və ədəbiyyat", "Riyaziyyat-fizika", "Tarix", "Tarix-coğrafiya" ixtisasları üzrə ilkin müəllim hazırlığı aparılır.

28 noyabr 2006-cı il tarixli 02/68 nömrəli əmr ilə filialda Direktoryanı Şura yaradılmışdır. Hazırda Şuranın tərkibi 13 nəfərdən ibarətdir.

Zaqatala filialında 01 avqust 2003-cü il tarixdən 2 kafedra - "Hümanitar fənlər və onların tədrisi metodikası" və "Təbiət fənləri və onların tədrisi metodikası" kafedraları fəaliyyət göstərir.

AMİ-nin Zaqatala filialında 3 kabinet fəaliyyət göstərir:

  1. "Əlavə təhsil kabineti";
  2. "Müasir təlim metodları və dayaq məntəqələri ilə iş kabineti";
  3. "Kredit sistemi kabineti";

Filialda yenidənhazırlanma və ixtisasartırma təhsilinin təşkili ilə bağlı əlavə təhsil şöbəsi fəaliyyət göstərir. Filialın dislokasiya ərazisinə daxil olan Zaqatala, Balakən və Qax rayonları üzrə ümumtəhsil fənn müəllimlərinin ixtisasartırma təhsilinə cəlb edilməsi və yenidənhazırlanma kurslarının təşkili bu şöbənin əməkdaşlarının işinin əsasını təşkil edir.

Təhsil Nazirliyinin 26.04.2002 tarixli 23 saylı əmrinə əsasən filial və əhatə etdiyi RTŞ-ləri arasında dayaq məntəqələri şəbəkəsi yaradılmışdır.

AMİ-nin Zaqatala filialında 03 mart 2008-ci il tarixdən etibarən Kredit sistemi kabineti fəaliyyət göstərir.

Maddi-texniki bazası[redaktə | əsas redaktə]

Filialın binası 2012-ci ilin mayında baş verən zəlzələdə qəzalı vəziyyətə düşməsindən sonra filial üçün yeni binanın inşa edilməsi nəzərdə tutulmuşdur[3]. Dövlət başçısının tapşırığına uyğun olaraq, 2012-ci ildə filial üçün yeni binanın tikintisinə başlanılmışdır[4]. Fövqəladə Hallar Nazirliyinin sifarişi ilə dövlət büdcəsi vəsaiti hesabına həyata keçirilən tikinti işləri 2015-ci ilin sentyabrında başa çatdırılmışdır[4]. 4 noyabr 2015-ci ildə Prezident İlham Əliyev filialının yeni inşa olunan binasının açılışında iştirak etmişdir[4].

Bina 6.700 m² ərazini əhatə edir[4]. Beşmərtəbəli binanın foyesində ulu öndər Heydər Əliyevin və Prezident İlham Əliyevin təhsil sahəsinin inkişafına göstərdikləri diqqət və qayğını əks etdirən fotolardan ibarət stend yaradılıb[4]. Buradakı linqafon otağı, kompüter mərkəzi tələbələrin ixtiyarındadır. Təhsil ocağının bütün otaqları, auditoriyaları zəruri avadanlıqla təchiz olunub. Tədris prosesində müasir informasiya-kommunikasiya sistemlərindən istifadəyə diqqət yetirilib. Filialın yeni binasında kitabxana, akt zalı və muzey fəaliyyət göstərir, tələbələr tibb və iaşə xidmətlərindən istifadə edirlər.[4]

Azərbaycan Müəllimlər İnstitutunun Zaqatala filialı Azərbaycan Respublikası Prezidentinin 26 noyabr 2015-ci il tarixli, 1582 nömrəli Sərəncamına əsasən Azərbaycan Müəllimlər İnstitutu Azərbaycan Dövlət Pedaqoji Universitetinə qoşulması nəticəsində Azərbaycan Dövlət Pedaqoji Universitetinin Zaqatala filialına çevrilmişdir.[5]

İstinadlar[redaktə | əsas redaktə]

  1. ""Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı"nın təsdiq edilməsi haqqında" Azərbaycan Respublikası Nazirlər Kabinetinin 15 iyul 2011-ci il tarixli, 118 nömrəli Qərarı.  (azərb.)
  2. "Azərbaycan Respublikasında təhsil sisteminin təkmilləşdirilməsi haqqında" Azərbaycan Respublikasının Prezidentinin 13 iyun 2000-ci il tarixli, 349 nömrəli Fərmanı. e-qanun.az  (azərb.)
  3. Müəllimlər İnstitutunun yeni binasında bədbəxt hadisə
  4. 4,0 4,1 4,2 4,3 4,4 4,5 İlham Əliyev Azərbaycan Müəllimlər İnstitutunun Zaqatala filialının yeni inşa olunan binasının açılışında iştirak edib. president.az, 04.11.2015  (azərb.)
  5. "Azərbaycan Müəllimlər İnstitutunun Azərbaycan Dövlət Pedaqoji Universitetinə qoşulması barədə" Azərbaycan Respublikası Prezidentinin 26 noyabr 2015-ci il tarixli, 1582 nömrəli Sərəncamı. e-qanun.az,  (azərb.)

Mənbə[redaktə | əsas redaktə]