İslam Qarayev

İslam Qarayev
İslam Şamil oğlu Qarayev
Doğum tarixi	1940
Doğum yeri	İkinci Şıxlı, Qazax rayonu, Azərbaycan SSR, SSRİ
Vəfat tarixi	2 oktyabr 2015
Vəfat yeri	Bakı
Vətəndaşlığı	SSRİ Azərbaycan
Atası	Şamil Qarayev
Elm sahəsi	İqtisadiyyat
Elmi dərəcəsi	Elmlər doktoru
Elmi adı	Professor
Təhsili	Azərbaycan Dövlət Universiteti

İslam Şamil oğlu Qarayev — Azərbaycan alimi, iqtisad elmləri doktoru, professor, Azərbaycan Dövlət İqtisad İnstitutunun rektoru (1994-2000), Azərbaycan Dövlət Plan Komitəsinin İqtisadiyyat İnstitutunda bölmə və şöbə müdiri (1968-1977), Azərbaycan Xarici Dillər İnstitutunun Siyasi iqtisad kafedrasının müdiri, uzun illər Azərbaycan EA İqtisadiyyat və Azərbaycan Dövlət Plan Komitəsi nəzdində Elmi-Tədqiqat İnstitutunda müxtəlif vəzifələrdə çalışıb.

Həyatı

İslam Qarayev 1940-cı ildə Qazax rayonunun 2 ci Şıxlı kəndində anadan olmuşdur. Azərbaycan Dövlət Universitetinin “İqtisadiyyat” fakültəsini bitirmişdir (1961).

2015-ci ilin oktyabr ayının 2-də Bakı şəhərində vəfat edib.

Elmi fəaliyyəti

Moskva şəhərində SSRİ EA-nın İqtisadiyyat İnstitutunun aspirantı olmuş (1963-1966) və 1966-cı ildə vaxtından əvvəl həmin İnstitutda müdafiə edərək namizədlik dərəcəsi alıb. 1983-cü ildə doktorluq dərəcəsi və 1985-ci ildə professor adı alıb.

Uzun illər Azərbaycan EA İqtisadiyyat və Azərbaycan Dövlət Plan Komitəsi nəzdində Elmi-Tədqiqat İnstitutunda müxtəlif vəzifələrdə çalışıb. 1987-1992-ci illərdə Azərbaycan Dillər İnstitutunun “Siyasi iqtisad” kafedrasının müdiri olub. Azərbaycan Dövlət İqtisad İnstitutunda birinci prorektoru (1992-1994), 1994-cü ilin yanvarından 2000-ci ilin noyabrına qədər həmin institutun rektoru vəzifəsini icra edib.

300 çap vərəqdən yuxarı elmi əsərləri, monoqrafiyaları, dərslikləri, dərs vəsaitləri və elmi məqalələri çapdan çıxıb.

2015-ci ilin oktyabrına kimi Azərbaycan Dövlət İqtisad Universitetinin “Aqrar-sənaye müəssisələrinin iqtisadiyyatı və idarə edilməsi” kafedrasına rəhbərlik edib.

Xarici keçidlər

• İslam Qarayev rəsmi saytı