Səlvər Aslanov

Vikipediya, azad ensiklopediya
Jump to navigation Jump to search
Səlvər Aslanov
Səlvər Rza oğlu Aslanov
Səlvər Aslanov.jpg
Doğum tarixi 11 oktyabr 1930(1930-10-11)
Doğum yeri Bakı, Azərbaycan SSR
Vəfat tarixi 3 avqust 2000(2000-08-03) (69 yaşında)
Vəfat yeri Bakı, Azərbaycan
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Elm sahəsi Tarix
Elmi dərəcəsi Tarix elmləri doktoru
Elmi adı Professor
Təhsili M.Lomonosov adına Moskva Dövlət Universiteti
Üzvlüyü Azərbaycan Respublikası Ali Sovetinin Milli Şurasının üzvü, Azərbaycan Milli Elmlər Akademiyasının müxbir üzvü, Bakı Dövlət Universiteti tarix ixtisası üzrə İxtisaslaşmış Müdafiə Şurasının üzvü, Sovet Sosioloqlar Assosiasiyasının və SSRİ Jurnalistlər İttifaqının üzvü
Mükafatları Y.Məmmədəliyev adına mükafatın laureatı, "Şərəf nişanı" ordeni

Səlvər Rza oğlu Aslanov (11 oktyabr 1930(1930-10-11), Bakı3 avqust 2000(2000-08-03), Bakı) — Azərbaycan Respublikasının əməkdar elm xadimi (20.12.1991), Azərbaycan Respublikası Ali Sovetinin Milli Şurasının üzvü (26.11.1991), 8 nömrəli Nizami seçki dairəsindən deputat, Azərbaycan Dövlət Pedaqoji Universitetinin rektoru, АМЕА-nın üzvü (1989), Azərbaycanlı tarixçi, tarix elmləri doktoru (1965), Professor(1967).[1]

Həyatı[redaktə | əsas redaktə]

Azərbaycan Milli Elmlər Akademiyasının müxbir üzvü Səlvər Rza oğlu Aslanov 1930-cu il oktyabrın 11-də Bakıda anadan olmuşdur. 1954-cü ildə M.Lomonosov adına Moskva Dövlət Universitetinin Tarix fakültəsini bitirmişdir. O, Moskva Dövlət Universitetində dissertasiya müdafiə edərək 1960-cı ildə fəlsəfə doktoru, 1965-ci ildə elmlər doktoru, 1966-cı ildə professor elmi adını almışdır. 1989-cu ildə AMEA-nın müxbir üzvü seçilmişdir. S.Aslanov 2000-ci il 3 avqust tarixində Bakı şəhərində vəfat etmişdir.[2]

Fəaliyyəti[redaktə | əsas redaktə]

S.Aslanov 1955-1956-ci illərdə respublika və ittifaq miqyasında müxtəlif vəzifələrdə çalışmışdır. O, 1966-1973-cü illərdə Azərbaycan Xalq Təsərrüfatı İnstitutunun (hazırda Azərbaycan Dövlət İqtisad Universiteti) rektoru olmuşdur. 1973-1998-ci illərdə isə Azərbaycan Dövlət Pedaqoji İnstitutunun (hazırda Azərbaycan Dövlət Pedaqoji Universiteti) əvvəlcə professoru, kafedra müdiri vəzifələrində çalışmış, daha sonra həmin institutun rektoru vəzifəsinə təyin edilmişdir.[3] S.Aslanov 1998-2000-ci illərdə Azərbaycan Milli Elmlər Akademiyasının Milli Münasibətlər İnstitutunun baş elmi işçisi olmuşdur.

S.Aslanov Sovet dönəmində Azərbaycanda sənayesinin inkişaf problemlərini, milli respublikalarda sənayeləşmənin sosial nəticələrini və bütünlükdə qeyd olunan dövrdə sənayenin inkişaf tarixini geniş və hərtərəfli tədqiq etmişdir. Azərbaycanda sənayenin inkişafına həsr olunmuş coxsaylı və sanballı elmi tədqiqat işləri nəşr olunmuşdur. Onun rəhbərliyi altında onlarla elmlər namizədi və elmlər doktorluğu üzrə dissertasiyalar müdafiə olunmuşdur. S.Aslanov Azərbaycan Dövlət Pedaqoji İnstitutunda tarix ixtisası üzrə İxtisaslaşmış Müdafiə Şurasının sədri, Azərbaycan Dövlət Universitetində (hazırda Bakı Dövlət Universiteti) isə tarix ixtisası üzrə İxtisaslaşmış Müdafiə Şurasının üzvü olmuşdur. S.Aslanov həmçinin, SSRİ Ali və Orta İxtisas Təhsili Nazirliyində Tədris-metodiki şuranın, Sovet Sosioloqlar Assosiasiyasının və SSRİ Jurnalistlər İttifaqının üzvü olmuşdur. S.Aslanov 1963-1967-ci illərdə Azərbaycan SSR Ali Sovetinin və 1991-1995-ci illərdə Azərbaycan Respublikası Milli Məclisinin deputatı olmuşdur.[4]

Əsərləri[redaktə | əsas redaktə]

  • ХХ əsrin siyasi tarixi B., 1991;
  • Азербайджан в составе многонационального государства: успехи и деформации, борьба за суверенитет. Б., 1999.

Mükafatları[redaktə | əsas redaktə]

Y.Məmmədəliyev adına mükafatın laureatı olmuş S.Aslanov "Şərəf nişanı" ordeni, eləcə də bir sıra orden və medallarla təltif olunmuşdur.

İstinadlar[redaktə | əsas redaktə]

  1. "Azərbaycan Respublikası Ali Sovetinin qərarı". 5 Feb 2017 – 27 Oct 2019 tarixində orijinalından arxivləşdirilib. İstifadə tarixi: 2019-11-25.
  2. "Vəfat etmiş müxbir üzvlər". 27 Nov 2019 tarixində orijinalından arxivləşdirilib. İstifadə tarixi: 2019-11-25.
  3. "Azərbaycan Dövlət Pedaqoji Universitetinin rektorları". 27 Nov 2019 tarixində orijinalından arxivləşdirilib. İstifadə tarixi: 2019-11-25.
  4. "Səlvər Aslanov". 27 Nov 2019 tarixində orijinalından arxivləşdirilib. İstifadə tarixi: 2019-11-25.