Böyük Britaniya universitetlərinin siyahısı

Vikipediya, açıq ensiklopediya
Jump to navigation Jump to search

Birləşmiş Krallıqda universitetlərin növləri Birləşmiş Krallıqda universitetlərin əksəriyyəti 6 əsas kateqoriya ilə xarakterizə edilir;

  • Qədim universitetlər
  • London universitetləri
  • Redbrik universitetləri
  • Pleyt Qlas universitetləri
  • Açıq universitetlər
  • Yeni universitetlər
  • Özəl universitetlər (Bukinqem universiteti)

Qədim universitetlər[redaktə | əsas redaktə]

Birləşmiş Krallıqda universitetlər yaranma ardıcıllığına görə;

Qədim universitetlərin meydana gəlməsindən sonra bu ərazidə 18-ci əsrin sonlarına qədər heç bir ali məktəb açılmamışdır.

Oksford Universiteti[redaktə | əsas redaktə]

İngiltərə, Oksfordşirddə yerləşən Oksford Universiteti (və ya sadəcə Oksford) ingilis dilli ölkələr arasında ən qədim universitetdir. O, həmçinin dünyanın bir sıra aparıcı akademik institutlarından biri kimi qiymətləndirilir. Bu universitetin ən özünəməxsus xüsusiyyəti onun tədris metodukollec sistemidir.

Kolleclər tamamilə müstəqildir: hər kollecin özünün müəllim heyəti, idarəçiləri, ərazisi, yaşayış yerləri və ənənələri vardır. Tələbələr Oksford universitetindən daha çox kolleclər üçün müraciət edirlər və bir çox Oksford tələbəsi özlərini böyük istəklə Oksford universitetinin deyil, məhz öz müvafiq kolleclərinin nümyəndəsi kimi təqdim edirlər. Hər kollec tələbələrin elmi inkişafını və şəxsi rifahını yoxladığı halda, Oksford universiteti dərəcə imtahanlarına rəhbərlik edir, dərəcələri təyin edir, mühazirələr təşkil edir, muzeylər, kitabxanalar, laboratoriyalar və mühazirə zallarını təmin edir. Universitet fakültələri qaydalara uyğun şəkildə təlim və tədris məsələlərində və kolleclərdə şərtlərə riayət etməklə şagirdləri müəllim kollektivləri ilə təmin etməkdə məsuliyyət daşıyırlar.

Oksford Universitetinin akademik heyətinin fərqləndirici amili onun tədris etmə sistemidir. Dərs vaxtı, əsasən, müəllim və bir və ya bir neçə şagird arasında keçirilən, saat yarım davam edən görüş şəklində təşkil edilir. Bu görüşlər həftədə bir dəfə, ya da bir həftədən bir olmaqla keçirilir və bu dərs vaxtına həm də müəllim tərəfindən seçilmiş mövzu ətrafında esse yazmaq da daxildir. Müəllim şagirdlərdə seçilmiş esse mövzusu haqda fikir formalaşdırmaq üçün müzakirə keçirir. Dərsin sonunda müəllim növbəti dərs üçün yeni mövzu seçir və eləcə də hər hansı bir mətn tapşırığı da təyin edə bilər. Dərslər keçiriləcək mövzu və müəllimin təcrübə sahəsi nəzərə alınmaqla fərdi şəkildə həyata keçirilir. Bunlar, əsasən, müstəqil fəaliyyət göstərən kolleclərə bənzəyirlər, ancaq Oksford tələbələri müstəqil tədqiqat işi aparmaq və elmi inkişafı davam etdirməklə bağlı məsuliyyət daşıyırlar. Oksford Universiteti həftə ərzində yüzlərlə mövzuda mühazirələr təşkil edir və universitetdə bütün şagirdlər kollecindən asılı olmayaraq bu mühazirələrdə iştirak edə bilərlər. Mühazirələr bəzi təbiət elmləri çıxmaq şərti ilə məcburi deyil, ancaq müəllimlər həmişə onlara dərslərə və tədqiqat işinə əlavələr etməyi məsləhət görürlər.

Kembric Universiteti[redaktə | əsas redaktə]

Kembric Universiteti dünyanın ən qədim universitetlərindən biri və aparıcı elmi mərkəzdir, həmçinin özünüidarə hüququna malikdir. Kembric 31 kollec, 150-dən çox şöbə, məktəb və digər müəssilərdən ibarətdir. Hər bir kollec özünəməxsus olan mülkiyyəti və gəliri ilə müstəqil müəssisədir. Kolleclər öz heyətlərini seçirlər və universitet tələblərinə uyğun şəkildə tələbələri qəbul etməyə cavabdehdirlər. Şagirdləri təlimləndirmə kolleclər və universitetlər arasında bölüşdürülür. Dərəcələr universitet tərəfindən təyin edilir.

London universitetləri[redaktə | əsas redaktə]

London dünyanın ən böyük universitet şəbəkəsi yerləşən bir şəhərdir. Burada 400000-dən çox tələbə təhsil alır. Londonda olan müəssisələrin bir çoxu hal-hazırda müasir universitetlər, eləcə də kiçik lakin yüksək ixtisaslı universitet və kolleclərin formalaşmasında rol oynayan qədim və dünyaca məşhur universitetlərdir. Bundan əlavə, 180-dən çox ölkəni əhatə edən 34000-dən artıq tələbə 1858-ci ildə əsası qoyulan London Xarici Sistem Universitetində təhsilini davam etdirir. Sistem tələbələrə bakalavrmagistr diplomları təqdim edir. Eləcə də onları bütün dünyada tanınan dərəcələrlə təmin edir. ”Təlim kolleci” adlanan London universitetinin təyin edilmiş təsis etmə müəssisəsi tələbələrə öz istədikləri müddət çərçivəsində çalışmağa imkan verən materiallar formalaşdırır. İmtahanlar müəyyən təyin edilmiş vaxtlarda yoxlama mərkəzlərində keçirilir. Londonun mərkəzi London Universitet Kolleci (“University College London” - UCL) adlanır. 180 il öncə İngiltərədə universitetdəki üstünlüklər İngiltərə kilsəsinin üzvü olan şəxslər üçün keçərli idi. UCL bu fərqi aradan qaldırmaq üçün yaradıldı. UCL İngiltərədə Oksford və Kembricdən sonra yaradılan, o müəssisələrin sosial özəllikləri, dini fərqləri və elmi məhdudiyyətlərini təmin edən ilk universitet idi. UCL İngiltərədə dinindən, sinfindən, irqindən asılı olmadan tələbələri qəbul edən və qadınlara kişilərlə bərabər hüquqlar verən ilk universitet idi.Təlim proqramı dini inancların, bilik mənimsənilməsinin və ideyaların inkişafını məhdudlaşdırmadığı formada təşkil edilir. Bu, hüquq, memarlıqtibb kimi ixtisasların sistematik şəkildə tədrisini təmin edən ilk ingilis universitetidir.

Redbrik universitetləri[redaktə | əsas redaktə]

Redbrik (və ya Redbrick) sözü 2-ci Dünya müharibəsindən əvvəl universitet statusu əldə etmiş, “Viktorian” erasında İngiltərənin əsas sənaye şəhərlərində əsası qoyulmuş müasir 6 Britaniya universitetini ifadə edir. Red Brik ifadəsi ilk dəfə bu altı müasir universiteti ehtiva etmək üçün ispan professoru (Edqan Ellison Piers) tərəfindən yaradılmışdır. Onun bu ada istinadının səbəbi Liverpul Universitetində yerləşən Viktoriya binasının “terakotta” dekorativ bəzək elementi ilə bəzədilərək, gözəçarpan qırmızı bərk kərpicdən tikilməsi idi. Bu altı mülki universitet aşağıdakılardır;

  • Birminqem universiteti
  • Bristol universiteti
  • Lidz universiteti
  • Liverpul universiteti
  • Mançestr universiteti
  • Şeffild universiteti

Bu universitetlər şəxsləri din və keçmişindən asılı olmayaraq qəbul edən, əsas məqsədi tələbələrinə həqiqi bacarıqlar aşılamağa yönəldən, əsasən, mühəndisliklə bağlı olan qeyri kolleqial müəssisə olmaqla fərqlənirlər. Redbrik universitetlərini qedim Kembric və Oksford universitetlərindən fərqləndirən bir cəhət də onun ilahiyyat, azad incəsənəti birləşdirməsi və dini öyrənməsidir.

Pleyt Qlas (Plate Glass) universitetləri[redaktə | əsas redaktə]

“Plate Glass” ( və ya Plateglass universiteti) “Robbins Report” erasından ali təhsil müəssisəsi olan, 1960-cı ildə Birləşmiş Krallıqda əsası qoyulan bir neçə universitetə istinad edilərək işlədilir. “Plate Glass” sözü onun əsasən metal və ya betondan hazırlanan şüşə dairə formasında olan dizaynına əsaslanır. Bu, Redbrik və qədim universitetlərlə təzad təşkil edir. 1992-ci ildən etibarən “Yeni universitet” sözü həmin ildən sonra yaradılan universitetlərə aid edilsə də, bu söz daha əvvəllər “Plate Glass” müəssisələrinə aid edilmişdir

“Plate Glass” universitetləri sözü ilk dəfə Mişel Belofun 1968-ci ildə nəşr etdirdiyi kitabında işlədilmişdir. Belof bu sözü Kentenberidə yerləşən Sasseks, York, Cənubi Anqlia, Esseks, Lançester, Kent kimi 1960-cı ildə əsası qoyulan universitetləri adlandırmaq üçün istifadə etmişdir və bu sözdən istifadə etmə səbəbini belə izah etmişdir:

Mən yeni yaradılan universitetlər üçün bir ad tapmalı idim, onlar daimi yeni qalmayacaqdılar. Müxtəlif variantların heç biri tam olaraq düzgün məna ifadə etmirdi. ”Qrinfilds” müvəqqəti istifadə oluna bilərdi, ”whitebrick” (ağ kərpic), ”whitestone” (ağ daş) və “pinktaile” əlbəttə ki Essekin qara qalalarını deyil, binaların bir çoxunda boz və kövrək beton kütləsini xatırladır. ”Nyubric” (yeni körpü) müasirliyə yaxın ola bilərdi, ancaq körpü haradadır? Cənab Edvard Boyl düzgün olaraq “Şekspir” adını təklif edir. Lakin mən onları “Pleyt Qlas universitetləri” adlandırmaq qərarına gəldim. Bu memarlıq nümunəsi kimi yaddaqalandır, lakin ən önəmlisi bunun metafora kimi dogru olmasıdır. Belofun yeni universitetlər haqda çoxu müsbət olmaqla bir sıra fikirləri vardır:

“Plate Glass” ali təhsilin üstünlüyü və ona ehtiyacın olduğu barədə canlandırdığı inanc xüsusilə əhəmiyyətlidir. Pleyt Qlas universitetləri belə bir yanlış fikir oyada bilər ki onlar köhnəpərəst və dəyişilməyən müəssisələrdir. Tədris proqramlarında, imtahanlarda, tədrisetmə üsullarında, adminstrasiyada, qaydalarda onlar yeni təşəbbüslərə imza atmışlar.

“Açıq” (Open) universitet[redaktə | əsas redaktə]

Açıq universitet Birləşmiş Krallığın hökumət tərəfindən dəstəklənən uzaqdan təhsil sisteminə əsaslanan açıq qəbul etməni təmin edən bir müəssisədir, belə ki tələbələrin əvvəlki illərdəki elmi nailliyyətləri nəzərə alınmadan bakalavr pilləsi mərhələsinə qəbul olurlar. Bu universitet 1969-cu ildə yaradıldı və ilk qeydiyyat 1971-ci ildə həyata keçirildi. tələbələrin əksəriyyəti Birləşmiş Krallıqda cəmlənib. Lakin onlar dünyanın istənilən yerinə təhsil almaq üçün göndərilə bilərlər. Adminstrasiya Bukinqemşirdə yerləşən Ualton Hol, Milton Keynesdə olsa da hər 13 regionun regional mərkəzi Birləşmiş Krallıqdadır. Universitet bakalavr və magistr dərəcələri ilə qiymətləndirir və eləcə də diplom və sertifikat, təhsili davam etdirmə ilə bağlı qeyri-dərəceli ixtsaslar da təqdim edir.

25000 xaricdə təhsil alan şəxs ilə birlikdə 180000 siyahıya alınmış tələbəsi olmaqla o, Birləşmiş Krallıqda tələbə sayına görə ən böyük universitetdir və dünyanın ən böyük universiteti kimi qiymətləndirilir. Yaradıldığı vaxtdan etibarən 3 milyondan çox tələbə orada müxtəlif kurslarda təhsil almışdır.

Yeni universitetlər[redaktə | əsas redaktə]

Bu söz vasitəsilə adlandırılan 1992-ci ildə Con Meycer hökuməti tərəfindən universitet statusu verilən keçmiş politexnik mərkəzi institutlar və ya ali təhsil kolleclərini, eləcə də həmin vaxtdan sonra universitet dərəcəsi alan digər kollecləri 1992-ci ildən sonraya aid olan və ya müasir universitetlər kimi də adlandırılmışdır.

Bukinqem Universiteti[redaktə | əsas redaktə]

Bukinqem Universiteti Birləşmiş Krallıqda dərəcə ilə təmin edən yeganə özəl universitetdir. Bu universitetin iki korpusu Bukinqem və “Bukinqemşirdə yerləşir. Yuxarı korpus Hüquq bölməsi olduğu halda digəri, çaykənarı korpus (şəhərin mərkəzində) biznes, humanitar və təbiət elmləri tədrs edir.

Birləşmiş Krallıqda dərəcələrin növləri[redaktə | əsas redaktə]

İstənilən status dərəcəsi təhsil proqramının uğurla tamamlanmasından sonra universitet kimi ali təhsil ocaqları tərəfindən təyin edilir. Dərəcələr “birinci dərcə” (bakalvar pilləsi) və “ikinci dərəcə”(magistr pilləsi) olmaqla iki yerə ayrılır.

Birinci dərəcə[redaktə | əsas redaktə]

Standart Birinci dərəcə incəsənət fənnləri üzrə fərqlənmə ilə təqdim edilən bakalavr dərəcəsi (BA(hons)), mühəndislik sahəsində təqdim edilən (fərqlənmə ilə) dərəcə (Beng) və təbiət elmləri sahəsində təqdim edilən (fərqlənmə ilə) dərəcədir (BSc). Bu təxminən üç illik tam təhsildən sonra təqdim edilir. Fərqlənmə dərəcələri əsasən dörd dərəcədən biri ilə təyin edilir

  • Birinci sinif fərqlənməsi
  • İkinci sinif fərqlənməsi, iki yerə bölünür:
  1. Yuxarı bölmə və ya yuxarı ikinci (2:1)
  2. Aşağı bölmə və ya aşağı ikinci (2:2)
  • Üçüncü sinif fərqlənməsi

Lazım olan şərtləri qarşılamayan tələbələr adi və ya imtahandan keçidi göstərən, fərqlənmə tələb etməyən dərəcə ala bilərlər. Bəzi tələbələr hələ də birinci dərəcə hesab olunan magistr təhsili alırlar. Bu təhsil müddəti dörd il çəkir və əsasən mühəndislik sahəsində mühəndislik fərqlənməsi, fizika sahəsində fizika üzrə, riyaziyyat sahəsində riyaziyyat üzrə fərqlənmə dərəcələri ilə müəyyən olunur. Xüsusilə 4 illik mühəndislik sahəsi üzrə fərqlənmə dərəcəsi 3 illik bakalavr pilləsində fərqlənmə dərəcəsini əvəz edrək Birləşmiş Krallığın Universitetləri arasında standart birinci dərəcəyə çevrilmişdir.

  • Yüksək dərəcə
  • Magistr dərəcəsi

Magistr tədrisi[redaktə | əsas redaktə]

Magistr səviyyəsində təhsil ala bilmək üçün birinci əsas şərt bakalavr səviyyəli təhsilin olmasıdır. Geniş şəkildə desək, magistr dərəcəsi həm magistr dərəcəli təhsil, həm də Magistr dərəcəsinə əsaslanan tədqiqat işi kimi qeyd edilə bilər. Magistratura kurslarında təhsil və tədris üsulları essey, layihə işi, sənaye və biznes işinin təşkili, mühazirə, müəllimlər və müzakirə qrupları formasında ola bilər. Magistr dərəcəsi tədrisinə əsasən layihə və ya bir nəfərin fərdi şəkildə, ya da qrup halında hazırladığı tədqiqat dissertasiyası aiddir. Magistratura dərəcəli tədris adətən iki il davam edir və və çox ixtisaslaşdırılmışdır. İncəsənət və təbiət sahəsi üzrə magistr dərəcəsi bir çox fənnləri əhatə edən əsas dərəcə növləridir.

Humanitar elmlər üzrə magistr (MA)

Humanitar elmlər üzrə magistr səviyyəsinə əsasən incəsənət, humanitar, nəzəriyyə və sosial elmlər daxildir ( baxmayaraq ki, bəzi universitetlər sosial elmlər üzrə magistr dərəcələrini elmi magistr dərəcəsi ilə qiymətləndirir). Humanitar sahədə magistr təhsili bir-iki il davam edən təhsil müddəti tələb edir.

Texniki elmlər üzrə magistr

Bu, tətbiqi elmlər sahəsində qiymətləndirmə ilə təyin olunan elmi dərəcədir ki başa çatdırmaq iki il vaxt alır. Bu sahə üzrə magistr dərəcəsi, əsasən, iş təcrübəsi üçün yüksək keyfiyyətlər əldə etmək və doktorantura təhsili üçün hazırlıq məqsədilə tədris edilir. Tədqiqi magistr kursları əsasən hər hansı bir fənn üzrə tezis formasında olur və bəzi tövsiyyələrdən istifadə edilərək müstəqil iş hesab olunur. Tədqiqat işi ilə magistr dərəcəsi fəlsəfə elmləri üzrə magistr və tədqiqat üzrə magistr formalarında təqdim olunur.

Fəlsəfə elmləri üzrə magistr (Mphil)

Bu mərhələ doktoranturaya hazırlıq mərhələsidir. Tələbələr bəzən doktorluğa davam etmək qərarına fəlsəfə elmləri üzrə magistr təhsili alarkən gəlirlər.

Tədqiqi magistr

Birləşmiş krallıqda bu dərəcə elmi qaydalar çərçivəsində məzun dərəcəsidir. Bu mərhələ tələbələri tədqiqat işi aparmaq sahəsində hazırlayır. Bu təhsil pilləsi fəlsəfə elmləri üzrə magistr təhsilindən daha təkmilləşmiş və inkişaf etmişdir, lakin bu tədqiqi magistr dərəcəsindən bir sıra əlavə məsləhətlərlə yanaşı böyük dissertasiya ilində xüsusi diqqət yetirilməsi ilə fərqlənir.

Doktorantura[redaktə | əsas redaktə]

Doktorluq ən yüksək elmi dərəcədir. Onun üç növü vardır;

  • Tədqiqi doktorantura
  • Tətbiqi doktorantura
  • Fəxri doktorontura

Tədqiqi doktorları nəşr etmə standartlarına cavab verən elmi araşdırmanın nəticəsinə uyğun olaraq qiymətləndirirlər. Tədqiqi doktorluğunun ən geniş yayılmış növü fəlsəfə elmləri namizədidir.

Fəlsəfə doktoru[redaktə | əsas redaktə]

Fəlsəfə doktoru yüksək elmi dərəcədir, təbiət və humanitar elm sahələrində geniş qayda qanunlara əsaslanır. Fəlsəfə doktoru adətən tədqiqat işi və ya universitet təhsilində kariera qurmaq üçün tələb olunur. Bu təhsil pilləsinə keçid üçün magistr təhsili şərtdir. Təcrübəçinin doktorluğa namizədliyi ümumi olraq magistr dərəcəsi və müvafiq sahədə bakalavr təhsili sonrası təcrübə tələb edir. Bu professorlar, müəllimlər, biznes idarəçiləri, sivil vətəndaşlar kimi nəzəriyyə tətbiqində maraqlı olan mütəxəssislər üçün nəzərdə tutulan doktoranturadır.

Fəxri doktorantura dərəcəsi ilə həm elmi işdə, həm də universitet və cəmiyyətə digər töhfələrinə görə qiymətləndirilməyə layiq olan şəxslər təltif olunur.

Birləşmiş Krallıqda ali təhsil metodları[redaktə | əsas redaktə]

Bir çox yeni qəbul olmuş tələbələr yazmaq, oxumaq, və öyrənmək kimi bacarıqlarını nümayiş etdirmək məsələsində narahat olurlar. Buna görə də onların ali təhsil mühitinə alışmaq və özlərinəməxsus öyrənmə üsullarını aşkarlamaq üçün güclü dəstəyə və ruhlanmağa ehtiyacları olur.

Ənənəvi olaraq, Birləşmiş Krallıqda ali təhsil mühazirələr vasitəsilə keçirilir. Mühazirələr əksər universitet kurslarında keçirilir və sonuncu dərs vaxtında ya da iki saatlıq bir vaxta müəyyən edilir. Mühazirələr təyin edilmiş qaydalara əsasən iştirak edən tələbələrin sayına müvafiq olaraq təyin edilir, bəzi məktəblərdə 400-500 şagird olduğu halda bir sıra fənlərdə tələbələrin sayı 100-150 nəfər olur. Mühazirələrin keçirilməsində əsas məqsəd əsas maraq, məlumat və görüşləri şagirdlərin maraq və anlama tərzini inkişaf etdirmək üçün ümumiləşdirməkdir. Bir çox mühazirəçilər mühazirələrə tələbələri fənlərin ümumi icmalını öyrədən yer və onların düşüncə və özəl təhsillərinin formalaşdığı çərçivə kimi yanaşırlar. Mühazirəçilər şagirdlərinin səviyyə və bacarıqlarına uyğun olan materiallar seçirlər. Daha sonra onlar bu materialı izah etmək üçün səsli və görüntülü vasitələrdən istifadə edirlər.

Mühazirəçinin üsulu asan ancaq peşəkar, maraqlı ancaq yaxşı təşkil edilmiş, əmin və izaholuna bilən şəkildə olmalıdır. Göz kontaktı qurmaq, şagirdin səssizliyini təmin etmək və köçürmə halına yol verməmək vacib şərtlərdən hesab olunur. Son illərdə mühazirələr interaktiv xarakter daşıyır: mühazirəçilər şagirdlərdən daha aktiv olmağı gözləyir və beləliklə də beyin fırtınasının həyata keçirilməsi lazım olan müzakirələr təşkil edir. Şagirdlərə sual vermək hüququ verilir.

Təlim sessiyası (seminar)[redaktə | əsas redaktə]

Təlim sessiyalarını müəyyən edən xüsusiyyət budur ki, ona şagird iştirakı və fəaliyyəti də daxil edilir - o, “tələbələrin edə biləcəyi işlər” çərçivəsində mövcuddur. Öyrənmə məşğələləri kiçik qruplarda ardıcıl olaraq keçirilir və müzakirə, debatlardan ibarət olur. Fərqli öyrənmə tapşırıqları əsasən genişləndirməklə davam edilir və plenar müzakirələr müəllim və ya vasitəçi tərəfindən aparılır.

İş yerlərinin məqsədi bacarıqları inkişaf etdirmək, mövqeyi genişləndirmək, bilik aşılamaq və təcrübə, düşüncələri paylaşmaqdan ibarətdir. Bu tələbələrin qarışıq bacarıq və təcrübələrindən yararlanaraq öyrənmə və öyrətmə üsuludur və tələbələrə bir birindən öyrənmə, fikir və düşüncələrini bölüşmə imkanı verməyi əsas məqsəd seçir.

Bununla əlaqədar seminarlar bütün səhər hətta gün boyu dava edən, təxminən 15-30 tələbənin cəlb olunduğu kiçik dərs sessiyalarına qədər genişlənir. Onlar müəyyən təyin edilmiş vaxtda həyata keçirilən müxtəlif öyrənmə üsullarından və şagirdlərə dünyagörüşü əldə etməyə yardımçı olan şəkildə təşkil edilən formadan ibarətdir. Əsas diqqət özünə inamın inkişafı və tələbələr’ nəyəsə başlamağa cəsərət aşılamaq kimi az inkişaf etmiş tərəddüdlü cəhətlərə yönəlmişdir. Bu, bacarıqlı tələbələrə müxtəlif sahələrdə və özlərini tapdıqları işlərdə fəaliyyət göstərməkdə kömək olur. Atelyelər komanda işini inkişaf etdirmək və yaradıcılığı düşünmə qabiliyyətini ümumiləşdirən, problemi həll üsulları, kiçik tədqiqat tapşırıqları və prezentasiyaların daxil ola biləcəyi ümumi öyrənmə üsulları üçün istifadə edilir.

Seminarlar bir çox fənlər üzrə keçirilsə də əsas üstünlük incəsənət və sosial elmlərə verilir. Onların davam etmə müddəti bir saat və ya daha uzun ola bilər. Şagird sayı seminarlarda az nəzərdə tutulur (seminarlarda əsasən 15-25 nəfər, dərslərdə daha çox ola bilər) və ya daha böyük kollektivlər hər birində təxminən beş tələbənin çalışdığı kiçik qruplara ayrılır. Bu mərhələdə müəllimlərin üzərinə düşən çətin vəzifə odur ki, onlar şagirdlər üçün bərabərliyi və müəyyən dərəcədə ardıcıllığı qorumalıdırlar. Bəzi hallarda müəllimlər əsas kurs lideri tərəfindən yazı materialları, suallar və tapşırıqlarla təmin edilirlər ki, bu da hər müəllimin seminarı eyni şəkildə aparması üçün nəzərdə tutulur.

Birləşmiş Krallıqda seminarın ümumi forması tələbə və ya tələbələrdən təyin edilmiş mövzuda seminar hazırlamaq və aparmaq tələb olunan, “tələbə rəhbərliyi ilə keçirilən” seminardır. Növbə ilə tələbələr seminar aparıcısı kimi çıxış edirlər və öz sinif yoldaşları arasında müzakirəyə başlamazdan öncə mövzunun əsas məzmununu izah etmək məsuliyyəti daşıyırlar. Bu tələbələrin kifayət qədər çox dəstəyə və izaha ehtiyacı olduğundan çox əlverişlidir. Bəzi müəllimlər iki mövqedən çıxış edir və bir cüt tələbəyə keçirilən seminara rəhbərlik etmək məsuliyyəti verir. Bu cür hallarda tələbələrdən biri seminar aparıcısı olduğu halda, digəri “vasitəçi və müzakirəçi” kimi çıxış edir.

Xarici keçidlər[redaktə | əsas redaktə]