Cəlal Qaryağdı

Cəlal Qaryağdı
Cəlal Məhərrəm oğlu Qaryağdı
Doğum tarixi	15 iyul 1915(1915-07-15)
Doğum yeri	Şuşa, İrəvan quberniyası,  Rusiya İmperiyası
Vəfat tarixi	1 dekabr 2001 (86 yaşında)
Vəfat yeri	Bakı, Azərbaycan
Vətəndaşlığı	Rusiya İmperiyası→ SSRİ→ Azərbaycan
Fəaliyyəti	rəssam və heykəltəraş
Təhsili	Tiflis Rəssamlıq Akademiyası
Üslub	Portret
Tanınmış işləri	Mirzə Ələkbər Sabirin heykəli
Mükafatları

Cəlal Məhərrəm oğlu Qaryağdı (15 iyul 1915, Şuşa – 1 dekabr 2001, Bakı) — azərbaycanlı heykəltəraş, Azərbaycan SSR-nin xalq rəssamı (1960).

Həyatı

Cəlal Qaryağdı 1915-ci ildə Şuşa şəhərində anadan olmuşdur. Azərbaycan Rəssamlıq Texnikumunda (1928-1932) və Tbilisi Rəssamlıq Akademiyasında (1932-1935) oxumuşdur. Böyük Vətən müharibəsi illərində cəbhə qəzetlərində siyasi karikaturalarla çıxış etmiş, müharibədən sonra insanların bədii obrazları üzərində işləmişdir. Heykəltəraşlığın müxtəlif janrlarında əsərləri var. Monumental-dekorativ heykəltəraşlıq onun yaradıcılığında əsas yer tutur. Əsərləri üçün obrazların yığcamlığı və milli kolorit səciyyəvidir.

1954-cü ildə "Azərbaycanın Əməkdar incəsənət xadimi", 1960-cı ildə "Xalq rəssamı" fəxri adlarına layiq görülmüşdür. Cəlal Qaryağdı Qırmızı Əmək Bayrağı və "Şərəf nişanı" ordenləri ilə, həmçinin medallarla təltif edilmişdir.

Əsərləri

• M. Əzizbəyov, P. A. Çaparidze və İ.T.Fioletovun büstləri 1937)
• Moskvada Ümumittifaq kənd təsərrüfatı sərgisinin Azərbaycan pavilyonu üçün kənd təsərrüfatı mövzusunda yaratdığı barelyeflər (1939)
• Samur-Dəvəçi kanalının kənarında qoyulmuş "Kolxozçu" fiquru (1939)
• Bakıda Nizami muzeyinin qərb fasadının lojasında M. P. Vaqifin heykəli (1939-1940)
• Sovet İttifaqı Qəhrəmanları A. Quliyevin büstü (1945) və İ. Məmmədovun barelyefi (1944)
• Nizaminin "Xosrov və Şirin" poemasının motivləri əsasında "Fərhad Bisütun dağını yararkən" barelyefi (1947)
• Sovet İttifaqı Qəhrəmanları H. Aslanov (1948-1949; ikinçi variantı 1961) büstportreti
• Ö. Qəniyeva (1948) büstportreti
• X. B. Natəvan (1949) və başqalarının büstportretləri
• Bakıda N. Nərimanovun heykəli (tunç, qranit, 1966-1968; 1972-ci ildə açılışı olmuşdur)
• M. Ə. Sabirin heykəli (tunç, qranit, 1958)
• M. Ə. Sabirin (1962), Q. Qarayevin (1963), F. Əmirovun (1964) büstləri
• S. Vurğunun qəbirüstü abidəsi (1966), heykəli (1966, Qazax)
• Akademik Y. H. Məmmədəliyevin abidəsi (1977, Ordubad)
• "Tarzən", "Kamançaçı","Xanəndə" (hamısı 1967) fiqurları və s.