Cahangir Novruzov

Vikipediya, azad ensiklopediya
Jump to navigation Jump to search
Cahangir Novruzov
Cahangir Novruzov.jpg
Doğum tarixi (66 yaş)
Doğum yeri Bakı
Atası Mütəllib Novruzov
Anası Nəsibə Zeynalova
Vətəndaşlığı
Peşəsi Aktyor
Təhsili
Fəaliyyət illəri 1976-cı ildən
Mükafatları "Azərbaycan Respublikasının xalq artisti" fəxri adı — 2018 "Azərbaycan Respublikasının əməkdar incəsənət xadimi" fəxri adı — 2011
IMDb ID 3081782

Cahangir Mütəllib oğlu Novruzov (d. 31 iyul 1954) — Azərbaycan teatr və kino aktyoru, teatr rejissoru, Azərbaycan Respublikasının xalq artisti (2018), Adana Çukurova Universiteti Dövlət Konservatoriyasının professoru.

Həyatı[redaktə | əsas redaktə]

Novruzov Cahangir Mütəllib oğlu 1954-cü il iyul ayının 31-də Bakı şəhərində doğulub. Atası Novruzov Mütəllib Nəsrulla oğlu 1927-ci ildə doğulmuş və uzun illər Asəf Zeynallı adına Bakı musiqi məktəbində muğam üzrə dərs demişdir.

Cahangir Novruzov 1971-ci ildə orta məktəbi bitirir. Sonra Mirzəağa Əliyev adına incəsənət institutunun rejissorluq fakultəsinə daxil olub və SSRİ xalq artisti Mehdi Məmmədovun rəhbərlik etdiyi sinifdə təhsil alaraq 1976-cı ildə həmin institutu bitirib. Diplom işini Musiqili Komediya teatrının səhnəsində Georgi Xuqayevin "Sevgilimin anası" operettasını hazırlayaraq müdafiə edib.[1] Eyni ildə təyinat alaraq həmin teatrda çalışmağa başlayıb. 1976-1977-ci illərdə əsgəri xidmətdə olub və xidməti bitirdikdən sonra yenə də Musiqili Komediya teatrına dönüb. 1979-cu ildə Sabit Rəhman adına Şəki Dövlət Dram Teatrına quruluşçu rejissor vəzifəsinə təyin edilib. Bu teatrın səhnəsində həm də aktyor kimi bir çox rollar oynamışdır. 1981-ci ildə isə SSRİ Mədəniyyət Nazirliyinin Mədəniyyət adamlarını təkmilləşdirmə İnstitutunun rəhbər işçilər fakultəsinə qəbul olunub və eyni zamanda da Moskva Malaya Bronnaya teatrında RSFSR-in xalq artisti professor A. Efrosun rəhbərliyi altında staj keçməyə başlayıb. İki il ərzində bir çox əsərlərin quruluşlarında A. Efrosa assistentlik edib. 1983-cü ildə Moskvadakı təhsilini bitirərək Şəki teatrına dönüb. 1984-cü ildə SSRİ xalq artisti professor G. Tovstonoqovun yaradıcı laboratoriyasına qəbul olunub və hər il iki dəfə olmaq üzrə Sankt-Peterburqda 1988-ci ilə qədər çalışmalarda iştirak edib. 1985-ci ildə Şəki teatrına baş rejissor vəzifəsinə təyin olunub. Orada çalışdığı illər ərzində teatrı Kazan, Daşkənd, Səmərqənd, MoskvaPraqa şəhərlərinə qastrol səfərlərinə götürüb. 1986-cı ildə Çexoslovakiyada keçirilən "Çeşskaya Buduyovutsa" gənc teatrlar festivalında jüri heyətinin üzvü kimi iştirak edib. 1987-ci ildə Azərbaycan Mədəniyyət Nazirliyinin təşkil etdiyi Mirzə Fətəli Axundovun 175 illik yubileyinə həsr olunmuş teatr festivalında hazırladığı "Müsyö Jordan və Dərviş Məstəli Şah" əsəriylə birincilik mükafatını qazanıb. 1988-ci ildə Parisdə keçirilən "Bovinyi" teatr festivalında fəxri jüri heyətinin üzvü kimi iştirak edib. 1989-cu ildə Mədəniyyət nazirliyi tərəfindən Musiqili Komediya teatrına baş rejissor vəzifəsinə təyin olunub. 1990-cı ildə teatrın əsaslı təmir və yeni inşaata başlaması səbəbiylə Gənc Tamaşaçılar Teatrının rus bölməsinə baş rejissor olaraq təyin olunub. 1991-ci ildə Azərbaycan Teatr Xadimləri İttifaqının təşkil etdiyi I Mono tamaşalar festivalında Şekspirin "Hamlet" əsərinin motivləri əsasında hazırlanmış "Olum ya Ölüm" tamaşası ilə birincilik mükafatı qazanıb. 1995-ci ildə Türkiyə Cumhuriyyətinə Universitetdə dərs demək üçün dəvət olunub. Hal hazırda Türkiyənin Adana şəhərində Çuxurova Universitetinin Dövlət Konservatoriyasının teatr bölməsində çalışır.

Mükafatları[redaktə | əsas redaktə]

  • 2011-ci il iyulun 4-də Azərbaycan Respublikası prezidentinin sərəncamı ilə mədəniyyət və incəsənət sahəsindəki Fәaliyyәtlәrinә görə "Əməkdar incəsənət xadimi" fəxri adına layiq görülüb[2].
  • 2014-cü ilin aprelində "TÜRKSOY-un 20 illiyi" yubiley medalına layiq görülüb.[3].
  • 23 dekabr 2015-ci ildə TÜRKSOY-un "Haldun Taner" mükafatına layiq görülmüşdür.[4]
  • Oljas Janaydarmovun "Dans Plus" əsərinin səhnələşdirdiyinə görə 2 dekabr 2016-cı ildə Qazaxıstanın Mədəniyyət və İdman Nazirliyinin "Qazaxıstanın Fəxri Mədəniyyət Xadimi" medalı ilə təltif olunub.[5]
  • 27 may 2018-ci ildə Azərbaycanın xalq artisti fəxri adına layiq görülmüşdür.[6]

Ailəsi[redaktə | əsas redaktə]

Filmoqrafiya[redaktə | əsas redaktə]

  1. Bizim Cəbiş müəllim (film, 1969) - Aktyor: Rəsulov (tammetrajlı bədii film)
  2. Aktrisanın təbəssümü (film, 1974) - İştirak: Özü (tammetrajlı bədii-sənədli film)
  3. Qəribə adamlar (film, 1978) - Aktyor: Çilingər (qısametrajlı bədii süjet-Mozalan № 44, 1-ci süjet)
  4. Qorxma, mən səninləyəm (film, 1981)-Aktyor: Mərdan (Tammetrajlı Bədii Film)
  5. Dad (film, 1984)-Aktyor: Milis işçisi (Qısametrajlı Bədii Süjet-Mozalan № 89, 2-ci süjet)
  6. Gedərgəlməz (film, 1984)-Aktyor: Cəllad (Qısametrajlı Bədii Süjet-Mozalan № 86, 1-ci süjet)
  7. Qoca palıdın nağılı (film, 1984)-Aktyor: Namaz (Tammetrajlı Bədii Film)
  8. Ordan-burdan (film, 1987)-Aktyor: Salman bəy (Tammetrajlı Televiziya Film-Tamaşası)
  9. Yaşıl eynəkli adam (film, 1987)-Aktyor: Cahangir (Tammetrajlı Televiziya Film-Tamaşası)
  10. Bəxt üzüyü (film, 1991)-Aktyor: Milis rəisi (Tammetrajlı Bədii Film)
  11. Ac həriflər (film, 1993)(tammetrajlı film-tamaşa)(Aztv)- aktyor: dərviş, çarşaflı qadın, qorodovoy
  12. Bala-başa bəla! (film, 1995)-Aktyor: İzzət Nəfisli (Tammetrajlı Televiziya Film-Tamaşası)
  13. Həm ziyarət, həm ticarət... (film, 1995)-Aktyor: Sabir (Tammetrajlı Bədii Film)
  14. Sarı gəlin (film, 1998)-Aktyor: Artavas (Tammetrajlı Bədii Film)
  15. Yaşıl eynəkli adam-2 (film, 1999)-Aktyor: Cahangir (Tammetrajlı Bədii Televiziya Filmi)
  16. Yaşıl eynəkli adam-3 (film, 2002)-Aktyor: Cahangir (Tammetrajlı Bədii Televiziya Filmi)
  17. Dəvətnamə (film, 2003)-Aktyor: Əzizağa (Tammetrajlı Bədii Televiziya Filmi)
  18. Güllələnmə təxirə salınır!... (film, 2002)-Aktyor: "Gəncəli Adış" (Tammetrajlı Bədii Film)
  19. Bəylik dərsi (film, 2007) (Tammetrajlı Televiziya Tamaşası)
  20. Ölüm növbəsi (film, 2009)-aktyor: "Zeynal" (tammetrajlı bədii film)

İstinadlar[redaktə | əsas redaktə]

  1. Mədəniyyət TV (10.10.2013). "Cahangir Novruzov "Sərbəst söhbət" proqramında İlham Rəhimlinin qonağı kimi" (azərb.). Youtube.com. İstifadə tarixi: 2016-05-02.
  2. "Azərbaycan dövləti tərəfindən təltif edilən diaspor nümayəndələri" (azərb.). olaylar.az. 18.03.2013 17:53. İstifadə tarixi: 2014-04-01.
  3. Ləman Mustafaqızı (16.04.2014 12:48). "Cahangir Novruzov medalla təltif olunub" (azərb.). lent.az. İstifadə tarixi: 2014-04-16.
  4. Teatr xadimlərinə “Haldun Taner” mükafatı verildi
  5. Ülviyyə Həsənqızı (25.05.2017). "Azərbaycanın görkəmli teatr xadimi TÜRKSOY- un növbəti mükafatını qazanıb" (azərb.). Primetime.az. 2017-05-27 tarixində orijinalından arxivləşdirilib. İstifadə tarixi: 2017-05-25.
  6. President.Az (27.05.2018). "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2018-05-27.

Mənbə[redaktə | əsas redaktə]

  • Novruzov, C. Bakı xanı Hüseynqulu xanın nəvələrindənik: Cahangir Novruzov: “İnşallah, Yaşar sağalsın, onunla bir tamaşada oynayacağıq”...: [Türkiyədə yaşayan həmyerlimiz, aktyor Cahangir Novruzov ilə söhbət] Ekspress.- 2011.- 26 yanvar.- S. 10.