Ceyhun Əhmədxanov

Vikipediya, azad ensiklopediya
Jump to navigation Jump to search
Ceyhun Əhmədxanov
Ceyhun Əhmədxanov.jpg
Şəxsi məlumatlar
Doğum tarixi
Doğum yeri Lökbatan, Qaradağ rayonu, Bakı, Azərbaycan SSR
Vəfat tarixi (33 yaşında)
Vəfat yeri Xızı rayonu, Azərbaycan
Vəfat səbəbi aviasiya qəzası[d]
Dəfn yeri II Şəhidlər Xiyabanı
Vətəndaşlığı Azərbaycan Azərbaycan
Atası Xanlar Əhmədxanov
Anası Rəqiybə Seyidova
Təhsili
Hərbi fəaliyyəti
Mənsubiyyəti Azərbaycan Azərbaycan Silahlı Qüvvələri
Qoşun növü Azerbaijan Border Guards seal.svg Sərhəd Qoşunları
Xidmət illəri 2020
Rütbə
Azərbaycan Silahlı Qüvvələrinin Quru Qoşunlarının kapitanı.png Kapitan
Vəzifəsi həkim
Döyüşlər Vətən müharibəsi
Təltifləri "Hərbi xidmətdə fərqlənməyə görə" 3-cü dərəcəli medalı

Ceyhun Xanlar oğlu Əhmədxanov (18 oktyabr 1988; Lökbatan, Qaradağ rayonu, Bakı, Azərbaycan30 noyabr 2021; Xızı rayonu, Azərbaycan) — Azərbaycan Silahlı Qüvvələrinin Sərhəd Qoşunlarının tibb xidməti kapitanı, Vətən müharibəsinin iştirakçısı. 30 noyabr 2021-ci ildə Azərbaycan Respublikası Dövlət Sərhəd Xidmətinin hərbi helikopteri Xızı rayonu ərazisində yerləşən "Qaraheybət" aviasiya poliqonunda təlim uçuşları yerinə yetirərkən qəzaya uğraması nəticəsində şəhid olmuşdur.

Həyatı[redaktə | mənbəni redaktə et]

Ceyhun Əhmədxanov 18 oktyabr 1988-ci ildə Qaradağ rayonunun Lökbatan qəsəbəsində anadan olmuşdur.[1] Əslən Şəki rayonunun Qumux kəndindəndir. Bakı şəhər 288 saylı orta məktəbini və Azərbaycan Tibb Universitetinin müalicə-profilaktika fakültəsini bitirmişdir. 2021-ci ildə isə Azərbaycan Respublikasının Prezidenti yanında Dövlət İdarəçilik Akademiyasında dövlət və bələdiyyə idarəetməsi ixtisası üzrə (bakalavr pilləsi) ikinci ali təhsilini başa vurmuşdur. Subay idi.

Hərbi xidməti[redaktə | mənbəni redaktə et]

Ceyhun Əhmədxanov Azərbaycan Silahlı Qüvvələrinin sıralarında müddətli həqiqi hərbi xidmət qulluqçusu olduqdan sonra tibb xidməti leytenantı kimi Azərbaycanın Fövqəladə Hallar Nazirliyində vəzifəsinə başlamışdır. Bir neçə il bu vəzifədə işlədikdən sonra xidmətini Dövlət Sərhəd Xidmətinin Sərhəd Qoşunlarında davam etdirmişdir.

Azərbaycan Ordusunun tibb xidməti kapitanı olan Ceyhun Əhmədxanov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak etmişdir. Yaralılara tibbi yardım göstərmiş və onları müalicə etmişdir. Müharibə bitdikdən sonra "kapitan" rütbəsi ilə xidmətini davam etdirmişdir.

30 noyabr 2021-ci ildə Azərbaycan Respublikası Dövlət Sərhəd Xidmətinin (DSX) hərbi helikopteri Xızı rayonu ərazisində yerləşən "Qaraheybət" aviasiya poliqonunda təlim uçuşları yerinə yetirərkən qəzaya uğramışdır.[2] İlkin məlumatlara görə, helikopterin qəzaya uğraması nəticəsində 14 nəfər həlak olmuş, 2 nəfər isə yaralanmışdır.[3][4] Ceyhun Əhmədxanov hadisə zamanı şəhid olmuşdur. Onun və şəhid olan 13 zabitlə ertəsi gün Sərhədçi İdman Olimpiya Mərkəzində vida mərasimi keçirilmiş,[5][6] Ceyhun Əhmədxanov və onunla birgə 10 zabit II Şəhidlər Xiyabanında dəfn olunmuşdur.[7]

Hadisələrdən sonra xüsusilə, Ceyhun Əhmədxanovun qəzadan 13 dəqiqə əvvəl etdiyi paylaşım sosial şəbəkələrdə və KİV-də gündəm oldu.[8]

Təltifləri[redaktə | mənbəni redaktə et]

İstinadlar[redaktə | mənbəni redaktə et]

  1. Ceyhun Əhmədxanov. Şəki Ensikopediyası (shaki.info) 05.12.2021.
  2. "Military helicopter crash in Azerbaijan kills 14, wounds 2". Associated Press (ingilis). 30 noyabr 2021. İstifadə tarixi: 30 noyabr 2021 – The Times of Israel vasitəsilə.
  3. "Military helicopter crash in Azerbaijan kills 14". Washington Post (ingilis). 30 noyabr 2021. İstifadə tarixi: 1 dekabr 2021.[ölü keçid]
  4. "Azerbaijan says 14 dead in military helicopter crash". Hürriyet Daily News (ingilis). 30 noyabr 2021. İstifadə tarixi: 30 noyabr 2021.
  5. Kazımoğlu, Mirmahmud. "Helikopter qəzasında həlak olan hərbi qulluqçularla vida mərasimi keçirilir". Report İnformasiya Agentliyi (az.). 1 dekabr 2021. İstifadə tarixi: 1 dekabr 2021.
  6. Qərib, Səid. "Bu gün helikopter qəzasında həlak olan hərbi qulluqçularla vida mərasimi keçiriləcək". Report İnformasiya Agentliyi (az.). 1 dekabr 2021. İstifadə tarixi: 1 dekabr 2021.
  7. Qərib, Səid. ""Qaraheybət" şəhidləri II Şəhidlər xiyabanında dəfn olunub". Report İnformasiya Agentliyi (az.). 1 dekabr 2021. İstifadə tarixi: 1 dekabr 2021.
  8. Hadisədən 13 dəqiqə öncə foto paylaşan igidimiz - Ceyhun Əhmədxanovun fotoları. 7news.az. 30.11.2021