Emin Sadıxov

Vikipediya, açıq ensiklopediya
Jump to navigation Jump to search
Picto infobox character.png
Emin Sadıxov
Fotoqrafiya

Doğum tarixi 1905(1905-Şablondakı doğum və ya ölüm tarixində texniki yanlışlıq var!-00)
Doğum yeri Bakı
Vəfat tarixi 1975(1975-Şablondakı doğum və ya ölüm tarixində texniki yanlışlıq var!-00)
Vəfat yeri Bakı

Emin Sadıxov (Əmin Sadiq) – jurnalist, tərcüməçi, “Gənc qızıl qələmlər” ədəbi cəmiyyətinin fəal qurucularından biri.

Həyatı[redaktə | əsas redaktə]

Emin Sadıx oğlu Sadıxov 1905-ci ildə Bakı şəhərində anadan olmuşdur. 1936-cı ildə Azərbaycan dilində çap edilən “Kommunist” qəzetinin müxtəlif şöbələrində şöbə müdiri, 1939-cu ildə Azərbaycan Radio Komitəsində baş redaktor vəzifələrində çalışmışdır. Emin Sadıxov 1941-ci ildə Azərbaycan Kommunist Partiyasının mərkəzi komitəsində Təbliğat və təşviqat şöbəsində işləmişdir. 1942-ci ildə Qızıl Ordu sıralarına daxil olaraq, 1945-ci ilin avqust ayına qədər “Vətən uğrunda” diviziya qəzetinin baş redaktoru vəzifəsində (baş leytenant rütbəsində) çalışmış, Qafqaz uğrunda döyüşlərdə fəal iştirak etmişdir.

Emin Sadıxov Böyük Vətən Müharibəsində “Almaniya üzərində qələbə uğrunda” medalı ilə təltif edilmişdir.

Emin Sadıxov müharibədən sonra 1945-1946 illərdə Azərbaycan Kommunist Partiyasının orqanı olan “Təbliğatçı” jurnalında məsul katib və redaktor müavini vəzifələrində çalışmışdır. O, 1948-ci ildə Bakı şəhər (komitəsində) sovetində mədəni-maarif şöbəsinin müdiri vəzifəsində işləmişdir. Emin Sadıxov 1950-1951 illərdə “Kommunist” qəzetinin Xarici xəbərlər şöbəsinin müdiri vəzifəsinə təyin edilmiş, 1952-ci ildə Azərbaycan Teleqraf Agentliyində Tərcümələr şöbəsinə redaktor vəzifəsinə keçirilmişdir. 1957-1959 illərdə yenidən “Kommunist” qəzetinin Xarici xəbərlər şöbəsinin müdiri vəzifəsində işləmişdir.

Emin Sadıxov 1975-ci ildə Bakı şəhərində vəfat etmişdir.

Fəaliyyəti[redaktə | əsas redaktə]

Emin Sadıxov ixtisasca jurnalist olsa da, tərcüməçi kimi də fəaliyyət göstərmişdir. Siyasi və elmi ədəbiyyatın tərcüməsi ilə yanaşı, bədii-poetik tərcümələrlə də məşğul olmuşdur. O, 1930-cu ildə nəşr edilmiş “Əməlim və yolum” şeirlər kitabının müəllifidir.

Emin Sadıxov “Gənc qızıl qələmlər” ədəbi cəmiyyətinin fəal qurucularından biri, bu cəmiyyətin fəaliyyəti dövründə onun üzvü olmuşdur.

Görkəmli Qazax şairi Cambulun “Batır ötəgən” poemasını Azərbaycan dilinə tərcümə etmiş, Aleksandr PuşkinMixail Lermontovdan poetik tərcümələrin müəllifidir.