Fərid Qayıbov

Vikipediya, açıq ensiklopediya
Jump to navigation Jump to search
Fərid Qayıbov
azərb. Fərid Fazil oğlu Qayıbov
Farid Gayibov UEG President.jpg
Fərid Qayıbov
bayraqAvropa Gimnastika İttifaqının (UEG) prezidentibayraq
2 dekabr 2017 — indi

Təhsili Azərbaycan Xalq Təsərrüfatı İnstitutu
Doğum tarixi 24 aprel 1979 (1979-04-24) (40 yaş)
Doğum yeri Bakı, Azərbaycan SSR, SSRİ
Atası Fazil Qayıbov
Uşaqları iki oğlu, bir qızı
Commons-logo.svg Vikianbarda əlaqəli mediafayllar

Fərid Qayıbov (Fərid Fazil oğlu Qayıbov; d. 24 aprel, 1979, Bakı, Azərbaycan SSR, SSRİ) — Avropa Gimnastika İttifaqının (ing. UEG) prezidenti (2017), Azərbaycan Gimnastika Federasiyasının (AGF) Baş Katibi.[1]

Həyatı[redaktə | əsas redaktə]

Fərid Qayıbov 24 aprel 1979-cu ildə Bakı şəhərində anadan olmuşdur.

Ailəsi[redaktə | əsas redaktə]

Evlidir, iki oğlu, bir qızı var.

Təhsili[redaktə | əsas redaktə]

Fərid Qayıbov 1995-сi ildə Bakı şəhəri 1 saylı orta ümumtəhsil məktəbini bitirmişdir. Həmin il Azərbaycan Respublikası Nazirlər Kabineti nəzdində Azərbaycan Xalq Təsərrüfatını İdarəetmə İnstitutunun Biznesin təşkili və idarə edilməsi fakültəsinə qəbul olmuşdur.

1999-cu ildə Biznesin idarə edilməsi üzrə bakalavr, 2001-ci ildə isə magistr dərəcəsini əldə etmişdir.

Elmi fəaliyyəti[redaktə | əsas redaktə]

2014-cü ildə P.F. Lesqaft adına Milli Dövlət Bədən Tərbiyəsi, İdman və Sağlamlıq Universitetində (Sankt-Peterburq, Rusiya) pedaqoji elmlər namizədi dərəcəsini əldə etmişdir.

Neft sahəsində fəaliyyəti[redaktə | əsas redaktə]

2000-ci ildən 2001-ci ilə kimi Azərbaycan Respublikası Dövlət Neft Şirkətinin (ARDNŞ) “Balaxanıneft” Neft-qaz Hasilatı İdarəsinin anbarında işləmişdir.

2001-2003-cü illərdə ARDNŞ-nin “Balaxanıneft” Neft-qaz Hasilatı İdarəsinin Planlaşdırma şöbəsində iqtisadçı vəzifəsində çalışmışdır.

İdman (gimnastika) sahəsində fəaliyyəti[redaktə | əsas redaktə]

Batut gimnastikası üzrə Avropa Çempionatında idmançıların çıxış ardıcıllığını müəyyən etmək üçün püşk atma mərasimi, Bakı, Azərbaycan, 2018-ci il

2003-2005-ci illərdə Azərbaycan Gimnastika Federasiyasının (AGF) İdman və logistika üzrə meneceri kimi fəaliyyət göstərmişdir.

Bu illər ərzində Bakıda bədii gimnastika üzrə keçirilən 3 Dünya Kuboku (2003/04/05-ci illərdə) və 27-ci Dünya Çempionatının (2005) Yerli Təşkilat Komitələrinin işində, o cümlədən Bakıda idman gimnastikası üzrə Beynəlxalq Hakimlik kursunun (2007-ci il) təşkilində fəal iştirak etmişdir.

2005-сi ildən 2006-cı ilə kimi AGF-nin Baş meneceri vəzifəsində çalışmışdır.

2006-cı ildə AGF-nin növbəti hesabat-seçki konfransında federasiyanın Baş katibi seçilmişdir.

2006-2007, 2008-2009 və 2013-2014-cü illərdə bədii gimnastika üzrə Bakıda keçirilən 3 Avropa Çempionatı (2007, 2009, 2014) üzrə Yerli Təşkilat Komitələrinin icraçı direktoru vəzifəsini daşımışdır.

2008-ci ildə Beynəlxalq Gimnastika Federasiyasının (FIG) 77-ci Konqresində (17-19 oktyabr, Helsinki, Finlandiya) həmin qurumun Şura üzvü seçilmişdir (2008-2012-ci Olimpiya dövrü üzrə).[2]

2010-cu il 25 dekabr tarixində AGF-nin İcra Komitəsinin iclasında Baş katib vəzifəsinə yenidən seçilmişdir.

2012-ci ildə FIG-nin 79-cu Konqresində (25-27 oktyabr, Kankun, Meksika) yenidən həmin qurumun Şura üzvü seçilmişdir.[3]

2013-cü ildə Portoroj şəhərində (6-7 dekabr, Sloveniya) keçirilən Avropa Gimnastika İttifaqının 25-ci Konqresində həmin təşkilatın Vitse-prezidenti vəzifəsinə seçilmişdir. Bununla əlaqədar olaraq FIG-nin Şura üzvlüyündən imtina etmişdir.[4]

2013-cü ildən Milli Olimpiya Komitəsinin (MOK) üzvüdür.

2013 və 2014-cü illərdə FIG Akademiyasının 1 (2013) və 2-ci (2014) dərəcələrinə aid bədii gimnastika üzrə məşqçilik kurslarının təşkilatçısı olmuşdur.

2014-2015-ci illərdə İlk Avropa Oyunlarına (Bakı-2015) test turniri xarakteri daşıyan 6 gimnastika növü üzrə Birgə Açıq Azərbaycan Çempionatının (2015) Yerli Təşkilat Komitəsində İcraçı Direktor vəzifəsini daşımışdır.[5]

2014-2015-ci illərdə I Avropa Oyunları (Bakı-2015) çərçivəsində gimnastika növləri üzrə təşkil olunan yarışlarda məsləhətçi kimi fəaliyyət göstərmişdir.

2015-ci il 24 dekabr tarixində AGF-nin İcra Komitəsinin iclasında Baş katib vəzifəsinə yenidən seçilmişdir.

2015-2016-cı illərdə Bakıda 2016 və 2017-ci illərdə təşkil olunmuş İdman Gimnastikası üzrə FIG Dünya Kuboku (AGF Trophy, 2016-cı ildə “Challenge” seriyasına aid), Bədii Gimnastika üzrə FIG Dünya Kuboku (AGF Trophy) və Batut Gimnastikası üzrə FIG Dünya Kubokunun (AGF Trophy) Yerli Təşkilat Komitələrində icraçı direktor vəzifəsini daşımışdır.

2016-2017-ci illərdə Bakıda FIG-nin Bədii Gimnastika üzrə Qitələrarası Hakimlik və Beynəlxalq Hakimlik Kursları, Kişi İdman Gimnastikası üzrə Beynəlxalq Hakimlik Kursları (2017), FIG Şurası (2017), 4-cü İslam Həmrəyliyi Oyunları (2017) çərçivəsində gimnastika yarışlarının yerli Təşkilat Komitələrində icraçı direktor vəzifəsini daşımışdır.

2003-cü ildən etibarən bədii gimnastika, kişi idman gimnastikası, tamblinq və akrobatika gimnastikası üzrə, 2013-cü ildən isə qadın idman gimnastikası, batut gimnastikası və aerobika gimnastikası üzrə idman yarışlarının həm yerli, həm də beynəlxalq səviyyədə keçirilməsində böyük təcrübəyə malikdir.

Avropa Gimnastika İttifaqı və FIG Konqreslərinin iştirakçısı; Olimpiya Oyunlarının (Pekin-2008, London-2012 və Rio-2016) nümayəndə heyətinin üzvü, müxtəlif gimnastika növləri üzrə Avropa və Dünya Çempionatlarının nümayəndə heyətlərinin başçısı, 2014-cü ildən, 2017-ci ilə qədər gimnastika növləri üzrə Avropa Çempionatlarında Apelyasiya Hakimlər Briqadasının Prezidenti olmuşdur (təyinata əsasən).

2017-ci il 1-2 dekabr tarixlərində Xorvatiyanın Split şəhərində Avropa Gimnastika İttifaqının (UEG) 27-ci hesabat-seçki xarakterli Konqresində bu qurumun prezidenti seçilmiş və prezident seçilməsi ilə əlaqədar, federasiyanın Baş katibi vəzifəsindən istefa vermişdir. 2018-ci ildən UEG-də prezident səlahiyyətlərini icra edir və avtomatik olaraq Beynəlxalq Gimnastika Federasiyasının İcra Komitəsinin üzvüdür.

Təltif və mükafatları[redaktə | əsas redaktə]

2016-cı ildə FIG-nin 81-ci Konqressində (Tokio, Yaponiya) həmin qurumun şurasına iki dəfə (2008 və 2012) üzv seçildiyi üçün FIG-nin bürünc medalına layiq görülmüşdür.

2017-ci ildə Bakıda keçirilmiş FIG-nin 17-ci Şura iclasında həmin qurum tərəfindən “Fəaliyyətin qiymətləndirilməsi” medalı ilə təltif olunmuşdur.

2017-ci ilin dekabrın 18-də Azərbaycan Respublikasının Prezidenti İlham Əliyevin sərəncamına əsasən ölkəmizdə idmanın inkişafında göstərdiyi xidmətlərə görə “Azərbaycan Respublikası Prezidentinin fəxri diplomu” ilə təltif olunub.[6]

İstinadlar[redaktə | əsas redaktə]

  1. "Azərbaycan Gimnastika Federasiyasının baş katibi Avropa Gimnastika İttifaqının prezidenti seçilib" (azərb.). AzərTAc (2 dekabr 2017). 4 iyul 2018 tarixində arxivləşdirilib. İstifadə tarixi: 4 iyul 2018.
  2. "AZƏRBAYCAN GİMNASTİKA FEDERASİYASININ BAŞ KATİBİ BEYNƏLXALQ FEDERASİYA ŞURASININ ÜZVÜ SEÇİLMİŞDİR" (azərb.). AzərTAc (20 oktyabr 2008). 20 sentyabr 2018 tarixində arxivləşdirilib. İstifadə tarixi: 20 sentyabr 2018.
  3. "Azərbaycan Gimnastika Federasiyasının baş katibi Beynəlxalq Gimnastika Federasiyasının Şurasına yenidən üzv seçilmişdir" (azərb.). AzərTAc (29 oktyabr 2012). 11 sentyabr 2018 tarixində arxivləşdirilib. İstifadə tarixi: 21 sentyabr 2018.
  4. "Azərbaycan Gimnastika Federasiyasının baş katibi Avropa Gimnastika İttifaqının vitse-prezidenti seçilib" (azərb.). Trend İnformasiya Agentliyi (7 dekabr 2013). 11 sentyabr 2018 tarixində arxivləşdirilib. İstifadə tarixi: 21 sentyabr 2018.
  5. Rövşən Əhlimanoğlu. "Fərid Qayıbov: "I Avropa Oyunlarını ölkəmizin idman tarixi üçün böyük nailiyyət və uğur hesab etmək olar"" (azərb.). Report İnformasiya Agentliyi (6 aprel 2015). 21 sentyabr 2018 tarixində arxivləşdirilib. İstifadə tarixi: 21 sentyabr 2018.
  6. "Azərbaycan Prezidenti: Fərid Qayıbovun Avropa Gimnastika İttifaqının prezidenti seçilməsi tarixi nəticədir" (azərb.). Trend İnformasiya Agentliyi (18 dekabr 2017). 25 sentyabr 2018 tarixində arxivləşdirilib. İstifadə tarixi: 25 sentyabr 2018.

Xarici keçidlər[redaktə | əsas redaktə]

Vikianbarda Fərid Qayıbov ilə əlaqəli mediafayllar var.