Fərman Quliyev (alim)

Vikipediya, açıq ensiklopediya
Jump to navigation Jump to search
Fərman Quliyev
Fərman Ağadədə oğlu Quliyev
Fərman Quliyev.jpg
Doğum tarixi 19 may 1937 (1937-05-19) (82 yaş)
Doğum yeri Lənkəran, Sütəmurdov
Vətəndaşlıq Flag of Azerbaijan.svg Azərbaycan
Elm sahəsi Elmi Tədqiqatçı
İş yeri AMEA Lənkəran Regional Elmi Mərkəzi
Elmi dərəcəsi Kənd təsərrüfatı elmləri doktoru
Elmi adı professor
Tanınır Çayçılığın inkişafındakı xidmətlərinə görə AzərbaycanMDB məkanında tanınır

Fərman Quliyev (d. 19 may, 1937-ci il. Lənkəran, Sütəmurdov) — Kənd təsərrüfatı elmləri doktoru, professor; Azərbaycan Milli Elmlər Akademiyasının Lənkəran Regional Elmi Mərkəzinin direktoru.

Həyatı[redaktə | əsas redaktə]

Fərman Quliyev 19 may 1937-ci ildə Lənkəran rayonunun Sütəmurdov kəndində anadan olub. 1959-cu ildə Azərbaycan Kənd Təsərrüfatı İnstitutunun aqronomluq fakültəsini bitirmişdir. 1961-1965-ci illərdə Ümumittifaq Çay və Subtropik Bitkilər Elmi-Tədqiqat İnstitutunda (Gürcüstan) elmi işçi işləmiş və orada aspiranturanı bitirmişdir.

1965-ci ildə kənd təsərrüfatı elmləri namizədi alimlik dərəcəsi almışdır. 1965-1967-ci illərdə Ümumittifaq Bağçılıq və Sənaye Gülçülüyü Elm-İstehsalat Birliyində (Rusiya) baş elmi işçi vəzifəsində işləmişdir. 1968-1984-cü illərdə Azərbaycan Bağçılıq və Subtropik Bitkilər Elmi-Tədqiqat İnstitutunun Lənkəran fılialının direktoru olmuşdur.

1984-1988-ci illərdə Azərbaycan Kənd Təsərrüfatı İnstitutunun "Meyvəçilik və subtropik bitkilər" kafedrasının müdiri, 1988-2002-ci illərdə Azərbaycan MEA-nın Ginetika və Seleksiya İnstitutunun "Subtropik bitkilər" şöbəsinin müdiri işləmişdir. 1988-ci ildə kənd təsərrüfatı elmləri doktoru elmi dərəcəsi, sonralar professor elmi adı almışdır.

2002-ci ildən Lənkəran Dövlət Universitetində "İqtisadiyyat və aqrotexnologiya" kafedrasına rəhbərlik etmişdir. Azərbaycan Respublikasının Əməkdar Aqronomudur. Beynəlxalq Eko-Energetika Akademiyasının həqiqi üzvü - akademiki seçilmiş və "XXI əsrin tanınmış alimi" Beynəlxalq diplomuna layiq görülmüşdür. Azərbaycan Çay Assosiasiyası İB-nin prezidenti və Azərbaycan Ekologiya və Ətraf Mühitə Nəzarət Mərkəzi İB-nin Lənkəran cənub regional departamentinin sədridir. Hal hazırda Azərbaycan Milli Elmlər Akademiyasının Lənkəran Regional Elmi Mərkəzinin direktorudur.

Subtropik bitkiçilik sahəsində 300-dən çox elmi əsərin, o cümlədən 30-dan çox kitabın, monoqrafiyaların, metodiki vəsaitlərin, tövsiyələrin müəllifidir. Feyxoa, çay, zeytun, badam, kivi, əncir və s. bitki sortlarının yaradıcılarındandır. Subtropik bitkilərin becərilməsi və ekologiyasının elmi-praktik əsaslarını öyrənir və onların genişləndirilməsi qayğısına qalır. Onun çay, limon, naringi, portağal, qreyfrut, feyxoa, zeytun, kivi, innab, əncir, badam, nəcib dəfnə və i.a. subtropik bitkilər, bir sıra dərman bitkiləri üzərində apardığı elmi-tədqiqat işlərinin nəticələri təsərrüfatlarda geniş tətbiq edilərək, ali məktəblərin tədris proqramlarına, tədris vəsaitlərinə daxil edilmiş, xarici dillərə tərcümə olunmuşdur. Fərman Quliyevin elmi rəhbərliyi altında Azərbaycanın və xarici ölkələrin müxtəlif elmi-tədqiqat və tədris müəssisələri üçün 15 aspirant və dissertant hazırlanır. Onların bir qismi elmi dərəcələrini almışdır.

Elmi əsərləri Azərbaycan, rus, fars, ingilis, çin, gürcü və s. dillərdə çap olunmuşdur.

Ailəsi[redaktə | əsas redaktə]

Millət vəkili Rüfət Quliyevin əmisidir.

İstinadlar[redaktə | əsas redaktə]

F.A.Quliyevin elmi-pedoqoji və ictimai fəaliyyətinin əsas tarixləri