Fuad Musayev (musiqiçi)

Vikipediya, azad ensiklopediya
Naviqasiyaya keçin Axtarışa keçin
Fuad Musayev
Fuad Elmidar oğlu Musayev
Ümumi məlumatlar
Doğum adı Fuad Elmidar oğlu Musayev
Doğum tarixi (48 yaş)
Doğum yeri Gəncə, Azərbaycan SSR, SSRİ
Vətəndaşlığı Azərbaycan Azərbaycan
Musiqiçi məlumatları
Fəaliyyəti Müğənni, bariton, solist
Fəaliyyət illəri 2006 - günümüz.
Janrlar Pop, Jazz, Şanson
Musiqi aləti Vokal
Əlaqələri Alim Qasımov, Nazpəri Dostəliyeva, Fidan Hacıyeva, Eyyub Yaqubov
Mükafatları Ilin ən yaxşı müğənnisi (2017)

Fuad Elmidar oğlu Musayev (4 sentyabr 1975, Kirovabad) — azərbaycanlı estrada müğənnisi, bariton, 2016-cı ildən Azərbaycan televiziyasının və radiosunun solisti.[1]

Həyatı[redaktə | mənbəni redaktə et]

Fuad Elmidar oğlu Musayev 4 sentyabr 1975-ci ildə Gəncə şəhərində musiqiçi Elmidar Musayev və Ofeliya Musayevanın ailəsində dünyaya göz açıb. 1982–1992-ci illərdə orta məktəbi bitirib. Orta ixtisas musiqi məktəbində və texnikumunda fortopiano üzrə təhsil allb. 21 yaşında olarkən Rusiyanın Moskva şəhərinə köçüb və orada musiqi fəaliyyətini davam etdirib. 8 il Moskvada çalışıb.

Ailəsi[redaktə | mənbəni redaktə et]

Ailəlidir, 2 qız övladı var: Ofeliya Musayeva, Emiliya Musayeva.

Atası Elmidar Musayev (qarmon ifaçısı) Gəncəbasarda tanınmış musiqiçi və Göy-göl ansamblının yaradıcılarındandır. Qardaşı Rauf Musayev musiqiçi-pianoçudur, Rusiyanın Moskva şəhərində fəaliyyət göstərir. Əmisi Canpolad Musayev, hal-hazırda Göy-göl ansamblının pianoçusu kimi fəaliyyət göstərir.[2]

Karyerası[redaktə | mənbəni redaktə et]

2006-cı ildə Bakıya qayıdan müğənni, elə həmin il " FM Express" adlı qrup yaradıb,[3][4] xalq artisti Nazpəri Dostəliyeva ilə " Ayrılıb gedirəm bu şəhərdən " adlı ilk duetini və ona çəkilən klipini azərbaycan auditoriyasına təqdim edib.[5] Müğənniyə populyarlıq qazandıran digər dueti isə Xalq artisti Alim Qasımovla birlikdə ifa etdiyi " Ürək " adlı kompozisiya olub. Mahnı tamaşaçılar tərəfindən sevilərək qarşılanıb. Müxtəlif illərdə əsgərlər üçün təşkil olunan konsertlərdə çıxış edib. 2016-cı ildə DTX-nın peşə bayramına həsr olunmuş təntənəli mərasimin bədii hissəsində təqdirəlaiq iştirakına görə, 2016-cı ildə hərbi qulluqçuların ictimai siyasi həyatında fəal iştirakına görə, 2018-ci ildə milli qəhrəman Albert Aqarunovun xatirəsinə həsr olunmuş " Qaradəniz və Xəzəryanı ölkələrarası karate üzrə beynəlxalq turnirin" keçirilməsində göstərdiyi dəstəyə görə, 2018-ci ildə " Gənc nəslin hərbi vətənpərvərlik təbliğatında" fəal iştirakına görə, Azərbaycan silahlı qüvvələrinin yaradılmasının 98 illiyinə həsr olunmuş " Ordumuz qürurumuz " adlı tədbirdə fəal iştirakına görə, mədəniyyət və incəsənət sahəsində əvəzolunmaz xidmətlərinə görə, " Silahlı Qüvvələrin yaradılmasının 100 illik yubileyi" münasibətilə keçirilən tədbirdə iştirakına görə, 2017-ci ildə " Zirvə ziyalılar təşkilatı" nın 25 illik ildönümü münasibətilə "Ilin ən yaxşı müğənnisi", 2019-cu ildə " Multikultural dəyərlərin təbliğatı" nda fəal iştirakına görə bir çox diplom və mükafatlara laiq görülüb. Müğənni bir çox konsertlərdə və dövlət tədbirlərində çıxış edib. Bəstəkar Tofiq Quliyevin yaradıcılıq gecəsi, (2017-ci il), "Ulduzların dueti" konsertində Xalq artisti Fidan Hacıyeva ilə səhnə alıb.[6] Konsertdə müğənniləri Fuad Musayevn bədii rəhbəri olduğu " FM Express "qrupu müşayiət edib. Bəstəkar Elza İbrahimovanın 80 illik yubileyinə həsr olunmuş tədbir (2018-ci il) , Heydər Əliyev sarayında görkəmli bəstəkar Rauf Hacıyevin mahnılarından ibarət konsert (2018-ci il), Oktay Kazıminin mahnılarından ibarət Heydər Əliyev sarayında təşkil olunmuş musiqi gecəsində (2019-cu il) fəal iştirak edib.[7]

2019-cu ildə yaratdığı " FM Ekspress " qrupu ilə birlikdə Gəncə şəhərində böyük solo konsert proqramı ilə çıxış edib. 2016-cı ildə " FM Jazz Trio "qrupu Gürcüstanda keçirilən " Beynəlxalq Qafqaz Jazz festivalı " nda təşkilatçı. 2019-cu ildə isə Fuad Musayev öz qrupu ilə Rusiyada keçirilən " Delta jazz" beynəlxalq jazz festivalında və bir çox dövlət tədbirlərində mütəmadi olaraq səhnə alıb.[8]

2021-ci ildə Xalq artisti Eyyub Yaqubovun təşəbbüsü ilə " Big Band Sound Pro " (orkestr) yaratmışdır.[9] Həmin ilin noyabrında " Big Band Sound Pro " ilə DTX mədəniyyət mərkəzində iki gün, 2022-ci ilin yanvar ayında Heydər Əliyev sarayında dörd gün, fevral ayında Gəncə şəhərində bir günlük böyük konsert proqramı ilə çıxış edib.[10][11]

2023- cü ilin fevral ayında Laçında N saylı hərbi hissədə,mart ayında isə Zəngilanda çıxışları olmuşdur.

2023-cü ilin mart ayının 25i və 26 sı " Big Band Sound Pro “, Xalq artistləri Eyyub Yaqubov və Cavan Zeynallı ilə birlikdə Heydər Əliyev sarayında 2 günlük anşlaqla keçən konsert proqramının təşkilatçısı olmuş, eyni zamanda konsert proqramı ilə çıxış etmişdir.

2023-cü ilin 19 və 20 avqust tarixlərində Yaşıl Teatrda Fuad Musayevin təşkilatçılığı ilə xalq artisti Eyyub Yaqubovun "Big band" ilə möhtəşəm konsert proqramı baş tutub. Gecədə eyni zamanda Big bandin bədii rəhbəri Fuad Musayev də çıxış edib.

2023- cü il, 19 avqust tarixində Fuad Musayev "Beynəlxalq Əlillər Cəmiyyəti" ictimai birliyi tərəfindən " Şəhid ailələrinə,əlilliyi olan və imtiyazlı şəxslərə göstərdiyi xüsusi diqqət və qayğıya görə Fəxri fərmanla təltif olunub.

İstinadlar[redaktə | mənbəni redaktə et]

  1. ↑ "ZAMANIN TƏLƏB ETDİYİ MÜĞƏNNİ". 2023-07-20 tarixində arxivləşdirilib. İstifadə tarixi: 2022-06-12.
  2. ↑ "= Sizin üçün Fuad Musayev kimdir". 2022-06-12 tarixində arxivləşdirilib. İstifadə tarixi: 2022-06-12.
  3. ↑ "= Азербайджанская группа выступит на Международном фестивале "Дельта-джаз" — ФОТО". 2022-06-12 tarixində arxivləşdirilib. İstifadə tarixi: 2022-06-12.
  4. ↑ "= Fuad Musayev: Bizim şou biznes başımızın bəlasıdır…". 2022-06-12 tarixində arxivləşdirilib. İstifadə tarixi: 2022-06-12.
  5. ↑ "= Fuad Musayev yenidən "Xəzərin sahilində" mahnısını səsləndirib". 2022-06-12 tarixində arxivləşdirilib. İstifadə tarixi: 2022-06-12.
  6. ↑ "= Концерт к юбилею Эльзы Ибрагимовой". 2022-06-12 tarixində arxivləşdirilib. İstifadə tarixi: 2022-06-12.
  7. ↑ "= "Maşın"a əlvida deyən Fuad Musayev qruplaşmada olduğunu etiraf etdi — VİDEO". 2022-06-12 tarixində arxivləşdirilib. İstifadə tarixi: 2022-06-12.
  8. ↑ "Дельта — джаз": соединяем великие цивилизации Востока и Запада[ölü keçid]
  9. ↑ Эйюб Ягубов создал оркестр BigBand — "бакылы гагашлар" в кепках-"аэродромах" (ВИДЕО)[ölü keçid]
  10. ↑ Fuad Musayev "Maşın"dan getdi[ölü keçid]
  11. ↑ "Fuad Musayev Ayan haqqında nə dedi? — VİDEO". 2023-07-20 tarixində arxivləşdirilib. İstifadə tarixi: 2022-06-12.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Fuad_Musayev_(musiqiçi)&oldid=7562079"