Fidan Hacıyeva

Vikipediya, açıq ensiklopediya
Keçid et: naviqasiya, axtar
Fidan Hacıyeva
Fidan Hacı Ağa qızı Hacıyeva
Fidan Hacıyeva.jpg
Ümumi məlumatları
Doğum tarixi 7 sentyabr 1976 (1976-09-07) (40 yaş)
Bakı, Flag of Azerbaijan.svg Azərbaycan
Vətəndaşlıq Flag of Azerbaijan.svg Azərbaycan
Mənşə Flag of Azerbaijan.svg Azərbaycan
Üslub Opera
Peşəsi Opera müğənnisi
Musiqi aləti Piano
Səs tembri Mezzo-soprano
Fəaliyyət illəri 1995-
Mükafatları Azərbaycanın Xalq Artisi fəxri adı
Veb saytı Fidan Hacıyeva

Fidan Hacı Ağa qızı Hacıyeva/NeylorAzərbaycan Respublikasının xalq artisti (05.03.2015)[1], Azərbaycan Dövlət Akademik Opera və Balet Teatrının solisti[2], opera müğənnisi, mezzo-soprano.

Karyera[redaktə | əsas redaktə]

Fidan Hacıyeva 1984-cü ildə Bülbül adına orta ixtisas Musiqi Məktəbinin fortepiano sinfinə daxil olub. Orada tam orta təhsilini bitirdikdən sonra 1994-cü ildə Üzeyir Hacıbəyov adına Bakı Musiqi Akademiyasının solo oxuma (vokal) fakultəsinə qəbul olub. Professor - Hüseyn Əliyevin tələbəsidir. Professional təhsil alan vokalist, daha sonra 1998-ci ildə Rusiya Federasiyasının Xalq artisti, dünya şöhrətli - İrina Arxipovadan vokal sənəti üzrə ustad dərsləri alıb.[3]

Professional opera səhnəsinə ilk dəfə 19 yaşında, "Koroğlu operası"nda "Xanəndə qız" obrazı ilə gəlib. [4]2000-ci ildə Fidan Hacıyeva Türkiyədə "TÜRKSOY"un xətti ilə keçirilən opera günlərində iştirak edərək, Azərbaycan Respublikasını yüksək səviyyədə təmsil etmişdir . Elə həmin il opera ifaçısı Türkiyə Cumhuriyyətinin Mersin Dövlət Opera və Balet Teatrı ilə müqavilə imzalamış, Milli Opera və Balet Teatrında çalışaraq, Mersin, İstanbul, İzmir, Ankara teatrının səhnəsində "Karmen" obrazını yaratmışdır. Onun ən yaddaqalan çıxışı isə Türkiyədəki “Aspendos” antik teatrının səhnəsində açıq səma altında, opera sənətinin biliciləri və həvəskarları olan ən incə zövqlü 15 min tamaşaçının toplaşdığı günlə bağlıdır.[5]

Fidan Hacıyevanın səsinə valeh olan italiyanlar onu 2002-ci ildə İtaliyanın Kidjiano Akademiyasında keçirilən Beynəlxalq müsabiqəyə dəvət edirlər . Opera müğənnisi həmin müsabiqədə iştirak edir və qalib olur. Operanın vətəni sayılan İtaliyada mezzo-soprano Bernadette Manca di Nissanın dərslərini dinləyir. Daha sonra Fidan Hacıyeva vətənə qayıdır və müəllimi professor- Hüseyn Əliyevin sinfində aspirantura pilləsinə yiyələnir .

Sənətçinin 2003-cü ildə "Jealousy and love" ( Məhəbbət və qısqanclıq ) adlı ilk albomu işıq üzü görüb.

2004- cü ildə Azərbaycan Respublikası Müdafiə Nazirliyinin Həzi Aslanov adına Mahnı və Rəqs Ansamblının baş solisti olub.

2005-ci ildə Azərbaycan nümayəndə heyətinin tərkibində Yaponiyanın Naqoya şəhərində keçirilən EXPO-2005[6] Beynəlxalq sərgidə iştirak edərək, Azərbaycan musiqisini təqdim etməklə yanaşı, yapon dilində mahnılar ifa etməsi yapon xalqında özünə qarşı böyük təəccüb və sevgi hissi yaradır.

2006-cı ildə opera müğənnisi "Azərbaycan Respublikasının Əməkdar Artisti" adına laiq görülmüş və Azərbaycan Respublikası Prezidentinin Fəxri mükafatı ilə təltif olunmuşdur. Həmin ilin oktyabr ayında Almaniyada keçirilən Azərbaycan mədəniyyəti günlərində Teymur Göyçayevin dirijorluq etdiyi Azərbaycan Dövlət Kamera Orkestrinın müşayiəti ilə Berlin Filarmoniyasında , ŞtutqartMayns şəhərlərinin teatrlarında konsertlər verib.

2007-ci il Mayın 11-də səhnə fəaliyyəti ilə bağlı Azərbaycan Respublikası Prezidentinin mükafatları verilir. [7]

2008-ci ildə sənətçi Azərbaycanın müxtəlif cəbhə bölgələrində hərbi xidmətçilər üçün üçün vətənpərvərlik mövzusunda təşkil edilmiş silsilə konsert proqramlarında çıxış edir[8]. May ayının 7-də 2-ci dəfə səhnə fəaliyyəti ilə bağlı Azərbaycan Respublikası Prezidentinin mükafatına layiq görülür.[9] Oktyabr ayında isə Azərbaycan və Ukrayna Mədəniyyət Nazirliyinin birgə keçirdiyi Kiyev şəhərində Ukraynanın Xalq Artisti- Aleksandr Buretzlə birgə konserti olur. 25 Dekabrda isə Azərbaycanın Ukraynadakı səfirliyi, Kiyev Şəhər Dövlət Administrasiyası, Ukrayna Azərbaycanlıları Konqresinin Kiyev Şəhər Təşkilatı və "Ukrayna-Azərbaycan" Beynəlxalq Xeyriyyə Fondunun təşkil etdiyi, Ukrayna Milli Musiqi Akademiyasının P.İ.Çaykovski adına Opera Studiyasının salonunda Dünya Azərbaycanlılarının Həmrəyliyi Gününə həsr edilmiş konsertdə Fidan Hacıyeva öz çıxışı ilə tamaşaçılara əsl sürpriz yaşadır. Azərbaycan və xarici ölkə bəstəkarlarının klassik əsərlərini ifa edən müğənnini royalda Azərbaycanın əməkdar incəsənət xadimi Cavan Zeynallı müşayiət edir. Tamaşaçılar Azərbaycan artistlərinin yüksək ustalığını uzun sürən alqışlarla təqdir edirlər. [10]

2009-cu ildə Türkiyənin Mersin Opera və Balet Teatrında, türkdilli ölkələrdən 18 opera müğənnisinin iştirak edəcəyi 12-ci TÜRKSOY Opera Günlərinin açılışında Azərbaycanı təmsil edir. [11]

2010-cu ildə İtaliyada, Roma Musiqi Akademiyasının təşkil etdiyi peşəkar vokal ifaçılarının müsabiqəsində birinci yeri tutur. [12]Daha sonra dünya şöhrətli mezzo-soprano Bruna Buglioninin yanında vokal təhsilini davam etdirir.

2011-ci ilin ilk həftəsində Türkiyənin Samsun Dövlət Opera Teatrında "Karmen" obrazını canlandırır. Mayın 9-da Azərbaycanın İtaliyadakı səfirliyinin təşəbbüsü ilə, İtaliyanın paytaxtı Romanın ən böyük konsert salonu olan Santa Çeçilia Milli Musiqi Akademiyasının “Auditorium Parco della Musica” kompleksində, Heydər Əliyevin anadan olmasının 88-ci ildönümümə həsr edilmiş solo konserti ilə çıxış edir. O pianoçu Zülfiyyə Sadıqova və İtaliya pianoçusu Paolo Saraçinonun müşayiəti ilə Azərbaycan və İtaliya opera musiqisindən nümunələr ifa edir. [13] [14]Mayın 25-də isə Akademik Opera və Balet Teatrında Cüzeppe Verdinin «Aida» operası tamaşaya qoyulur. Teatrın rəhbərliyi bu tamaşanı idarə etmək üçün məşhur italyan dirijoru Canluka Marçianonu dəvət edir.[15] Fidan Hacıyevanın böyük peşəkarlıqla ifa etdiyi "Amneris" partiyası italiyan dirijoru Gianluca Marcianonu heyran edir. İyunun ilk günlərində Fidan Hacıyeva Bakıda fransız tenoru Jean-Francis Monvoisinlə birgə konsert proqramı təşkil edir. Gecədə Opera və Balet Teatrının simfonik orkestrinin müşayiəti ilə Azərbaycan, fransız və italyan bəstəkarlarının əsərlərindən parçalar ifa olunur. Orkestr isə dirijor, Xalq artisti Cavanşir Cəfərov tərəfindən idarə olunur.[16] İyunun 25-də İtalianın Montejiore Konka şəhərində keçirilən yay festivalı çərçivəsində Fidan Hacıyevanın iştirakı ilə Cakomo Puççininin "Suor Angelica" operası səhnələşdirilir. Avqustun 19-da Azərbaycan Musiqi Mədəniyyəti Dövlət Muzeyinin təşkilatçılığı və Bəstəkarlar İttifaqının dəstəyi ilə SSRİ-nin və Azərbaycanın Xalq artisti, SSRİ və Azərbaycan Dövlət mükafatları laureatı, Cəvahirləl Nehru adına Beynəlxalq mükafat laureatı, Sosialist Əməyi Qəhrəmanı, görkəmli bəstəkar və dirijor Niyazinin (Tağızadə-Hacıbəyov) anadan olmasının 99-cu ildönümünə həsr olunmuş gecədə marağa səbəb olacaq ifalarla çıxış edir.[17] Sentyabrın 18-də o, İtaliyanın Sassari şəhərində opera müğənnilərinin konsertində böyük uğurla çıxış edib. Fidan Hacıyeva konsertdə italyan müğənnisi Anna Konsolara ilə birgə “Aida” operasının ikinci pərdəsindən dueti ifa edib. Azərbaycan opera səhnəsinin ulduzu Qaetano Donisettinin “Favoritka” operasından Leonoranın ariyasını da dinləyicilərə təqdim edir. Sonda klassik opera sənətinin biliciləri Fidan Hacıyeva sənətini “Güclü və gözəl səs” deyə qiymətləndiriblər.[18]

2012-ci il Aprelin 16-da Heydər Əliyev Fondunun və Azərbaycanın Romadakı səfirliyinin dəstəyi, Mədəniyyət və Turizm Nazirliyinin təşkilatçılığı ilə İtaliyanın Turin şəhərində keçirilən Azərbaycan Mədəniyyəti Günlərində Fidan Hacıyeva öz virtouz ifaları ilə sözün həqiqi mənasında turinliləri heyran edir. [19]Daha sonra Venesiya, Milanda Cüzeppe Verdinin Konservatoriyasında çıxış edir. Həmin il məşhur italyan dirijoru və pianoçusu Stefano Miceli, İtaliyanın Berqamo şəhərində yerləşən Donisetti adına teatrında təşkil edilmiş "Gran Gala" konsertinə Fidan Hacıyevanı xüsusi olaraq dəvət edir. Festivalın təşkilatçıları Fidan Hacıyevanı klassik italyan musiqisinin təbliğindəki xidmətinə görə "Sülhməramlı səfir" diplomu ilə təltif edirlər. Bununla da sənətçi Azərbaycana şərəf və şöhrət gətirən ən böyük uğuruna imza atmış olur.

2013-cü il Sentyabrın 18-də Azərbaycan Dövlət Akademik Opera və Balet Teatrında Heydər Əliyev Fondunun və Mədəniyyət və Turizm Nazirliyinin təşkilatçılığı ilə keçirilən Üzeyir Hacıbəyli V Beynəlxalq Musiqi Festivalının təntənəli açılış mərasimi münasibəti ilə "Arşın Mal Alan" operasında rol alır.[20]

2014-cü il Yanvarın 30-da Azərbaycan Dövlət Filarmoniyasının Kamera və Orqan Musiqi Zalında Dövlət Fortepiano Triosunun konsertində solist qismində Fidan Hacıyeva çıxış edir. Konsert proqramına Azərbaycanla yanaşı, Qərbi Avropa bəstəkarlarının kiçik musiqi əsərləri daxil olunur.[21] Martın 3-ü Mədəniyyət və Turizm Nazirliyinin və Azərbaycanın Böyük Britaniyadakı səfirliyinin dəstəyi ilə Londonda “King"s Place” incəsənət və kulinariya mərkəzində Novruz bayramı münasibətilə “Yazın səsi” adlı solo konsert proqramı təşkil olunur.[22] 19 apreldə isə ilk dəfə Heydər Əliyev adına sarayda - "Sevgili Canan" adlı solo konserti ilə çıxış edir.[23][24]

2015- ci ildə sənətçi Azərbaycan Respublikasında mədəniyyət sahəsində səmərəli fəaliyyətinə görə 8 mart - Beynəlxalq Qadınlar Günü münasibətilə Prezident Ilham Əliyevin imzaladığı sərəncama əsasən " Xalq Artisti " adına laiq görülür [1] [25] və eyni zamanda Azərbaycan Respublikası Daxili İşlər Nazirliyinin Daxili Qoşunlar Baş İdarəsinin leytenantı rütbəsi verilir. Aprelin 19-u Heydər Əliyev adına sarayda " Bir bahar axşamı" adlı sayca ikinci solo konserti ilə çıxış edir. Noyabrın 23-də “Kapellhaus” Alman-Azərbaycan Mədəniyyət Birliyinin orqan musiqisi zalında tanınmış bəstəkar, Əməkdar incəsənət xadimi Ruhəngiz Qasımovanın anadan olmasının 75 illiyinə həsr edilmiş tədbirdə iştirak edir. Noyabrın 28-də Dövlət Akademik Opera və Balet Teatrında “Arşın mal alan” operettasının tamaşaya qoylur. Baş tutacaq tamaşanın özəlliyi bu tamaşada ilk dəfə Gülçöhrə rolunda Xalq artisti Fidan Hacıyevanın çıxış etməsi olur.

2016-cı ilin Fevralın 14-də Azərbaycan Dövlət Akademik Opera və Balet Teatrında teatrın solisti, Əməkdar artist Cahangir Qurbanovun “İki canda bir ürək” adlı solo konsertində Fidan Hacıyeva və Əməkdar artist Fərid Əliyev də Cahagir Qurbanovla eyni səhnəni bölüşərək, birlikdə duet ifa edirlər. [26] 11-15 may tarixlərində Britaniya Kraliçası II Yelizavetanın 90 illik yubileyi şərəfinə Londonda təşkil olunan tədbirlərdə Mədəniyyət və Turizm Nazirliyinin, Avropa Azərbaycan Cəmiyyətinin (TEAS) və Azərbaycan Respublikası Atçılıq Federasiyasının (ARAF) birgə təşkilatçılığı ilə Azərbaycan nümayəndə heyəti də iştirak edir. Azərbaycan mədəniyyətinin təqdimatı tarzən Rafiq Rüstəmov və Xalq artisti Fidan Hacıyevanın ifası ilə müşayiət olunur.[27]

Tədbirdə Azərbaycan mədəniyyəti pavilyonu fəaliyyət göstərib. Pavilyonda ölkəmizin mədəniyyəti, adət-ənənələri, folkloru, mətbəxi əksini tapıb. Əlvan xalçalar, milli geyimlər, suvenirlər, ədəbiyyat, memarlıq nümunələrinin sərgisi keçirilib. Pavilyona baş çəkənlərə milli şirniyyatlar təqdim olunub, ölkəmiz haqqında nəşr və disklər paylanılıb, musiqilər səsləndirilib. Mədəniyyətimizin təqdimatı tarzən Rafiq Rüstəmov və Xalq artisti Fidan Hacıyevanın ifası ilə müşayiət olunub.Azərbaycan Dövlət Opera və Balet Teatrının aparıcı solisti, xalq artisti Fidan Hacıyeva 2016-cı il 20 dekabr tarixində Belarus Milli Akademik Böyük Opera və Balet Teatrının dəvəti ilə Minskdə 7-ci beynəlxalq dünya forumunda iştirak edib. Forum çərçivəsində təşkil olunmuş qala konsertdə bir sıra ölkələrdən məşhur vokalistlər dəvət olunub, Azərbaycanı isə Fidan Hacıyeva təmsil edib.

2016- cı ildə isə öz adını daşıyan , illərdir gerçəkləşdirmək istədiyi Musiqi Mərkəzini yaratmışdır.[28]

2017-ci il aprelin 20-də Fidan Hacıyeva Minskdə Jorj Bizenin "Karmen" operasının tamaşasında əsas partiyanı - "Karmen" obrazını canlandırıb.

1996-cı ildən Azərbaycan Dövlət Akademik Opera və Balet Teatrının solistidir.

"Karmen"[redaktə | əsas redaktə]

Məşhur fransız bəstəkarı Jorj Bizenin Lüdovik, Halevi və Anri Melyakın librettosuna bəstələdiyi 4 pərdəli faciə janrındakı operanın Fidan Hacıyeva yaradıcılığında xüsusi yeri var. "Karmen" uğuru, ilk dəfə 19 yaşlı solistin "Karmen"in rəfiqəsi "Mersedes"in ariyasını oxumaqla başlayır. Cəmi iki il sonra isə artıq "Karmen"in çox mürəkkəb partiyası Fidan Hacıyevaya etibar olunur. Lakin opera ifaçısı bu müvəffəqiyyəti qazanmaq üçün zəhmət çəkməli, flamenko rəqsini öyrənməli, az qala taqətdən düşənə qədər məşq etməli olur. Fidan Hacıyeva "əsas məsələ öz qəhrəmanının xarakterinə tamamilə uyğunlaşmaqdır" deyərək hətda "Karmen"in vətəni Əndəlusa da gedir.[29]

Sənətçi “Karmen” operasının ona həmişə uğur gətirdiyini, nə iş görsə "Karmen"dən "Habanera" ariyasını zümzümə etdiyini və bu operanın ailə uğuru olduğunu deyir. Hətda həyat yoldaşı ilə tanışlığında da xüsusi yeri məhz "Karmen" operası tutur.[30] Fidan Hacıyevaya ilk "Karmen" uğurunu arzulayan isə "Karmen"in məşhur ifaçılarından, Tamara Sinyavskaya olmuşdur.

İfa etdiyi operalar[redaktə | əsas redaktə]

Obraz Opera Bəstəkar
Xanəndə qız “Koroğlu” Üzeyir Hacıbəyov
Gülüş “Sevil” Fikrət Əmirov
Asya[31] “Arşın Mal Alan” Üzeyir Hacıbəyov
Gülçöhrə[32] “Arşın Mal Alan” Üzeyir Hacıbəyov
Karmen “Karmen” Corc Bize
Rozina “Sevilya bərbəri” Coakkino Rossi
Amneris[33] “Aida” Cüzeppe Verdi
Azuçena “Trubadur” Cüzeppe Verdi

Konsertləri[redaktə | əsas redaktə]

Solo konsertləri[redaktə | əsas redaktə]

Tarix Ölkə, Şəhər Yer Konsertin adı Dirijor Müşayiətçi
2008.10.-- Flag of Ukraine.svg Ukrayna, Kiyev - "Aleksandr Buretzlə birgə" - -
2011.05.09 Flag of Italy.svg İtaliya, Roma Auditorium Parco della Musica "Heydər Əliyevin anadan olmasının 88-ci ildönümümə həsr edilmiş" - Zülfiyyə Sadıqova və Paolo Saraçino
2011.06.-- Flag of Azerbaijan.svg Azərbaycan, Bakı Azərbaycan Dövlət Akademik Opera və Balet Teatrı "Jean-Francis Monvoisinlə birgə" Cavanşir Cəfərov Azərbaycan Dövlət Akademik Opera və Balet Teatrının Simfonik Orkestri
2014.03.07 Flag of the United Kingdom.svg Böyük Britaniya, London London Kings Place "Sound of Spring" - Zülfiyyə Sadıqova
2014.04.19 Flag of Azerbaijan.svg Azərbaycan, Bakı Heydər Əliyev Sarayı "Sevgili Canan" Cavanşir Cəfərov Azərbaycan Dövlət Akademik Opera və Balet Teatrının Simfonik Orkestri
2015.04.19 Flag of Azerbaijan.svg Azərbaycan, Bakı Heydər Əliyev Sarayı "Bir Bahar Axşamı" Salman Qəmbərov Rəşid Behbudov adına m/t.-ın Estrada-Simfonik Orkestri

Çıxış etdiyi konsertlər[redaktə | əsas redaktə]

Albomları[redaktə | əsas redaktə]

İl Albom Yayımlanma tarixi
2003 “Jealousy and Love”(azərb. Qısqanclıq və Məhəbbət) 2003.--.--

Fidan Hacıyevanın Musiqi Mərkəzi[redaktə | əsas redaktə]

2016- cı ildə isə öz adını daşıyan , illərdir gerçəkləşdirmək istədiyi Musiqi Mərkəzini yaratmışdır. Sənətçinin əsas məqsədi isə tələbələrinə dərs keçmək üçün tədris yeri yaratmaq olub. Hal hazırda isə mərkəz, əsasən vokal sənəti və klassik musiqilərin tədris olunmasına xidmət edir. Vokal sənəti şəxsən Fidan Hacıyeva tərəfindən tədris olunur. Bundan əlavə mərkəzdə, caz, klassik estrada, fortepiano, saksafon, skripka və gitara ixtisasları da tədris olunur.[34]

25 Fevral 2017-ci ildə mərkəzin tarixində ilk dəfə konsert keçirilmişdir. Xocalı soyqırımına həsr olunmuş konsertdə, tamaşaçı sayının az olmasına baxmayaraq, Böyük Britaniya və Şimali İrlandiya Birləşmiş Krallığının Azərbaycandakı səfiri Karol Meri Krofts konsertdə izləyicilər sırasında olmuşdur.[35]

Şəxsi həyatı[redaktə | əsas redaktə]

Fidan Hacıyeva 2003-cü ildə İngiltərə vətəndaşı Filip Neylorla ailə qurub.[36] Onların bu nikahdan 1 qız və 2 oğlan övladları var[37].

İstinadlar[redaktə | əsas redaktə]

  1. 1,0 1,1 "Azərbaycan qadınlarının bir qrupuna fəxri adların verilməsi haqqında Azərbaycan Respublikası Prezidentinin 5 mart 2015-ci il tarixli Sərəncamı" (az). president.az. president.az. 5 mart 2015. http://www.president.az/articles/14476. İstifadə tarixi: 2015-03-09.
  2. Opera və Balet teatrı
  3. http://kulis.az/news/6802
  4. http://www.trend.az/life/interview/2749689.html
  5. AZƏRTAC-a müsahibə -"Fidan Hacıyeva: Mən gözəl, keyfiyyətli musiqini sevirəm, onun hansı janra aid olması isə o qədər də əhəmiyyətli deyildir"
  6. EXPO-2005
  7. http://archive.president.az/articles.php?item_id=20070822031417234&sec_id=30
  8. Silahlı Qüvvələrin Mahnı və Rəqs Ansamblı cəbhə bölgələrində
  9. http://archive.president.az/articles.php?item_id=20080507110247946&sec_id=30
  10. Yaşasın Ukrayna azərbaycanlıları!
  11. 12-ci TÜRKSOY Opera Günləri
  12. Fidan Hacıyeva İtaliyada vokal müsabiqəsinin qalibi olub
  13. Fidan Hacıyeva İtaliyada ilk solo konsertlə çıxış edəcək
  14. h[ttp://medeniyyet.az/page/news/13710/Romanin-en-boyuk-konsert-salonunda-xatire-konserti-.html Romanın ən böyük konsert salonunda xatirə konserti]
  15. Opera və Balet Teatrında «Aida» Tamaşanı italiyalı dirijor idarə edəcək
  16. Azərbaycanlı və fransalı solistlərin birgə çıxışı
  17. Niyazinin anadan olmasının 99-cu ildönümü qeyd edilib
  18. Fidan Hacıyeva italiyalı sənətsevərlərin qəlbini yenidən fəth edib
  19. İtaliyada Azərbaycan Mədəniyyəti Günləri keçirilir
  20. Üzeyir Hacıbəyli V Beynəlxalq Musiqi Festivalının təntənəli açılış mərasimi olub
  21. Filarmoniya səhnəsində iki musiqi axşamı
  22. Londonda “Yazın səsi”
  23. Fidan Hacıyeva ilk dəfə Heydər Əliyev sarayında konsert verəcək
  24. Fidan Hacıyeva Heydər Əliyev sarayında konsert verdi
  25. http://www.president.az/articles/14476
  26. “İki canda bir ürək”
  27. Qarabağ ruhu Vindzora yayıldı
  28. Xalq artisti Fidan Hacıyeva musiqi mərkəzi açıb
  29. http://azertag.az/xeber/Fidan_Haciyeva_Men_gozel_keyfiyyetli_musiqini_sevirem_onun_hansi_janra_aid_olmasi_ise_o_qeder_de_ehemiyyetli_deyildir-536933
  30. http://kulis.az/news/6802
  31. http://www.mct.gov.az/az/butun-xeberler/xalq-artisti-ilham-namiq-kemal-ilk-defe-opera-ve-balet-teatrinin-sehnesinde-cixi-edecek
  32. Xalq Artisti Fidan Hacıyeva ilk dəfə Gülçöhrə rolunda səhnəyə çıxacaq
  33. «Aida» beynəlmiləl heyətlə nümayiş olunacaq
  34. http://www.aznews.az/news/medeniyyet/134212.html
  35. https://www.instagram.com/p/BQ8lJM0DZnq/?taken-by=elchinaliyevofficial&hl=en
  36. http://aile.lent.az/read/5520
  37. Fidan Hacıyeva həyat yoldaşı ilə tanışlığından danışdı

Xarici keçidlər[redaktə | əsas redaktə]