Fidan Hacıyeva

Vikipediya, açıq ensiklopediya
Keçid et: naviqasiya, axtar
Fidan Hacıyeva
Fidan Hacı Ağa qızı Hacıyeva
Fidan Hacıyeva1.jpg
Ümumi məlumatları
Ləqəbi Karmen
Doğum tarixi 7 sentyabr 1976 (1976-09-07) (41 yaş)
Bakı, Flag of Azerbaijan.svg Azərbaycan
Vətəndaşlıq Flag of Azerbaijan.svg Azərbaycan
Mənşə Flag of Azerbaijan.svg Azərbaycan
Üslub Opera
Peşəsi Opera müğənnisi
Musiqi aləti Piano
Səs tembri Mezzo-soprano
Fəaliyyət illəri 1995-
Mükafatları
Azərbaycan Respublikasının Xalq artisti
Veb saytı Fidan Hacıyeva

Fidan Hacı Ağa qızı Hacıyeva/NeylorAzərbaycan Respublikasının xalq artisti (05.03.2015)[1], Azərbaycan Dövlət Akademik Opera və Balet Teatrının solisti[2], opera müğənnisi, mezzo-soprano.

Professor Hüseyn Əliyevin tələbəsidir. 1996-cı ildən Azərbaycan Dövlət Akademik Opera və Balet Teatrının solistidir. 2000-ci ildə Türkiyədəki “Aspendos” antik teatrının səhnəsində açıq səma altında, 15 min tamaşaçı qarşısında çıxış etmişdir. 2002-ci ildə İtaliyanın Kidjiano Akademiyasında keçirilən Beynəlxalq müsabiqənin qalibidir. 2006-cı ildə "Azərbaycan Respublikasının Əməkdar Artisti" adına layiq görülmüş və 2006, 2007, 2008-ci illərdə Azərbaycan Respublikası Prezidentinin Fəxri mükafatı ilə təltif olunmuşdur. 2010-cu ildə İtaliyada, Roma Musiqi Akademiyasının "Peşəkar vokal ifaçılarının müsabiqəsi"qalibidir. 2012-ci ildə İtaliyanın Berqamo şəhərində yerləşən Donisetti adına teatrında təşkil edilmiş "Gran Gala" konsertində klassik italyan musiqisinin təbliğindəki xidmətinə görə "Sülhməramlı səfir" diplomu ilə təltif olunub. 2015-ci ildə Azərbaycan Respublikasında mədəniyyət sahəsində səmərəli fəaliyyətinə görə 8 Mart Beynəlxalq Qadınlar Günü münasibəti ilə "Xalq artisti" adına layiq görülüb. 2016-cı ildə öz adını daşıyan, Musiqi Mərkəzini yaradıb. Azərbaycan opera səhnəsinin "Karmen"i adlandırlır.

Karyera[redaktə | əsas redaktə]

Fidan Hacıyeva 1984-cü ildə Bülbül adına orta ixtisas Musiqi Məktəbinin fortepiano sinfinə daxil olub. Orada tam orta təhsilini bitirdikdən sonra 1994-cü ildə Üzeyir Hacıbəyov adına Bakı Musiqi Akademiyasının solo oxuma (vokal) fakultəsinə qəbul olub. Professor Hüseyin Əliyevdən professional təhsil alan ifaçı, daha sonra 1998-ci ildə Rusiya Federasiyasının Xalq artisti, dünya şöhrətli - İrina Arxipovadan vokal sənəti üzrə ustad dərsləri alıb.[3]

Peşəkar opera səhnəsinə ilk dəfə 1996-cı ildə, 19 yaşında, "Koroğlu operası"nda "Xanəndə qız" obrazı ilə gəlib.[4]

2000-ci ildə Türkiyədə "TÜRKSOY"un xətti ilə keçirilən opera günlərində iştirak edərək, Azərbaycan Respublikasını yüksək səviyyədə təmsil edir. Elə həmin il opera ifaçısı Türkiyə Cumhuriyyətinin Mersin Dövlət Opera və Balet Teatrı ilə müqavilə imzalamış və teatrda çalışmışdır. Dəfələrlə Mersin, İstanbul, İzmir, Ankara teatrlarının səhnəsində "Karmen" obrazını yaradır. Ən yaddaqalan çıxışı isə Türkiyədəki “Aspendos” antik teatrının səhnəsində açıq səma altında, opera sənətinin biliciləri və həvəskarları olan ən incə zövqlü 15 min tamaşaçının toplaşdığı gündəki çıxışıdır.[5]

Fidan Hacıyevanın səsinə valeh olan italyanlar onu 2002-ci ildə İtaliyanın Kidjiano Akademiyasında keçirilən Beynəlxalq müsabiqəyə dəvət edirlər. Opera müğənnisi həmin müsabiqədə iştirak edir və qalib olur. Operanın vətəni sayılan İtaliyada mezzo-soprano Bernadette Manca di Nissanın dərslərini dinləyir. Daha sonra Fidan Hacıyeva vətənə qayıdır və müəllimi professor Hüseyn Əliyevin sinfində aspirantura pilləsinə yiyələnir.

Sənətçinin 2003-cü ildə "Jealousy and love" (azərb. Məhəbbət və Qısqanclıq) adlı ilk albomu işıq üzü görür.

2004-cü ildə Azərbaycan Respublikası Müdafiə Nazirliyinin Həzi Aslanov adına Mahnı və Rəqs Ansamblının baş solisti olur.

2005-ci ildə Azərbaycan nümayəndə heyətinin tərkibində Yaponiyanın Naqoya şəhərində keçirilən EXPO-2005[6] Beynəlxalq sərgidə iştirak edərək, Azərbaycan musiqisini təqdim etməklə yanaşı, yapon dilində mahnılar ifa etməsi yapon xalqında özünə qarşı böyük təəccüb və sevgi hissi yaradır.

2006-cı ildə opera müğənnisi "Azərbaycan Respublikasının Əməkdar Artisti" adına layiq görülmüş və Azərbaycan Respublikası Prezidentinin Fəxri mükafatı ilə təltif olunur. Həmin ilin oktyabr ayında Almaniyada keçirilən Azərbaycan mədəniyyəti günlərində Teymur Göyçayevin dirijorluq etdiyi Azərbaycan Dövlət Kamera Orkestrinın müşayiəti ilə Berlin Filarmoniyasında, ŞtutqartMayns şəhərlərinin teatrlarında silsilə konsertlər verir.

2007-ci il mayın 11-də səhnə fəaliyyəti ilə bağlı Azərbaycan Respublikası Prezidentinin mükafatına layiq görülür.[7]

2008-ci ilin Dekabr ayında hərbi xidmətçilər üçün vətənpərvərlik mövzusunda təşkil edilmiş silsilə konsert proqramlarında çıxış edir.[8]. May ayının 7-də ikinci dəfə səhnə fəaliyyəti ilə bağlı Azərbaycan Respublikası Prezidentinin mükafatına layiq görülür.[9] Oktyabr ayında isə Azərbaycan və Ukrayna Mədəniyyət Nazirliyinin birgə keçirdiyi Kiyev şəhərində Ukraynanın Xalq Artisti Aleksandr Buretzlə birgə konserti olur. 25 dekabrda isə Azərbaycanın Ukraynadakı səfirliyi, Kiyev Şəhər Dövlət Administrasiyası, Ukrayna Azərbaycanlıları Konqresinin Kiyev Şəhər Təşkilatı və "Ukrayna-Azərbaycan" Beynəlxalq Xeyriyyə Fondunun təşkil etdiyi, Ukrayna Milli Musiqi Akademiyasının P.İ.Çaykovski adına Opera Studiyasının salonunda Dünya Azərbaycanlılarının Həmrəyliyi Gününə həsr edilmiş konsertdə öz çıxışı ilə tamaşaçılara əsl sürpriz yaşadır. Azərbaycan və xarici ölkə bəstəkarlarının klassik əsərlərini ifa edən müğənnini royalda Azərbaycanın əməkdar incəsənət xadimi Cavan Zeynallı müşayiət edir. Azərbaycan artistlərinin yüksək ustalığı tamaşaçılar tərəfindən uzun sürən alqışlarla təqdir olunur.[10]

2009-cu ildə Türkiyənin Mersin Opera və Balet Teatrında, türkdilli ölkələrdən 18 opera müğənnisinin iştirak edəcəyi 12-ci TÜRKSOY Opera Günlərinin açılışında Azərbaycanı təmsil edir.[11]

2010-cu ildə İtaliyada, Roma Musiqi Akademiyasının təşkil etdiyi peşəkar vokal ifaçılarının müsabiqəsində birinci yeri tutur.[12]Daha sonra dünya şöhrətli mezzo-soprano Bruna Buglioninin yanında vokal təhsilini davam etdirir.

2011-ci ilin ilk həftəsində Türkiyənin Samsun Dövlət Opera Teatrında "Karmen" obrazını canlandırır. Mayın 9-da Azərbaycanın İtaliyadakı səfirliyinin təşəbbüsü ilə, İtaliyanın paytaxtı Romanın ən böyük konsert salonu olan Santa Çeçilia Milli Musiqi Akademiyasının “Auditorium Parco della Musica” kompleksində, Heydər Əliyevin anadan olmasının 88-ci ildönümümə həsr edilmiş solo konserti ilə çıxış edir. O pianoçu Zülfiyyə Sadıqova və İtaliya pianoçusu Paolo Saraçinonun müşayiəti ilə Azərbaycan və İtaliya opera musiqisindən nümunələr ifa edir.[13][14]Mayın 25-də isə Akademik Opera və Balet Teatrında Cüzeppe Verdinin «Aida» operası tamaşaya qoyulur. Teatrın rəhbərliyi bu tamaşanı idarə etmək üçün məşhur italyan dirijoru Canluka Marçianonu dəvət edir.[15] Fidan Hacıyevanın böyük peşəkarlıqla ifa etdiyi "Amneris" partiyası italiyan dirijoru Gianluca Marcianonu heyran edir. İyunun ilk günlərində Fidan Hacıyeva Bakıda fransız tenoru Jean-Francis Monvoisinlə birgə konsert proqramı təşkil edir. Gecədə Opera və Balet Teatrının simfonik orkestrinin müşayiəti ilə Azərbaycan, fransız və italyan bəstəkarlarının əsərlərindən parçalar ifa olunur. Orkestr isə dirijor, Xalq artisti Cavanşir Cəfərov tərəfindən idarə olunur.[16] İyunun 25-də İtalianın Montejiore Konka şəhərində keçirilən yay festivalı çərçivəsində Fidan Hacıyevanın iştirakı ilə Cakomo Puççininin "Suor Angelica" operası səhnələşdirilir. Avqustun 19-da Azərbaycan Musiqi Mədəniyyəti Dövlət Muzeyinin təşkilatçılığı və Bəstəkarlar İttifaqının dəstəyi ilə SSRİ-nin və Azərbaycanın Xalq artisti, SSRİ və Azərbaycan Dövlət mükafatları laureatı, Cəvahirləl Nehru adına Beynəlxalq mükafat laureatı, Sosialist Əməyi Qəhrəmanı, görkəmli bəstəkar və dirijor Niyazinin (Tağızadə-Hacıbəyov) anadan olmasının 99-cu ildönümünə həsr olunmuş gecədə marağa səbəb olacaq ifalarla çıxış edir.[17]Sentyabrın 18-də o, İtaliyanın Fraskati şəhərində opera müğənnilərinin konsertində böyük uğurla çıxış edir. Fidan Hacıyeva konsertdə italyan müğənnisi Anna Konsolara ilə birgə “Aida” operasının ikinci pərdəsindən dueti ifa edir. Azərbaycan opera səhnəsinin ulduzu Fidan Hacıyeva, Qaetano Donizettinin “Favoritka” operasından Leonoranın ariyasını da dinləyicilərə təqdim edir. Sonda klassik opera sənətinin biliciləri Fidan Hacıyeva sənətini “Güclü və gözəl səs” deyə qiymətləndirirlər.[18]

2012-ci il Aprelin 16-da Heydər Əliyev Fondunun və Azərbaycanın Romadakı səfirliyinin dəstəyi, Mədəniyyət və Turizm Nazirliyinin təşkilatçılığı ilə İtaliyanın Turin şəhərində keçirilən Azərbaycan Mədəniyyəti Günlərində Fidan Hacıyeva öz virtouz ifaları ilə sözün həqiqi mənasında turinliləri heyran edir.[19]Daha sonra Venesiyada, Milanda Cüzeppe Verdinin Konservatoriyasında çıxış edir. Həmin il məşhur italyan dirijoru və pianoçusu Stefano Miceli, İtaliyanın Berqamo şəhərində yerləşən Donisetti adına teatrında təşkil edilmiş "Gran Gala" konsertinə Fidan Hacıyevanı xüsusi olaraq dəvət edir. Festivalın təşkilatçıları Fidan Hacıyevanı klassik italyan musiqisinin təbliğindəki xidmətinə görə "Sülhməramlı səfir" diplomu ilə təltif edirlər. Bununla da sənətçi Azərbaycana şərəf və şöhrət gətirən ən böyük uğuruna imza atmış olur.

2013-cü il Sentyabrın 18-də Azərbaycan Dövlət Akademik Opera və Balet Teatrında Heydər Əliyev FondununMədəniyyət və Turizm Nazirliyinin təşkilatçılığı ilə keçirilən Üzeyir Hacıbəyli V Beynəlxalq Musiqi Festivalının təntənəli açılış mərasimi münasibəti ilə "Arşın Mal Alan" operasında rol alır.[20]

2014-cü il Yanvarın 30-da Azərbaycan Dövlət Filarmoniyasının Kamera və Orqan Musiqi Zalında Dövlət Fortepiano Triosunun konsertində solist qismində Fidan Hacıyeva çıxış edir. Konsert proqramına Azərbaycanla yanaşı, Qərbi Avropa bəstəkarlarının kiçik musiqi əsərləri daxil olunur.[21] Martın 3-ü Mədəniyyət və Turizm Nazirliyinin və Azərbaycanın Böyük Britaniyadakı səfirliyinin dəstəyi ilə Londonda “King"s Place” incəsənət və kulinariya mərkəzində Novruz bayramı münasibətilə Fidan Hacıyevanın “Yazın səsi” adlı solo konsert proqramı təşkil olunur.[22] 19 apreldə isə ilk dəfə Heydər Əliyev adına sarayda - "Sevgili Canan" adlı solo konserti ilə çıxış edir.[23][24]

2015-ci ildə sənətçi Azərbaycan Respublikasında mədəniyyət sahəsində səmərəli fəaliyyətinə görə 8 Mart Beynəlxalq Qadınlar Günü münasibətilə Prezident İlham Əliyevin imzaladığı sərəncama əsasən "Xalq artisti" adına layiq görülür[1] [25] və eyni zamanda Azərbaycan Respublikası Daxili İşlər Nazirliyinin Daxili Qoşunlar Baş İdarəsinin leytenantı rütbəsini alır. Aprelin 19-u Heydər Əliyev adına sarayda "Bir bahar axşamı" adlı sayca ikinci solo konserti ilə çıxış edir. Noyabrın 23-də “Kapellhaus” Alman-Azərbaycan Mədəniyyət Birliyinin orqan musiqisi zalında tanınmış bəstəkar, Əməkdar incəsənət xadimi Ruhəngiz Qasımovanın anadan olmasının 75 illiyinə həsr edilmiş tədbirdə iştirak edir. Noyabrın 28-də Dövlət Akademik Opera və Balet TeatrındaArşın mal alan” operettasının tamaşaya qoyulur. Baş tutacaq tamaşanın özəlliyi bu tamaşada ilk dəfə Gülçöhrə rolunda Xalq artisti Fidan Hacıyevanın çıxış etməsi olur.

2016-cı ilin Fevralın 14-də Azərbaycan Dövlət Akademik Opera və Balet Teatrında teatrın solisti, Əməkdar artist Cahangir Qurbanovun “İki canda bir ürək” adlı solo konsertində Fidan Hacıyeva və Əməkdar artist Fərid ƏliyevCahangir Qurbanovla eyni səhnəni bölüşərək, birlikdə duet ifa edirlər. [26] 11-15 may tarixlərində Britaniya Kraliçası II Yelizavetanın 90 illik yubileyi şərəfinə Londonda təşkil olunan tədbirlərdə Mədəniyyət və Turizm Nazirliyinin, Avropa Azərbaycan Cəmiyyətinin (TEAS) və Azərbaycan Respublikası Atçılıq Federasiyasının (ARAF) birgə təşkilatçılığı ilə Azərbaycan nümayəndə heyəti də iştirak edir. Azərbaycan mədəniyyətinin təqdimatı tarzən Rafiq Rüstəmov və Xalq artisti Fidan Hacıyevanın ifası ilə müşayiət olunur.[27]Tədbirdə Azərbaycan mədəniyyəti pavilyonu fəaliyyət göstərir. Pavilyonda ölkəmizin mədəniyyəti, adət-ənənələri, folkloru, mətbəxi əksini tapıb. Əlvan xalçalar, milli geyimlər, suvenirlər, ədəbiyyat, memarlıq nümunələrinin sərgisi keçirilir. Pavilyona baş çəkənlərə milli şirniyyatlar təqdim olunur, ölkəmiz haqqında nəşr və disklər paylanılır, musiqilər səsləndirilir. 2016-cı il 20 dekabr tarixində Belarus Milli Akademik Böyük Opera və Balet Teatrının dəvəti ilə Minskdə 7-ci beynəlxalq dünya forumunda iştirak edir. Forum çərçivəsində təşkil olunmuş qala konsertdə bir sıra ölkələrdən məşhur vokalistlər dəvət olunur, Azərbaycanı isə Fidan Hacıyeva təmsil edir.

2017-ci il Aprelin 20-də Fidan Hacıyeva Minskdə Jorj Bizenin "Karmen" operasının tamaşasında əsas partiyanı - "Karmen" obrazını canlandırır. İyulun 14-də isə Parisdə fəaliyyət göstərən Azərbaycanın Dostları Assosiasiyası (ADA) Fransa Respublikasının Milli Bayramı münasibətilə Parisdəki Azərbaycan Mədəniyyət Mərkəzində klassik musiqi gecəsində Fidan Hacıyeva, Parisdə yaşayan azərbaycanlılar və Fransa xalqı üçün, məşhur Azərbaycan və Avropa bəstəkarlarının klassik musiqilərindən ibarət seçmə nümunələr daxil etdiyi konsert proqramı təqdim edir.[28][29][30]

"Karmen"[redaktə | əsas redaktə]

Məşhur fransız bəstəkarı Jorj Bizenin Lüdovik, Halevi və Anri Melyakın librettosuna bəstələdiyi 4 pərdəli faciə janrındakı operanın Fidan Hacıyeva yaradıcılığında xüsusi yeri var. "Karmen" uğuru, ilk dəfə 19 yaşlı solistin "Karmen"in rəfiqəsi "Mersedes"in ariyasını oxumaqla başlayır. Cəmi iki il sonra isə artıq "Karmen"in çox mürəkkəb partiyası Fidan Hacıyevaya etibar olunur.

Öz dedilərinə görə opera ifaçısı "Karmen" müvəffəqiyyətini qazanmaq üçün zəhmət çəkməli, flamenko rəqsini öyrənməli, az qala taqətdən düşənə qədər məşq etməli olur. Fidan Hacıyeva "əsas məsələ öz qəhrəmanının xarakterinə tamamilə uyğunlaşmaqdır" deyərək hətda "Karmen"in vətəni Əndəlusa da gedir.[31]

Azərbaycan Respublikasının xalq artisti Fidan Hacıyeva

Sənətçi “Karmen” operasının ona həmişə uğur gətirdiyini, nə iş görsə "Karmen"dən "Habanera" ariyasını zümzümə etdiyini və bu operanın ailə uğuru olduğunu deyir. Hətda həyat yoldaşı ilə tanışlığında da xüsusi yeri məhz "Karmen" operası tutur.[32] Fidan Hacıyevaya ilk "Karmen" uğurunu arzulayan isə "Karmen"in məşhur ifaçılarından, Tamara Sinyavskaya olmuşdur.

İfa etdiyi operalar[redaktə | əsas redaktə]

Obraz Opera Bəstəkar
Xanəndə qız “Koroğlu” Üzeyir Hacıbəyov
Gülüş “Sevil” Fikrət Əmirov
Asya “Arşın Mal Alan” Üzeyir Hacıbəyov
Gülçöhrə[33] “Arşın Mal Alan” Üzeyir Hacıbəyov
Karmen “Karmen” Jorj Bize
Rozina “Sevilya bərbəri” Coakkino Rossini
Amneris[34] “Aida” Cüzeppe Verdi
Azuçena “Trubadur” Cüzeppe Verdi
Maddalena “Riqoletto” Cüzeppe Verdi
La Prinçipessa “Suor Ancelika” Cakomo Puççini

Albomları[redaktə | əsas redaktə]

İl Albom Yayımlanma tarixi
2003 “Jealousy and Love”(azərb. Qısqanclıq və Məhəbbət) 2003.--.--
2014 “Sevgilim” 2014.--.--

Konsertləri[redaktə | əsas redaktə]

Solo konsertləri[redaktə | əsas redaktə]

Tarix Ölkə, Şəhər Yer Konsertin adı Dirijor Müşayiətçi
2008.10.-- Flag of Ukraine.svg Ukrayna, Kiyev - "Aleksandr Buretzlə birgə" - -
2011.05.09 Flag of Italy.svg İtaliya, Roma Auditorium Parco della Musica "Heydər Əliyevin anadan olmasının 88-ci ildönümümə həsr edilmiş" - Zülfiyyə Sadıqova və Paolo Saraçino
2011.06.-- Flag of Azerbaijan.svg Azərbaycan, Bakı Azərbaycan Dövlət Akademik Opera və Balet Teatrı "Jean-Francis Monvoisinlə birgə" Cavanşir Cəfərov Azərbaycan Dövlət Akademik Opera və Balet Teatrının Simfonik Orkestri
2014.03.07 Flag of the United Kingdom.svg Böyük Britaniya, London London Kings Place "Sound of Spring" - Zülfiyyə Sadıqova
2014.04.19 Flag of Azerbaijan.svg Azərbaycan, Bakı Heydər Əliyev Sarayı "Sevgili Canan" Cavanşir Cəfərov Azərbaycan Dövlət Akademik Opera və Balet Teatrının Simfonik Orkestri
2015.04.19 Flag of Azerbaijan.svg Azərbaycan, Bakı Heydər Əliyev Sarayı "Bir Bahar Axşamı" Salman Qəmbərov Rəşid Behbudov adına m/t.-ın Estrada-Simfonik Orkestri
2017.07.14 Flag of France.svg Fransa, Paris Parisdəki Azərbaycan Mədəniyyət Mərkəzi "Fransa Respublikasının Milli Bayramı münasibətilə" - Zülfiyyə Sadıqova

Çıxış etdiyi konsertlər və tədbirlər[redaktə | əsas redaktə]

Tarix Ölkə, Şəhər Yer Konsertin və ya tədbirin adı Dirijor Müşayiətçi
2000.--.-- Flag of Turkey.svg Türkiyə - "TÜRKSOY"un opera günləri - -
2005.--.-- Flag of Japan.svg Yaponiya, Naqoya - "EXPO 2005" Beynəlxaq sərgi - -
2006.10.-- Flag of Germany.svg Almaniya, Berlin Berlin Filarmoniyası "Azərbaycan Mədəniyyət Günləri" Teymur Göyçayev Azərbaycan Dövlət Kamera Orkestri
2006.10.-- Flag of Germany.svg Almaniya, Ştutqart - "Azərbaycan Mədəniyyət Günləri" Teymur Göyçayev Azərbaycan Dövlət Kamera Orkestri
2006.10.-- Flag of Germany.svg Almaniya, Mayns - "Azərbaycan Mədəniyyət Günləri" Teymur Göyçayev Azərbaycan Dövlət Kamera Orkestri
2008.12.25 Flag of Ukraine.svg Ukrayna, Kiyev Ukrayna Milli Musiqi Akademiyasının Opera Studiyası "Dünya Azərbaycanlılarının Həmrəyliyi Günü" münasibəti ilə - Cavan Zeynallı
2009.--.-- Flag of Turkey.svg Türkiyə, Mersin Mersin Opera və Balet Teatrı 12-ci "TÜRKSOY" opera günləri - -
2011.08.19 Flag of Azerbaijan.svg Azərbaycan, Bakı Azərbaycan Musiqi Mədəniyyəti Dövlət Muzeyi "Niyazinin anadan olmasının 99-cu ildönümünə həsr olunmuş" gecə - -
2011.09.18 Flag of Italy.svg İtaliya, Sassari - "Opera Müğənnilərinin konserti" - -
2012.04.16 Flag of Italy.svg İtaliya, Turin - "Azərbaycan Mədəniyyət Günləri" - -
2012.04.-- Flag of Italy.svg İtaliya, Venesiya - - - -
2012.04.-- Flag of Italy.svg İtaliya, Milan Cüzeppe Verdi adına Milan Konservatoriyası - - -
2012.--.-- Flag of Italy.svg İtaliya, Berqamo Donizetti teatrı "Gran Gala" konserti Stefano Miceli -
2014.--.-- Flag of Azerbaijan.svg Azərbaycan, Bakı Azərbaycan Dövlət Filarmoniyasının Kamera və Orqan Musiqi Zalı "Dövlət Fortepiano Triosunun konserti" - -
2015.11.23 Flag of Azerbaijan.svg Azərbaycan, Bakı “Kapellhaus” Alman-Azərbaycan Mədəniyyət Birliyinin orqan musiqisi zalı "Ruhəngiz Qasımovanın anadan olmasının 75 illiyinə həsr edilmiş" tədbir - -
2016.02.14 Flag of Azerbaijan.svg Azərbaycan, Bakı Azərbaycan Dövlət Akademik Opera və Balet Teatrı Cahangir Qurbanovun “İki canda bir ürək” adlı solo konserti Cavanşir Cəfərov Azərbaycan Dövlət Akademik Opera və Balet Teatrının Simfonik Orkestri
2016.05.11-15 Flag of the United Kingdom.svg Böyük Britaniya, London - "Britaniya Kraliçası II Yelizavetanın 90 illik yubileyi şərəfinə" tədbir - -
2016.12.20 Flag of Belarus.svg Belarus, Minsk Belarus Milli Akademik Böyük Opera və Balet Teatrı " 7-ci beynəlxalq dünya forumu" - -
2017.05.28 Flag of Azerbaijan.svg Azərbaycan, Bakı, Zirə Zirə Mədəniyyət Mərkəzi "28 May Respublika Günü Münasibəti ilə" (tələbələri ilə) - Şahin Yəhyəzadə
2017.06.11 Flag of Azerbaijan.svg Azərbaycan, Bakı Rəşid Behbudov adına Dövlət Mahnı Teatrı "Yeni Səslər" (tələbələri ilə) - Şahin Yəhyəzadə və Zülfiyyə Sadıqova

Fidan Hacıyeva adına Vokal Musiqi Məktəbi[redaktə | əsas redaktə]

2016-cı ildə öz adını daşıyan, illərdir gerçəkləşdirmək istədiyi Musiqi Mərkəzini yaradır. Sənətçinin əsas məqsədi tələbələrinə dərs keçmək üçün tədris yeri yaratmaq olur. Lakin musiqi mərkəzi getdikcə böyük tələbə kütləsi ilə üz üzə qalır. Bu səbəbdən də əsasən Fidan Hacıyeva vokal sənəti və klassik musiqilərin tədris olunmasına xidmət edən mərkəzdə, əlavə olaraq caz, klassik estrada, fortepiano, saksafon, skripkagitara ixtisasları da tədris olunur.[35] Mərkəzin adı 2017-ci il Avqustun 9-na qədər "Fidan Hacyevanın Musiqi Mərkəzi", bu tarixdən etibarən isə "Fidan Hacıyeva adına Vokal Musiqi Mərkəzi" adlandırılıb.

2017-ci il 25 Fevralda Musiqi Mərkəzinin tədris zalında, Fidan Hacıyevanın tələbələri ilk dəfə konsert verir və konsert Xocalı soyqırımına həsr olunur. Tamaşaçı sayının az olmasına baxmayaraq, Böyük BritaniyaŞimali İrlandiya Birləşmiş Krallığının Azərbaycandakı səfiri Karol Meri Krofts konsertin izləyiciləri sırasında olur.[36] 2017-ci il 28 Mayda Fidan Hacıyevanın tələbələrinin Azərbaycan Xalq Cumhuriyyətinin yaranmasının 99-cu il dönümünə həsr olunan, Zirə Mədəniyyət Mərkəzində, sayca ikinci, böyük auditoriya qarşısında isə ilk konsertləri reallaşır. Tamaşaçılar üçün sürpriz məqam Fidan Hacıyevanın tələbələri ilə konsertdə birgə çıxışlar etməsi və öz tələbələri ilə müxtəlif dillərdə duetlər və mahnılar oxuması olur. Bununla da o, öz tələbələrinin ilk karyera addımlarında onlara ən böyük dəstəyi vermiş olur. Hətda tələbələrinin opera ifası bacarıqlarını nümayiş etdirmək üçün bir tələbəsi ilə Üzeyir Hacıbəyovun "Arşın Mal Alan" operasından "Əskər və Gülçöhrənin ariyası"nı da ifa edir. Bu ifa ən uzun sürəli alqışlarla qarşılanır. [37][38][39][40] 2017-ci il 11 İyun tarixində Rəşid Behbudov adına Azərbaycan Dövlət Mahnı Teatrında Musiqi Mərkəzinin yaranmasının bir illiyi münasibəti ilə daha bir tələbələrdən ibarət "Yeni Səslər" adlı konsert proqramı tamaşaçılara təqdim olunur. [41]Bu konsert proqramı digər konsertlərdən tamaşaçı sayının daha çox olması ilə yanaşı ifalar və janrlarla da fərqlənir. Xüsusi ilə Elçin Əliyev adlı tələbəsinin Cakomo Puççininin "Turandot" operasından "Nessun Dorma" ariyasını ifa etməsi tamaşaçıları heyrətə gətirir.[42][43][44]Bununla yanaşı Nəzrin Həsənzadə adlı tələbəsinin Jorj Bizenin "Karmen" operasından "Habanera" ariyasını ifa etməsi Fidan Hacıyevanın opera davamçılarının olmasını bir daha sübuta yetirir. Daha bir opera parçasını Fidan Hacıyeva, tələbəsi Elçin Əliyevlə birgə ifa edir. Üzeyir Hacıbəyovun "Arşın mal alan" operasından "Əskər və Gülçöhrənin ariyası"nı ifa edən tələbə-müəllim cütlüyünün bu ifası tamaşaçılar tərəfindən xüsusi heyrətlə və ən uzun alqışlarla qarşılanır.[45][46][47][48][49][50][51] Hal hazırda isə Fidan Hacıyeva Elçin Əliyevi və onunla yanaşı digər tələbəsi olan Ariz Nəbiyevi 2017-ci ilin dekabr ayında Belarusiyada keçiriləcək 4-cü Beynəlxalq Minsk Voklaçılar Müsabiqəsinə hazırlayır.[52]

Şəxsi həyatı[redaktə | əsas redaktə]

Fidan Hacıyeva 2003-cü ildə İngiltərə vətəndaşı Filip Neylorla ailə qurub.[53] Onların bu nikahdan 1 qız və 2 oğlan övladları var[54].

İstinadlar[redaktə | əsas redaktə]

  1. 1,0 1,1 "Azərbaycan qadınlarının bir qrupuna fəxri adların verilməsi haqqında Azərbaycan Respublikası Prezidentinin 5 mart 2015-ci il tarixli Sərəncamı" (az). president.az. president.az. 5 mart 2015. https://web.archive.org/web/20170423151619/http://www.president.az/articles/14476. İstifadə tarixi: 2015-03-09.
  2. Azərbaycan Dövlət Akademik Opera və Balet teatrı
  3. "Fidan Hacıyeva: “Ərim çox dəyişib, onda ingilislik heç nə qalmayıb”" (az). Lent.az. 23 Noyabr 2009. https://web.archive.org/web/20170718184133/http://kulis.az/news/6802.
  4. "Известность можно приобрести, и не уезжая из своей страны" (ru). Trend.az. 3 May 2009. https://web.archive.org/web/20170718184415/https://www.trend.az/life/interview/2749689.html.
  5. AZƏRTAC-a müsahibə -"Fidan Hacıyeva: Mən gözəl, keyfiyyətli musiqini sevirəm, onun hansı janra aid olması isə o qədər də əhəmiyyətli deyildir"
  6. EXPO-2005
  7. http://archive.president.az/articles.php?item_id=20070822031417234&sec_id=30
  8. Silahlı Qüvvələrin Mahnı və Rəqs Ansamblı cəbhə bölgələrində
  9. http://archive.president.az/articles.php?item_id=20080507110247946&sec_id=30
  10. Yaşasın Ukrayna azərbaycanlıları!
  11. 12-ci TÜRKSOY Opera Günləri
  12. Fidan Hacıyeva İtaliyada vokal müsabiqəsinin qalibi olub
  13. Fidan Hacıyeva İtaliyada ilk solo konsertlə çıxış edəcək
  14. Romanın ən böyük konsert salonunda xatirə konserti
  15. Opera və Balet Teatrında «Aida» Tamaşanı italiyalı dirijor idarə edəcək
  16. Azərbaycanlı və fransalı solistlərin birgə çıxışı
  17. Niyazinin anadan olmasının 99-cu ildönümü qeyd edilib
  18. Fidan Hacıyeva italiyalı sənətsevərlərin qəlbini yenidən fəth edib
  19. İtaliyada Azərbaycan Mədəniyyəti Günləri keçirilir
  20. Üzeyir Hacıbəyli V Beynəlxalq Musiqi Festivalının təntənəli açılış mərasimi olub
  21. Filarmoniya səhnəsində iki musiqi axşamı
  22. Londonda “Yazın səsi”
  23. Fidan Hacıyeva ilk dəfə Heydər Əliyev sarayında konsert verəcək
  24. Fidan Hacıyeva Heydər Əliyev sarayında konsert verdi
  25. Azərbaycan qadınlarının bir qrupuna fəxri adların verilməsi haqqında Azərbaycan Respublikası Prezidentinin Sərəncamı
  26. “İki canda bir ürək”
  27. Qarabağ ruhu Vindzora yayıldı
  28. Azərbaycanın Dostları Assosiasiyası Fransanın milli bayramını qeyd edib
  29. Parisdəki Azərbaycan Mədəniyyət Mərkəzində klassik musiqi gecəsi təşkil edilib
  30. Azərbaycanın Dostları Assosiasiyası Fransa Respublikasının Milli Bayramını qeyd edib
  31. Mən gözəl və keyfiyyətli musiqini sevirəm
  32. https://web.archive.org/web/20170719120002/http://kulis.az/news/6802
  33. Xalq Artisti Fidan Hacıyeva ilk dəfə Gülçöhrə rolunda səhnəyə çıxacaq
  34. «Aida» beynəlmiləl heyətlə nümayiş olunacaq
  35. https://web.archive.org/web/20170719120927/http://www.aznews.az/news/medeniyyet/134212.html
  36. https://www.instagram.com/p/BQ8lJM0DZnq/?taken-by=elchinaliyevofficial&hl=en
  37. Fidan Hacıyeva tələbələri ilə birlikdə konsert verib
  38. https://web.archive.org/web/20170719123237/https://www.trend.az/life/culture/2761665.html
  39. https://web.archive.org/web/20170719123424/http://www.primetime.az/news,22409,7c2bcc69/page,1/lang,az/
  40. Fidan Hacıyeva tələbələri ilə eyni səhnəni bölüşüb
  41. Fidan Hacıyeva: Dünyanın ən məşhur opera ifaçılarının öz musiqi mərkəzləri var
  42. https://www.youtube.com/watch?v=Ch10JK6nBHw
  43. Fidan Hacıyeva Azərbaycan səhnəsindən dünya operasına “Yeni Səs” gətirir
  44. Fidan Hacıyeva Azərbaycan səhnəsindən dünya operasına “Yeni Səs” gətirir
  45. https://web.archive.org/web/20170719124604/http://baymedia.az/news.php?id=69361#.WW9VvBO0ns0
  46. Fidan Hacıyeva tələbələri ilə birgə Mahnı Teatrında konsert verib
  47. Fidan Hacıyeva “Yeni Səs”ləri ilə birgə konsert verdi
  48. https://web.archive.org/web/20170719125558/http://www.movqe.az/news/medeniyyet/102334.html
  49. https://web.archive.org/web/20170719130032/http://palitranews.az/news.php?id=70785
  50. https://web.archive.org/web/20170719130217/http://azturk.tv/index.php?newsid=5897
  51. Лето, музыка, Баку (ФОТО)
  52. "Fidan Hacıyeva: "Arzularım çin olur"" (az). Azertag.az. 20 İyul 2017. http://azertag.az/xeber/Fidan_Haciyeva_arzularim_chin_olur_VIDEO-1079612.
  53. https://web.archive.org/web/20170719130818/http://aile.lent.az/read/5520
  54. Fidan Hacıyeva həyat yoldaşı ilə tanışlığından danışdı

Xarici keçidlər[redaktə | əsas redaktə]