Hacı Cəfər Məscidi

Vikipediya, azad ensiklopediya
Jump to navigation Jump to search

Hacı Cəfər məscidiAzərbaycanın Quba rayonunun inzibati ərazisində məscid.

XIX əsrin əvvəllərində rəcəb ayının 25-də yerli dindar Hacı Cəfər tərəfindən tikilmişdir. Bu, Qubanın ən böyük məscididir, sahəsi 400 kv. m. təşkil edir. Məscid bişmiş kərpicdən inşa olunmuş, 4 otaqdan ibarətdir. Məscid planda dördbucaqlı olub, əsas ibadət zalından və önündəki köməkçi otaqlardan ibarətdir. Məscidin əsas baş girişi şimal tərəfdəndir. Mehrab qapı ilə üzbəüz yerləşib. Əsas zalın ortasında tavan örtüyünü saxlamaq üçün iki ədəd sütun vardır. Qadınlar üçün ayrılmış kiçik zal ikinci mərtəbədə yerləşir. Məscidin günbəzi xaricdən ağ dəmir ilə örtülmüşdür. Məscidin şərəfi günbəzin üzərində yerləşir. Şərəfə çıxmaq üçün içəridə sağ tərəfdə pilləkənlər var. Məscid 1983–cü ildə ayinlər şurası tərəfindən bərpa olunmuş dini ocaq kimi istifadə olunur. Məsciddə mismardan istifadə edilməyərək hazırlanan qədim oyma naxışlı qapı qorunub saxlanıb.[1] [2] [3]

İstinadlar[redaktə | əsas redaktə]

  1. Dini Qurumlarla İş Üzrə Dövlət Komitəsi
  2. Quba Turizm Informasiya Merkezi - Guba Tourism Information Center
  3. Hacı Cəfər məscidi