Səkinəxanım məscidi
| Səkinəxanım məscidi | |
|---|---|
 | |
| 41°21′40″ şm. e. 48°30′42″ ş. u. | |
| Ölkə |
 Azərbaycan |
| Yerləşir | Quba rayonu |
| Tikilmə tarixi | 1854 |
| Üslubu | İslam memarlığı |
| İstinad nöm. | 298 |
| Kateqoriya | Məscid |
| Əhəmiyyəti | ölkə əhəmiyyətli |
Səkinəxanım məscidi — Azərbaycanın Quba rayonunun ərazisində yerləşən tarixi-memarlıq abidəsi.
"Səkinəxanım" məscidi XIX əsrə aiddir. Məscidi 1854-cü ildə böyük Azərbaycan yazıçısı və tarixçisi Abbasqulu ağa Bakıxanovun xatirəsini əbədiləşdirmək üçün həyat yoldaşı Səkinə xanım tikdirmişdir. Məscidi xüsusi memarlıq üslubunda olub, bütün digər məscidlərdən fərqilənir. Döşəməsi daş plitələrlə örtülüb, tavanı dörd böyük sütun üzərində dayanıb. Minbər qoz ağacından düzəldilib və səkkizpilləlidir. Məscidin interyeri çox nəfis şəkildə işlənib. Məscid dördbucaqlı formasındadır, doqquz pəncərəsi və iki qapısı var. Hündürlüyü 27 metrdir. Yerdən günbəzədək 9 metrdir. Günbəzin diametri 4,5 metrdir. Damı və günbəzin üstü dəmir təbəqə ilə örtülüb. Məscidinin nəzdində mədrəsə də var. Mədrəsə 1994-cü ildən fəaliyyət göstərir. Sovetlər dövründə tikiş fabriki kimi istifadə olunub.
1930-cu illərdə məscid Sovet hakimiyyəti tərəfindən bağlanmış, ətrafındakı mədrəsə və köməkçi binalar sökülərək dağıdılmışdır. Məsciddən əvvəllər anbar kimi istifadə olunub. Azərbaycan müstəqilliyini bərpa etdikdən sonra, 1992-ci ildə məsciddə təmir işləri aparılıb və məscid dindarların istifadəsinə verilmiş, ətrafına hasar çəkilmiş, su, kanalizasiya, işıq ,qaz xətləri bərpa edilmişdir. 1990-1993-cü illərdə dəstəmazxana və baş köməkçi binalar tikilmişdir.[1] [2] Məscidin bayır tərəfdən qapısının üstündə ərəb əlifbası ilə yazılmış lövhə var.
Məscidin günbəzinin üstündə məscidin şərəfəsi yerləşir. Şərəfəyə çıxmaq üçün yer məscidin içindədir. Hal-hazırda məscidin təmirə ehtiyacı yoxdur. Dindarlar tərəfindən məscid kimi istifadə olunur.