Hacı Cəfər məscidi

Vikipediya, azad ensiklopediya
Jump to navigation Jump to search
Hacı Cəfər məscidi
Мечеть Хаджи-Джафар.jpg
Ölkə Azərbaycan Azərbaycan
Rayon Quba rayonu

Hacı Cəfər məscidiAzərbaycanın Quba şəhərində məscid. Şəhərin ən böyük məscididir.

Memarlığı[redaktə | mənbəni redaktə et]

Hacı Cəfər məscidi Qubanın mərkəzində, bir neçə məscidin əhatəsində yerləşir. Şəhərin ən böyük məscididir, sahəsi 400m2 təşkil edir. Məscid bişmiş kərpicdən inşa olunmuş, 4 otaqdan ibarətdir. Məscid planda dördbucaqlı olub, əsas ibadət zalından və önündəki köməkçi otaqlardan ibarətdir. Məscidin əsas baş girişi şimal tərəfdəndir. Mehrab qapı ilə üzbəüz yerləşib. Əsas zalın ortasında tavan örtüyünü saxlamaq üçün iki ədəd sütun vardır. Qadınlar üçün ayrılmış kiçik zal ikinci mərtəbədə yerləşir. Məscidin günbəzi xaricdən ağ dəmir ilə örtülmüşdür. Məscidin şərəfi günbəzin üzərində yerləşir. Şərəfə çıxmaq üçün içəridə sağ tərəfdə pilləkənlər var.[1]

Tarixi[redaktə | mənbəni redaktə et]

Məscid 25 sentyabr 1905-ci ildə tikilmişdir. Tikintini yerli dindar Hacı Cəfər (Hacı Baba) adlı şəxs aparmışdır.[1] Yerli Azərbaycan mənbələrinə görə, 1905-ci il erməni-tatar müharibəsi zamanı erməni silahlı dəstələri Qubada etnik azərbaycanlılara (tatarlar) qarşı soyqırımı törədərkən məscidin axundu Hacı Baba ermənilərlə danışığa gedərək bunun qarşısını almışdır. 1920-ci ildə Azərbaycanda sovet hakimiyyətinin qurulmasından sonra məscid bağlanmışdır. Məscid bu dövrdə tələbə evi, sonra isə taxıl anbarı kimi istifadə olunmuşdur. 1944-cü ildən sonra isə yenidən məbəd olmuşdur. Məsciddə həm şiələr, həm də sünnilər namaz qılır.[2] 2014-cü ildə Qafqaz Müsəlmanları İdarəsinin sədri Allahşükür Paşazadə məscidin təmirinə 10 min manat ayırmışdır.[3]

İstinadlar[redaktə | mənbəni redaktə et]

  1. 1 2 "Hacı Cəfər məscidi". Kataloq.gomao.az. 29 sentyabr 2021 tarixində arxivləşdirilib. İstifadə tarixi: 29 sentyabr 2021.
  2. "Azərbaycanda şiə və sünnilərin birgə namaz qıldığı məscid – Orada qalan tələbələr dəli olurmuş – FOTO". Baku.WS. 2 sentyabr 2018. 29 sentyabr 2021 tarixində arxivləşdirilib. İstifadə tarixi: 29 sentyabr 2021.
  3. "Qubada Hacı Cəfər məscidi təmir olunacaq". Azadlıq Radiosu. 3 aprel 2014. 29 sentyabr 2021 tarixində arxivləşdirilib. İstifadə tarixi: 29 sentyabr 2021.