Hacıməmməd Qafqazlı

Vikipediya, açıq ensiklopediya
Jump to navigation Jump to search
Hacıməmməd Qafqazlı
Hacıməmməd Ələkbər oğlu Quliyev
Hacıməmməd Qafqazlı.jpg
İlk adı Hacıməmməd Quliyev
Doğum tarixi 22 mart 1898(1898-03-22)
Doğum yeri Lənkəran, Lənkəran qəzası, Bakı quberniyası, Rusiya İmperiyası
Vəfat tarixi 21 sentyabr 1982 (84 yaşında)
Vətəndaşlığı Flag of the Russian Empire (black-yellow-white).svg Rusiya İmperiyası
Flag of Azerbaijan 1918.svg AXC
Flag of the Soviet Union.svg SSRİ
Peşəsi aktyor

Quliyev Hacıməmməd Ələkbər oğlu (Hacıməmməd Qafqazlı) (22 mart 1898, Lənkəran21 sentyabr 1982, Bakı) — Azərbaycan aktyoru, Azərbaycan SSR-in əməkdar artisti (1943).

Həyatı[redaktə | əsas redaktə]

1898-ci ildə Lənkəranda şair ailəsində doğulan Hacıməmməd Qafqazlı əvvəlcə mollaxanada oxuyub, 9 yaşından isə 7-ci rus-müsəlman məktəbində təhsilini davam etdirib. 14 yaşından Orucov qardaşlarının mətbəəsində mürəttib kimi əmək fəaliyyətinə başlayıb. Sənətə, teatra olan hədsiz marağı həmin dövrdə Seyid Hüseyn, Nəriman Nərimanov və bir sıra tanınmış maarifçilərlə, ziyalılarla yaxından tanışlığına səbəb olub. Məhz bu maraqla 1920-ci ildə Maştağada ilk fəhlə-kəndli klubu yaradıb və klubun nəzdində dram dərnəyi təşkil edib. Burada Azərbaycan dramaturqlarının əsərlərini tamaşaya qoyaraq, rejissor kimi fəaliyyət göstərib. İstedadını görən Abbas Mirzə Şərifzadə təkidlə onu Milli Dram Teatrına dəvət edib. Dəvəti qəbul edən aktyor o vaxtdan ömrünün sonuna qədər bu teatrda çalışıb. İlk rolu isə Hüseyn Cavidin "Uçurum" pyesində olub. Bundan sonra teatrın səhnəsində 200-dən artıq müxtəlif səpkili obrazlar yaradıb, teatr sahəsindəki xidmətlərinə görə Azərbaycan SSR-in əməkdar artisti (1943) adına layiq görülüb.

H.Qafqazlı teatrda çalışmaqla bərabər "Fətəli xan", "Bir məhəllədən iki nəfər", "Yeddi oğul istərəm...", "Şərikli çörək" və s. filmlərdə çəkilib. Aktyorun son ekran işi "Mosfilm"in istehsal etdiyi "Tehran-43" filmi olub. Teatr aləminə gəldiyi gündən H.Qafqazlı dramatur Cəfər Cabbarlı ilə yaxın dost olub.

Hacıməmməd Qafqazlı 1982-ci ilin sentyabrında 84 yaşında dünyasını dəyişib.

Filmoqrafiya[redaktə | əsas redaktə]

  1. Arşın mal alan (film, 1965)
  2. Bir məhəllədən iki nəfər (film, 1957)
  3. Bir nömrəli... (film, 1980)
  4. Biri vardı, biri yoxdu... (film, 1967)
  5. Bismillah (film, 1925)
  6. Fətəli xan (film, 1947)
  7. Xoşbəxtlik qayğıları (film, 1976)
  8. Kölgələr sürünür (film, 1958)
  9. Qanun naminə (film, 1968)
  10. Qəribə adam (film, 1979)
  11. Qız qalası əfsanəsi (film, 1923) (tammetrajlı bədii film)
  12. Qızmar günəş altında (film, 1957)
  13. Səbuhi (film, 1941)
  14. Şərikli çörək (film, 1969)
  15. Torpaq. Dəniz. Od. Səma (film, 1967)
  16. Yeddi oğul istərəm... (film, 1970)

Mənbə[redaktə | əsas redaktə]

  • Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 51.