Hafiz Süleymanov

Vikipediya, açıq ensiklopediya
Keçid et: naviqasiya, axtar
Hafiz Süleymanov
Hafiz Süleymanov.png
Hafiz Süleymanov
Milliyəti azərbaycanlı
Doğum tarixi 23 yanvar 1967 (1967-01-23) (50 yaş)
Doğum yeri Sumqayıt, Azərbaycan SSR
Ölkə Sovet Sosialist Respublikaları İttifaqı, Türkiyə
İdman növü Ağır atletika
Ağırlıq dərəcəsi -56 kq, -59 kq, -60 kq

Hafiz Süleymanov (d.23.1.1967, Sumqayıt, Azərbaycan SSR, SSRİ) — Türkiyənin tanınmış ağır atleti. İndiyədək iki dəfə dünya çempionu, beş dəfə isə Avropa çempionu titulunu qazanıb.

Həyatı[redaktə | əsas redaktə]

Hafiz Süleymanov 1967-ci il sentyabrın 20-də Sumqayıt şəhərində anadan olub. Orta təhsilini də Sumqayıtda alıb. 1982-ci ilin oktyabr ayında Sumqayıt şəhərində “Polad” idman klubunda ağır atletikaya başlayıb. 1985-ci ildə gənclər arasında SSRİ çempionu olub. 1986-cı ildə hərbi xidmətə yollanıb. Hərbi xidmətdə idmançı olduğu üçün Moskvada-ÇSK-da keçib və əsas fəaliyyətlərinə orada başlayıb.

Fəaliyyəti[redaktə | əsas redaktə]

1986-cı ildə gənclər arasında Avropa çempionu olub. Dünya 3-cülüyünü qazanıb. Yenidən 1987-ci ildə gənclər arasında Avropa çempionu və dünya ikincisi olub. Həmin il gənclər arasında dünya çempionatında qızıl medal qazanıb. 1989-cu ildə böyüklər arasında Dünya və Avropa çempionluğunu qazanıb.

1989-cu ildə Ağır Atletika üzrə Dünya Çempionatında iştirakından sonra Azərbaycan Sovet Sosialist Respublikasını tərk edib və Türkiyəyə köçüb. O, Türkiyəni təmsil edən dövrdə ilk medalını 1990-cı ildə Macarıstanın paytaxtı Budapeştdə keçirilən Ağır Atletika üzrə Dünya Çempionatında 56 kq çəki dərəcəsində qazanıb. Təəssüf ki, o, ağır atletlərin qarşılıqlı mübarizəsi zamanı qolunu sındırdı. Hafiz Süleymanov Dünya və Avropa çempionatlarında müxtəlif medallar qazanıb, 1991-ci ildə Polşanın Vladıslovovo şəhərində keçirilən Ağır Atletika üzrə Avropa Çempionatında 56 kq çəki dərəcəsində və 1997-ci ildə Xorvatiyanın Riyeka şəhərində keçirilən Ağır Atletika üzrə Avropa Çempionatında 64 kq çəki dərəcəsində iki dəfə Avropa çempionu olub. 

Hafiz Süleymanov iki dəfə Olimpiadalarda, 1992-ci ildə İspaniyanın Barselona1996-cı ildə ABŞ-ın Atlanta şəhərində iştirak edib. Ancaq heç bir müvəffəqiyyətə nail ola bilmədi.[1]

1998-ci ildə Finlandiyanın Lahti şəhərində keçirilən Ağır Atletika üzrə Dünya Çempionatında 9-cu yerdə qərarlaşdı. daha sonralar 1999-cu ildə İspaniyanın La-Korunya şəhərində keçirilən Ağır Atletika üzrə Avropa Çempionatında və 1999-cu ildə Yunanıstanın Afina şəhərində keçirilən Ağır Atletika üzrə Dünya Çempionatında uğursuz münarizələri təkrarlandığı üçün Türkiyə Ağır Atletika Federasiyası onu milli komandadan uzaqlaşdırdı. Hafiz Süleymanoğlu bu zaman Azərbaycana dönəcəyini bildirdi.[2][3]

Qalereya[redaktə | əsas redaktə]

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. SSRİ-nin “vətən xaini” çıxardığı azərbaycanlı - Turqut Özal onu şəxsən qarşılayıb
  2. "78. Avrupa Halter Şampiyonası"Türkiye Online (in Turkish). 1999-04-14. Archived from the original on 2011-10-09. Retrieved 2011-11-06.
  3. "Hafız'a boykot"Hürriyet (in Turkish). 1999-11-25. Retrieved 2011-11-06.