Hamlet Hüseynov

Hamlet Hüseynov
Hamlet Abdulhəsən oğlu Hüseynov
Şəxsi məlumatlar
Doğum tarixi	9 may 1932(1932-05-09)
Doğum yeri	Salyan, Salyan rayonu, Azərbaycan SSR, ZSFSR, SSRİ
Vəfat tarixi	2 mart 2023(2023-03-02) (90 yaşında)
Vəfat yeri	Bakı, Azərbaycan
Dəfn yeri	Yasamal qəbiristanlığı
Vətəndaşlığı	SSRİ  Azərbaycan
Təhsili	H. Əliyev adına AAHM, Azərbaycan Dövlət Aqrar Universiteti
Hərbi fəaliyyəti
Mənsubiyyəti	Sovet Sosialist Respublikaları İttifaqı, Azərbaycan Respublikası
Döyüşlər	Birinci Qarabağ müharibəsi, Başkənd əməliyyatı
Təltifləri

Hamlet Abdulhəsən oğlu Hüseynov (9 may 1932, Salyan, Salyan rayonu – 2 mart 2023, Bakı) — Polkovnik, Birinci Qarabağ müharibəsində Gədəbəyin müdafisəsinin əsas təşkilatçılarından olmuş və Başkənd əməliyyatını həyata keçirmişdir.

Həyatı

Hamlet Hüseynov 1932-ci il mayın 9-da Salyan rayonunda anadan olmuşdur. O zaman kiçik Hamlet Hüseynovlar nəslində hərbçilər sülaləsinin əsasını qoymuş əmisi, İkinci Dünya müharibəsinin qəhrəmanı, rus-fin savaşının polk komandiri, Qırmızı Bayraq ordenli polkovnik Əlinağı Hüseynovun ibrətamiz ömür yolu ilə yeniyetmə çağlarından həmişə öyünürdü. Tale elə gətirdi, sovet dönəmində o da polkovnik rütbəsinədək yüksəldi, Azərbaycanın bir sıra bölgələrində — Gədəbəydə, Tovuzda, Sumqayıtda, Bakının Nəsimi rayonunda hərbi komissarlıqlara rəhbərlik etdi, respublika hərbi komissarının müavini oldu. Polkovnik Hamlet Hüseynovun xatirələrindən: "Nəslimizi Şirvandan konkret surətdə hansı güclü zəlzələ perik salıb, heç kəs bilmir. Bunu mən atam Məşədi Əbdülhəsəndən, o da ata-babalarından öyrənib. 1942-ci ildə bizim ailə İsmayıllıya köçdü. Mən orta məktəbi zəngin, əsrarəngiz təbiətə malik İsmayıllı rayonunda bitirdim və 1950-ci ildə tərəddüd etmədən Bakı Piyada Hərbi Məktəbini seçdim. Daha sonra Gəncədə Kənd Təsərrüfatı İnstitutunda ali təhsil alsam da, hərbi sahə saqqızımı oğurladı. Çünki Hüseynovların bir neçə nümayəndəsi — Qüdrət Hüseynov, İzzət Hüseynov, Məmmədhəsən Hüseynov, polkovnik Əlinağı Hüseynov və başqaları yenicə başa çatan sovet-alman müharibəsində rəşadət göstərmişdilər. Salyanda, İsmayıllıda bunu hamı bilir, nəslimizin hərbçi məharətini yüksək qiymətləndirirdilər. Bu, həm şərəf idi, həm də məsuliyyət. Və beləliklə, bu yolu sevə-sevə davam etdirdim, sələflərimə oxşamağa çalışdım". O, Sumqayıt şəhəri daxil Azərbaycanın bir sıra bölgələrində – hərbi komissarlıqlara rəhbərlik edib. Həmçinin Azərbaycan Respublikasının hərbi komissarının 1-ci müavini, Ordu korpusunun komandiri vəzifələrində çalışıb. Hamlet Hüseynov 2023-cü il 3 mart tarixində 91 yaşında vəfat etmişdir.

Hərbi fəaliyyəti

Birinci Qarabağ müharibəsində Gədəbəyin müdafisəsinin əsas təşkilatçılarından olan və Başkənd əməliyyatını həyata keçirən polkovnik Hamlet Hüseynov Azərbaycanın bir sıra bölgələrində: Gədəbəy, Tovuz, Sumqayıt, Bakının Nəsimi rayonunda hərbi komissarlıqlara rəhbərlik etmiş, Azərbaycan Respublikasının hərbi komissarınin 1-ci müavini, Ordu korpusunun komandiri vəzifələrində çalışıb.

Hərbi geyimdə

1962–1964-cü illərde Gədəbəydə, 1964–1970-ci illerdə isə Tovuzda hərbi komissar kimi fəaliyyət göstərmişdir. Bundan sonra dörd il Sumqayıt şəhərinin, beş il isə Bakının Nəsimi rayonunun hərbi komissarı olmuşdur. Nəhayət, 1979-cu ilin oktyabrından 1986-cı ilin iyun ayına kimi Azərbaycan Respublikası Hərbi Komissarlığında I hissənin rəisi, Respublika Hərbi komissarının müavini vəzifəsində çalışmışdır. 1986-cı ildə həmin vəzifədən ehtiyata buraxılmışdır. 36 illik hərbi həyat yolu belə olmuşdur.

Təltifləri

İki dəfə Azərbaycan Respublikası Ali Soveti Rəyasət Heyətinin Fəxri fərmanı ilə, həmçinin SSRİ Müdafiə Nazirliyi tərəfindən II medalla, 1982-ci ildə ise SSRİ Ali Soveti Rəyasət Heyeti tərəfindən Qırmızı Ulduz ordeni ile təltif olunmuşdur. 1962–1980-ci illərdə Respublikanın müxtəlif rayon ve şəhər sovetinin deputatı seçilmişdir.^{[mənbə göstərilməlidir]}

Mənbə

• "Polkovnikin Andı", Müzəffər Məlikməmmədov, 1998.
• "Salyanın Tanınmış Ziyalıları", İbrahim Hüseynov, 2007.