Kənan Hacı

Vikipediya, azad ensiklopediya
Jump to navigation Jump to search
Kənan Hacı
Kənan Şirbala oğlu Hacıyev
Kənan Hacıyev.jpg
Doğum tarixi
Doğum yeri Bakı, Buzovna qəsəbəsi
Vətəndaşlığı Azərbaycan Azərbaycan
Atası Şirbala Hacıyev
Milliyyəti azərbaycanlı
Fəaliyyəti şair, yazıçı, esseist, tərcüməçi
Mükafatları İlin ən yaxşı jurnalisti”, “2009-cu ilin Yeni Nəsil yazarı”, “Qızıl Qələm”, “Həsən bəy Zərdabi”, “Əli bəy Hüseynzadə

Kənan Hacı (Kənan Hacıyev; 1975, Bakı, Azərbaycan SSR) — şair, yazıçı, esseist, tərcüməçi.

Həyatı[redaktə | əsas redaktə]

Kənan Hacı 1975-ci ildə Bakının Buzovna qəsəbəsində anadan olub. 1992-ci ildə Xəzər rayonu Buzovna qəsəbəsinin 125 saylı orta məktəbini bitirib. 1995-ci ildə özəl universitetin jurnalistika fakültəsini bitirib.

Fəaliyyəti[redaktə | əsas redaktə]

1995-ci ildən yazıları mütəmadi olaraq dövri mətbuatda çap olunur. “İki sahil”, “Ədalət”, “Vətəndaş həmrəyliyi”, “Yazar” və digər qəzetlərdə çalışıb. APA İnformasiya Agentliyinin Kulis.az saytında redaktor, “Qanun” Nəşrlər Evində redaktor, Publika.az portalının redaktoru, Azərbaycan Respublikası Nazirlər Kabineti yanında Tərcümə Mərkəzinin “Aydın yol” qəzetində redaktor vəzifələrində çalışıb. Azərbaycan Yaradıcılıq Fondunun Sim-sim.az saytının redaktorudur.

Azərbaycan Yazıçılar Birliyinin üzvüdür. Müxtəlif ədəbi əsərlərdən ibarət 11 kitabı nəşr olunub. Tərcümələrindən ibarət 5 kitab çap olunub. Əsərləri rus, türk, ingilis, ukrayn dillərinə tərcümə olunub, müxtəlif nüfuzlu antologiyalarda, almanaxlarda dərc olunub.

Bakı Slavyan Universitetinin Yaradıcılıq fakültəsinin Elmi Şurasının üzvü olub. Azərbaycan Radiosunun “Qərib axşamlar” verilişinin iki buraxılışı onun yaradıcılığına həsr olunub. Yaradıcılığı haqqında Vaqif Yusifli, Əsəd Cahangir, Tofiq Abdin, Səlim Babullaoğlu, Ülvi Babasoy, Şərif Ağayar, Cəlil Cavanşir, Mətanət Vahid və digərləri yazılar yazıb.

Mükafatları[redaktə | əsas redaktə]

2004-cü ildə Müstəqil Media Mərkəzinin “İlin ən yaxşı jurnalistimükafatına layiq görülüb. Azərbaycan Respublikası Mədəniyyət və Turizm Nazirliyinin təşkilatçılığı ilə keçirilən “Kitab bayramı” yarışmasında “2009-cu ilin Yeni Nəsil yazarı” mükafatını alıb. “Qızıl Qələm” və “Həsən bəy Zərdabi” mükafatları laureatıdır. 2016-cı ildə Azərbaycan Yazıçılar Birliyi ilə “Ədəbiyyat qəzeti”nin təsis etdiyi “Əli bəy Hüseynzadə” mükafatına layiq görülüb.

Əsərləri[redaktə | əsas redaktə]

  • 2008-ci il - “Retro yuxular” (Xüsusi buraxılış)
  • 2009-cu il - “Özündən qaçmaq olmur” (şeir)
  • 2010-cu il - “Çəhrayı qan” (nəsr)
  • 2010-cu il - “Quşlar üçün karusel” (nəsr)
  • 2011-ci il - “Yağ kimi” (roman)
  • 2013-cü il - “Atamın sevgilisi” (nəsr)
  • 2013-cü il - “Yaddaş kartı” (memuar-roman)
  • 2014-cü il - “Rəqqasə” (roman)
  • 2015-ci il - “Uzaqdasan, soyuqdur” (şeir)
  • 2015-ci il - “Ədəbiyyatın kulisi” (esselər)
  • 2017-ci il - “Fironun dəftəri” (roman)
  • 2017-ci il - “İki qadını ayıran pəncərə” (nəsr)

Pyesləri[redaktə | əsas redaktə]

Tərcümələri[redaktə | əsas redaktə]

  • Lev Tolstoy – “İnsan nə ilə yaşayır
  • Umberto Eko – “Naməlum O
  • Həyat işığı” (Rus ədəbiyyatından seçmələr)
  • Əjdahanı necə öldürdülər” (Avropa yazarlarından hekayələr)
  • Actus reus” (müştərək)

İstinadlar[redaktə | əsas redaktə]