Kamal Cəfərov (hüquqşünas)

Vikipediya, azad ensiklopediya
Jump to navigation Jump to search
Kamal Cəfərov
Azərbaycan Respublikası Milli Məclisinin deputatıbayraq
 — hal-hazırda
 — 9 fevral 2020
Şəxsi məlumatlar
Partiya
Təhsili
Doğum tarixi (31 yaş)
Doğum yeri Bakı, Azərbaycan

Kamal Xaqani oğlu Cəfərov (15 dekabr 1989(1989-12-15), Bakı) — Azərbaycan Respublikası Milli Məclisinin VI çağırış deputatı, Yeni Azərbaycan Partiyasının İdarə Heyətinin üzvü, Baş Prokurorluğun Anti-Korrupsiya Təlim Mərkəzinin rəhbəri[1]

Həyatı və təhsili[redaktə | əsas redaktə]

Kamal Cəfərov 1989-cu il 15 dekabr tarixində Bakı şəhərində anadan olub.

Bakı Dövlət Universitetinin Hüquq fakultəsinin bakalavr pilləsini, Böyük Britaniyanın London Kral Universitetində (King’s College London) beynəlxalq vergi hüququ üzrə magistr pilləsini və Vyana şəhərində yerləşən Beynəlxalq Antikorrupsiya Akademiyasının “Antikorrupsiya elmləri üzrə” magistr proqramnı fərqlənmə ilə bitirib.[2]

Amerika Birləşmiş Ştatlarının Mərkəzi Texas Kollecində “Amerika hüquq sisteminə giriş” mövzusunda mübadilə proqramını və Azərbaycan Respublikasının Prezidenti yanında Dövlət İdarəçilik Akademiyasının “Dövlət və bələdiyyə idarəetməsi” ixtisası üzrə magistr proqramını (qiyabi əsaslarla) bitirib.[3]

K.Сəfərov Çirkli Pulların Yuyulmasına Qarşı Mübarizə üzrə Sertifikatlaşdırılmış Ekspertlər Assosiasiyasının (ACAMS) müvafiq imtahanını uğurla keçərərək çirkli pulların yuyulmasına qarşı mübarizə üzrə beynəlxalq ekspert sertifikatına layiq görülmüşdür.[2]

İngilis, fransızrus dillərini bilir.

2013-2014-cü illərdə hərbi xidmət keçib.

Əmək fəaliyyəti[redaktə | əsas redaktə]

Dövlət qulluğu[redaktə | əsas redaktə]

2012-2013-cü illərdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN Xidmət) beynəlxalq əlaqələr şöbəsində məsləhətçi və böyük məsləhətçi vəzifələrində işləyib.

2014-2016-ci illərdə Korrupsiyaya qarşı mübarizə üzrə Komissiyanın Katibliyinin böyük məsləhətçisi və Komissiya yanında Qanunvericiliyin təkmilləşdirilməsi üzrə İşçi Qrupun katibi, 2016-2020-ci illərdə Korrupsiyaya qarşı mübarizə üzrə Komissiyanın katibi vəzifəsində çalışıb.

Milli Məclis[redaktə | əsas redaktə]

2020-ci il 9 fevral tarixində keçirilən Azərbaycan Respublikası Milli Məclisinin VI çağırış deputat seçkilərində Kamal Cəfərov 2020-2025-ci illər üçün Yeni Azərbaycan Partiyasının namizədi olaraq 63 saylı Sabirabad 1-ci Seçki Dairəsindən deputat seçilib.

K.Cəfərov Milli Məclisdə iki komitənin üzvüdür:

  1. Hüquq siyasəti və dövlət quruculuğu komitəsi;[4]
  2. Müdafiə, təhlükəsizlik və korrupsiya ilə mübarizə komitəsi.[5]

K.Cəfərov cəza siyasətinin humanistləşdirilməsi və cəzaların dekriminallaşdırlması ilə bağlı Azərbaycan Respublikası Prezidenti İlham Əliyev tərəfindən təqdim edilən qanun layihələrini plenar iclasda məruzəçi kimi təqdim edib.[6]

K.Cəfərov Milli Məclisin İntizam Komissiyasının fəaliyyətini gücləndirmək üçün yaradılan İşçi Qrupun rəhbəridir.[7]

Beynəlxalq fəaliyyət[redaktə | əsas redaktə]

Avropa Şurası[redaktə | əsas redaktə]

Kamal Cəfərov Azərbaycanın Avropa Şurası Parlament Assambleyasındakı (AŞPA) nümayəndə heyətinin müavinidir.[8] 2015-ci ildən Avropa Şurasının Şərq tərəfdaşlığı proqramı çərçivəsində “Yaxşı idarəçilik və korrupsiyaya qarşı Mübarizə” layihəsinin Milli koordinatorudur.

QREKO[redaktə | əsas redaktə]

2017-ci ildən isə Avropa Şurasının Korrupsiyaya qarşı Dövlətlə Qrupunda (GRECO) Azərbaycanın nümayəndə heyətinə rəhbərlik edir.[9] K.Cəfərov QREKO tərəfindən ölkəmizə verilən tövsiyələrin icrası, anti-korrupsiya qanunvericiliyinin təkmilləşdirilməsində fəal iştirak etmiş, eyni zamanda bir sıra ölkələrin qiymətləndirmələrində iştirak etmişdir.

Parlamentlərarası əlaqələr[redaktə | əsas redaktə]

K.Cəfərov Azərbaycan-Belçika parlamentlərarası əlaqələr üzrə işçi qrupun rəhbəridir. [10] Bundan əlavə, o, Azərbaycan-Fransa, Azərbaycan-Böyük Britaniya, Azərbaycan-İtaliya, Azərbaycan-ABŞ, Azərbaycan-Macarıstan, Azərbaycan-Yaponiya, Azərbaycan-Avstraliya parlamentlərarası əlaqələr üzrə işçi qruplarının üzvüdür.

Açıq Hökumət Tərəfdaşlığı[redaktə | əsas redaktə]

K.Cəfərov 2016-cı ildən “Açıq Hökumət Tərəfdaşlığı” beynəlxalq təşkilatının Azərbaycan üzrə Milli koordinatorudur.[11]

Birləşmiş Millətlər Təşkilatı[redaktə | əsas redaktə]

K.Cəfərov 2015-ci ildən BMT-nin “Korrupsiya əleyhinə Konvesiyası”nın icrası üzrə Milli əlaqələndiricisidir. BMT-nin Korrupsiya Əleyhinə Konvensiyasının ölkəmiz tərəfindən 2-ci monitorinq mərəhələsi üzrə implementasiyası və onun dəyərləndirilməsi prosesinə rəhbərlik edir.

İctimai fəaliyyət[redaktə | əsas redaktə]

Kamal Cəfərov Avropa Hüquqşünas Tələbələr Assosiasiyası (ELSA) və Avropa Gənclər Parlamentinin Azərbaycan nümayəndəliklərinin təsisçisi olub.

2011-2013-cü illərdə Azərbaycan Hüquqşünaslar Konfederasiyasının Baş katibi olub.[12] [13]

K.Cəfərov korrupsiyaya qarşı mübarizə sahəsində təhsil və ictimai maarifləndirməni həyata keçirən Azərbaycan Antikorrupsiya Akademiyasının (AZAKA) idarə heyətinin üzvüdür.

Məqalələri[redaktə | əsas redaktə]

İngiltərənin "The Guardian" nəşri[14], İsrailin "Yerusəlim Post"[15], İspaniyanın "La Vanguardia"[16], Türkiyənin “Hurriyet Daily News” nəşri[17] və bir sıra yerli xəbər saytlarında məqalələri dərc edilib.

Ailəsi[redaktə | əsas redaktə]

Evlidir.

İstinadlar[redaktə | əsas redaktə]

  1. https://azertag.az/xeber/Azerbaycan_Respublikasinin_Bas_prokuroru_yaninda_Elmi_Meslehet_Surasinin_iclasi_kechirilib-1810023
  2. 1 2 "Arxivlənmiş surət". 2019-08-22 tarixində orijinalından arxivləşdirilib. İstifadə tarixi: 2019-08-22.
  3. "Arxivlənmiş surət". 2019-08-22 tarixində orijinalından arxivləşdirilib. İstifadə tarixi: 2019-08-22.
  4. http://www.meclis.gov.az/?/az/content/185
  5. http://www.meclis.gov.az/?/az/content/198/
  6. https://azertag.az/xeber/Milli_Meclisin_novbeti_plenar_iclasi_kechirilib-1471785
  7. https://www.moderator.az/news/319279.html
  8. "Arxivlənmiş surət". 2020-09-21 tarixində orijinalından arxivləşdirilib. İstifadə tarixi: 2020-04-29.
  9. https://www.coe.int/en/web/greco/structure/member-and-observers#{%2222358830%22:%5B4%5D}
  10. http://www.meclis.gov.az/?/az/workgroups/100
  11. https://www.opengovpartnership.org/people/kamal-jafarov/
  12. https://modern.az/az/news/33844/
  13. https://modern.az/az/news/32396
  14. https://www.theguardian.com/public-leaders-network/2013/jul/31/azerbaijan-public-service-assessment-network
  15. https://www.jpost.com/opinion/armenia-has-bonds-with-turkey-just-as-much-as-azerbaijan-646816
  16. https://www.lavanguardia.com/politica/20210209/6234909/azerbaiyan-denuncia-armenia-tedh-guerra-nagorno-karabaj.html
  17. https://www.hurriyetdailynews.com/the-new-trend-of-azerbaijan-asan-54281