Kamil Vəzirov

Vikipediya, azad ensiklopediya
Jump to navigation Jump to search
Kamil Vəzirov
Kamil Səfərəli Oğlu Vəzirov
Doğum tarixi 2 avqust 1949(1949-08-02)
Doğum yeri Bakı
Vəfat tarixi 13 fevral 2018 (68 yaşında)
Vəfat yeri Bakı
Vətəndaşlığı
Peşəsi musiqiçi

Musiqi aləti qarmon
Mükafatları Azərbaycan Respublikasının Xalq Artisti

Kamil Səfərəli oğlu Vəzirov-Azərbaycan qarmon ifaçısı,Azərbaycan Respublikasının xalq artisti.

Həyat və fəaliyyəti[redaktə | əsas redaktə]

Kamil Vəzirov 1949-cu il sentyabr ayının 2-də Bakı şəhərində anadan olmuşdur. Orta məktəbi bitirərək o, 1964-1968- ci illərdə A.Zeynallı adına Musiqi Məktəbinin instrumental ifaçılıq şöbəsində,1972-1977- ci illərdə M.Əliyev adına İncəsənət İnstitutunun Mədəni-maarif fakültəsində təhsil almışdır.

Görkəmli müğənni, SSRİ Xalq artisti Rəşid Behbudovun dəvəti ilə Kamil Vəzirov 1974-cü ildə Azərbaycan Dövlət Mahnı Teatrına solist kimi qəbul olunmuş və 2014-cü ilədək burada fəaliyyət göstərmişdir. O, kollektivlə birgə dünyanın bir çox ölkələrində -Böyük Britaniya, Fransa, Rusiya, Almaniya, Avstriya, İsveç, Çin,Meksika, Nepal, Pakistan, Hindistan, İsveçrə, Danimarka, Ukrayna,Türkiyə, İran, Gürcüstanda Azərbaycan incəsənətini layiqincə təbliğ etmiş, milli musiqimizə geniş şöhrət qazandırmışdır.

Gözəl ifaçı bir çox xarici dövlətlərdə təşkil olunan Azərbaycan Mədəniyyət Günlərində, Beynəlxalq miqyaslı tədbirlərdə, habelə Hannover şəhərində keçirilən “Expo-2000” ümumdünya sərgisində çıxış etmişdir.

Sənətkar respublikamızda keçirilən bir çox dövlət səviyyəli irimiqyaslı tədbirlərin, yubiley və xatirə gecələrinin iştirakçısı olmuşdur.2000-ci ildə o, milli musiqi mədəniyyəti sahəsindəki xidmətlərinə görə Azərbaycan Respublikasının Əməkdar artisti,2008-ci ildə Xalq artisti fəxri adlarına layiq görülmüşdür.Xalqın sevimli sənətkarı, bənzərsiz qarmon ifaçısı,Respublikanın Xalq artisti Kamil Səfərəli oğlu Vəzirov 2018-ci il fevralın 13-də vəfat etmişdir.

Qardaşı da həmçinin musiqiçi,Azərbaycan Respublikasının Əməkdar artisti Ədalət Vəzirov idi[1].

Ailəsi

Evlidir, 3 oğlu,1 qızı, 8 nəvəsi var.

İstinadlar[redaktə | əsas redaktə]

  1. Kamil Səfərəli oğlu Vəzirov.Mədəniyyət və Turizm Nazirliyi.

Xarici keçidlər[redaktə | əsas redaktə]