Kelvinqrov parkı

Vikipediya, azad ensiklopediya
Jump to navigation Jump to search
Kelvinqrov parkı
Kelvingrove Lawn Bowls Centre Glasgow Scotland 12281737414.jpg
Məlumatlar
YerləşməsiQlazqo, Şotlandiya
Koordinatları55°52′06″ şm. e. 4°17′11″ q. u.
Sahəsi34 ha
Yaranma ili1852
TabeçiliyiQlazqo şəhər bələdiyyəsi
Statusuilboyu açıq
Ən yaxın ictimai nəqliyyatKelvinbric metro stansiyası

Kelvinqrov parkı (ing. Kelvingrove Park) — Qlazqonun qərbi hissəsində, Kelvin çayının üstündə yerləşən, 34 hektar sahəsi olan park. Parkda Kelvinqrov İncəsənət Qalereyası və Muzeyi yerləşir.

Tarixi[redaktə | əsas redaktə]

Park ingilis bağban Ser Cosef Pakston tərəfindən 1852-ci ildə "Vest End parkı" kimi yaradılmışdır. Qlazqo şəhər bələdiyyəsi əvvəllər Kelvinqrov və Vudlends məhəllələrini təmsil edən torpaqları, o vaxt £99,569 məbləğində satın almışdı.[1] Park şəhərin qərb tərəfinin davamlı genişləndirilməsi, istirahət və şəhər mərkəzinin sürətlə xarabaya dönməsindən qurtarmaq üçün nəzərdə tutulmuşdur.[2]

Böyük Sərgilər[redaktə | əsas redaktə]

Parkda 1888 Beynəlxalq Sərgi, 1901 Beynəlxalq Sərgi və 1911 Şotlandiya Sərgisi keçirilmişdir. Beynəlxalq sərgilər üçün parkda böyük və əzəmətli binalar, o cümlədən hind pavilyonu və rus restoran binası inşa olunmuşdur.[2]

Coğrafi yerləşməsi və xüsusiyyətləri[redaktə | əsas redaktə]

Qlazqonun Vest Endində yerləşən parkın ölçüsü 34 hektardır.[2] Heyvanlar üçün sığınacaq olan parkdan Kelvin çayı keçir. Parkın sahəsində boz vağ, qarabatdaq, zərricə, yaşılbaş ördəkböyük pazdimdik quşları, digər heyvanlardan isə qırmızı tülkü, qəhvəyi siçovul, adi sincabsu samuruna rast gəlmək olar.[3] Parkı qərbini Qilmorhil və Qlazqo Universiteti, cənubunu AnderstonPartik rayonları, şərqini Çarinq Kross və şimalını HilhedVudsayd rayonları əhatə edir. Bu mərkəzi yerləşmə, şəhərin mərkəzindən gedib-gələn insanlar tərəfindən nəqliyyata uğramadan populyar marşrut kimi işlənir.

Kelvinqrov parkı böyük bir təpənin konturu ətrafında oturur. Kelvinbridc metro stansiyası və avtobus marşrutları parka girişi təmin edir.

Abidələri[redaktə | əsas redaktə]

Kelvinin birinci baronu olan Uilyam Tomsonun heykəli.

Parkda orkestr üçün konsert meydanı, boulskroket meydançaları, skeytpark, müxtəlif heykəllər və abidələr var. Lord Provost Robert Styuartın (1851-1854) xatirəsinə tikilmiş Styuart Xatirə Fəvvarəsi parkda ən böyük abidədir.[4] 1872-ci ildə Ceyms Sellars tərəfindən tikilən fəvvarə, qranit, qumdaşı, mərmər və tuncdan inşa olunmuşdur. Fəvvarənin üstündə Trossaxs gölünün görüntü xüsusiyyətləri və Ser Valter Skottun "Gölün qadını" heykəli yerləşir.[5]

Parkda həmdə fizik Lord Kelvin, yazıçı Tomas Karlayl, Fredrik Roberts və kimyaçı Cozef Listerin heykəlləri, KameroniansHaylend Piyada qoşunlarına aid abidələr, Kelvinqrov İncəsənət Qalereyası və Muzeyi yerləşir.

Konsert meydanı[redaktə | əsas redaktə]

2007-ci ildə konsert meydanı.

Park ərazisində yerləşən konsert meydanı 1924-cü ildə Ceyms Miller tərəfindən tərtib olunmuş və tikilmişdir.[6] Amfiteatr ilə teatr tipli dizaynlı olan konsert meydanında 3000 insan üçün oturacaq və 7000 ayaq üstdə insan yerləşirdi.[6] Buna baxmayaraq, bu açıq konsert üçün məşhur yer, 1995-ci il ətrafında baxımsızlıq nəticəsində vandalizmə uğramışdır.[6]

2012-ci ilin aprelində konsert meydanının bərpası Belle and Sebastian, Teenage Fanclub, Franz Ferdinand, Eddi Rider kimi musiqiçilər tərəfindən dəstəklənmiş və Şotlandiya parlamenti parkın təmiri üçün £245,000 məbləğdə pul ayırmışdır.[7]

2014-cü il 7 mayda £2 milyon təmir işlərindən sonra, 2500 nəfərlik konsert meydanı yenidən açılmışdır.[6][8] Həmin ilin avqustında parkda Stiv Earl, The Waterboys, Capercaillie, Squeeze, Teenage Fanclub, Alison Moyetin iştirakı ilə "Magners Summer Nights" festivalı keçirilmişdir.[9]

Populyar mədəniyyətdə[redaktə | əsas redaktə]

1901-ci ildə Avstraliyanın Brisben şəhərinin Kelvin Qrov rayonu parkın şərəfinə adlandırılmışdır.[10] 1992-ci ildə Alisder Qreyin yazdığı "Yazıq adamlar" romanı park və parkın ətrafında yer tutur.[11]

Qalereya[redaktə | əsas redaktə]

İstinadlar[redaktə | əsas redaktə]

  1. Measuring Worth - Purchasing Power of British Pound
  2. 1 2 3 Glasgow Museums: History of Kelvingrove Park
  3. The Friends of Kelvingrove Park: Environment
  4. Stewart Memorial Fountain
  5. The Friends of Kelvingrove Park: News
  6. 1 2 3 4 Kelvingrove Bandstand Is Opened!
  7. "Government award grants to upgrade 16 historic buildings". BBC News. 18 April 2012. İstifadə tarixi: 18 April 2012.
  8. Nicoll, Vivienne. "Music in the Park: festival announced for Kelvingrove bandstand". www.eveningtimes.co.uk. İstifadə tarixi: 25 August 2015.
  9. Kelvingrove Park bandstand to host summer music festival
  10. Kelvin Grove, Queensland
  11. Shades of Alasdair Gray

Xarici keçidlər[redaktə | əsas redaktə]

Vikianbarda Kelvinqrov parkı ilə əlaqəli mediafayllar var.