Kim Milton Nilsen

Vikipediya, açıq ensiklopediya
Jump to navigation Jump to search
Kim Milton Nilsen
Kim-milton-nielsen.jpg
Doğum 3 avqust 1960 (1960-08-03) (58 yaş)
Kopenhagen, Danimarka
Digər peşəsi İT meneceri
Boyu 1.96 sm[1]
Çəкisi 96 kq[1]
Yerli səviyyədə
İllər Liqa Rolu
1975–2006 DFA Hakim
Beynəlxalq səviyyədə
İllər Liqa Rolu
1988–2005 FİFA dərəcəli hakim Hakim

Kim Milton Nilsen (dan. Kim Milton Nielsen; 3 avqust 1960, Kopenhagen, Danimarka) — Danimarkalı keçmiş beynəlxalq futbol hakimi.

Hakimlik karyerası[redaktə | əsas redaktə]

Kim Milton Nilsen 1976-cı ildən, 15 yaşından hakimliyə başlayıb. 1986-cı ildən Danimarka çempionatının oyunlarına təyinat alıb, 1988-ci ildən isə beynəlxalq oyunları idarə etmək hüququ qazanıb. 1993-cü ildə Almaniyanın "Verder" və İspaniyanın "Barselona" komandaları arasında oynanan UEFA Superkuboku matçını idarə etdikdən sonra tanınmağa başlanıb.[2] Bir il sonra, 1994-cü ildə UEFA Kubokunun final matçı Kim Milton Nilsenin rəhbərlik etdiyi Danimarkalı hakimlər briqadasına etibar edilib.[3] 1996-cı ildə o, ilk dəfə böyük beynəlxalq turnirə — Avropa çempionatına təyinat alıb.[4] Ümumiyyətlə, Kim Milton Nilsen 1996-cı ildən 2004-cü ilədək yığma komandalar səviyyəsində keçirilmiş mötəbər turnirlərin hamısına təyinat alıb.[5]

Kim Milton Nilsen Çempionlar Liqasında 59 matç idarə edib. O, 2004-cü ildə Fransanın "Monako" və Portuqaliyanın "Porto" komandaları arasında keçirilmiş qitənin ən nüfuzlu klub turnirinin final oyununu idarə edib.[6]

2005-ci ildə 45 yaşlı Kim Milton Nilsen FİFA-nın qoyduğu yaş məhdudiyyətinə çatıb. O, sonuncu dəfə 16 may 2006-cı ildə Danimarka çempionatı çərçivəsində keçirilmiş görüşdə hakimlik edib.

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Kim Milton Nilsen ilə əlaqəli mediafayllar var.