Lesya Ukrainka
| LESYA UKRAİNKA | |
 |
|
| Doğum tarixi | 25 fevral 1871 |
|---|---|
| Doğum yeri | Novoqrad-Volınski |
| Vəfatı | 1 avqust 1913 (42 yaşında) |
| Vəfat yeri | Surami, Gürcüstan |
Lesya Ukrainka - ukraynalı şairə.
Həyatı[redaktə | əsas redaktə]
Lesya Ukrainka dvoryan ailəsində doğulmuşdur. Anası Olyona Pçilka yazıçı idi. Uşaqlıqdan sümük vərəminə tutulan Ukrainka uzun illər Krımda, Gürcüstanda, İtaliyada və Misirdə yaşamalı olmuşdur. Əsasən tarix-filologiya ev təhsili almış, bir neçə əcnəbi dil öyrənmişdir. Yaradıcılığına Taras Şevçenkonun güclü təsiri olmuşdur.
"Nəğmələrin qanadında" (1893), "Düşüncələr və arzular" (1899), "Əks-səda" (1902) şeir toplularında bütün xalqların ictimai və milli azadlığı uğrunda mübarizəyə çağırış ruhu hakimdir. "Babil əsiri" (1903), "Katakombalarda", "Payız nağılı" (hər ikisi 1905) poemaları, "Meşə nəğməsi" (1912, tamaşası 1918) dramı mifoloji və tarixi süjetlərlə səsləşir. Anadan olmasının 100 illiyi Ümümdünya Sülh Şurasının qərarı ilə qeyd edilmişdir.
Lesya Ukrainka 1913-cü il avqust ayının 1-də Gürcüstanda vəfat edib, Kiyevdə dəfn olunub.
Bakının Qaradağ rayonunda abidəsi var.
Əsərləri[redaktə | əsas redaktə]
- Şerlər. Bakı: 1964
- Su pərisi (poemalar). Bakı: 1982
 |
Yazıçı ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
