Mübariz Ağayev

Mübariz Ağayev
Göyçay Rayon İcra Hakimiyyətinin başçısı 27 yanvar 2015 — 10 iyun 2016
Sələfi	Mənsur Məmmədov
Xələfi	Mehdi Səlimzadə
Quba Rayon İcra Hakimiyyətinin başçısı 15 mart 2012 — 27 yanvar 2015
Sələfi	Rauf Həbibov
Xələfi	Yaşar Məmmədov
Mingəçevir Şəhər İcra Hakimiyyətinin başçısı 14 dekabr 2007 — 15 mart 2012
Sələfi	Lütvəli Babayev
Xələfi	Niyazi Bayramov
Göyçay Rayon İcra Hakimiyyətinin başçısı 2006 — 2007
Sələfi	Nazim İsmayılov
Xələfi	Mənsur Məmmədov
Doğum tarixi	1 sentyabr 1953 (1953-09-01)
Doğum yeri	SSRİ Azərbaycan SSR, Zərdab rayonu, Məlikumudlu
Mükafatları

Ağayev Mübariz Alı oğlu — 2006-2007-ci illərdə Göyçay Rayon İcra Hakimiyyətinin başçısı, 2007-2012-ci illərdə Mingəçevir Şəhər İcra Hakimiyyətinin başçısı, 2012-2015-ci illərdə Quba Rayon İcra Hakimiyyətinin başçısı, 2015-2016-cı illərdə isə Göyçay Rayon İcra Hakimiyyətinin başçısı vəzifələrində çalışıb.

Həyatı

Mübariz Ağayev 1 sentyabr 1953-cü ildə Ucar rayonunun Məlikumudlu kəndində anadan olub. Azərbaycan Texnologiya İnstitutunu bitirib. İxtisasca texnoloqdur.

1970-ci ildə Göyçay şəhər İstehlak Cəmiyyətində əmək fəaliyyətinə başlayib. Sonralar müxtəlif illərdə Göyçay konserv zavodunda mühasib köməkçisi, Çərəkə kənd istehlakı cəmiyyətində, Qarabaqqal ictimai iaşə müəssisəsində mühasib vəzifələrində işləyib. 1979-1986-ci illərdə Qarabaqqal ictimai iaşə müəssisəsində direktor müavini, direktor, 1986-cı ildə Göyçay şəhər İctimai iaşə müəssisələri birliyində direktor, 1987-1989-cu illərdə Göyçay rayon İstehlak cəmiyyəti idarə heyətinin sədri, 1989-1991-ci illərdə Baş qiymətlər idarəsinin Göyçay rayonlararası Qiymət Müfəttişliyində rəis, 1991-1995-ci illərdə Göyçay şəhər təsərrüfat hesablı ticarət idarəsində direktor, 1995-1997-ci illərdə Göyçay rayon 17 saylı çörək zavodunda direktor, 1997-ci ildən isə Göyçay-çörək SC idarə heyətinin sədri vəzifələrində işləyib.

2006-2007-ci illərdə Göyçay Rayon İcra Hakimiyyətinin başçısı, 2007-2012-ci illərdə Mingəçevir Şəhər İcra Hakimiyyətinin başçısı, 2012-2015-ci illərdə Quba Rayon İcra Hakimiyyətinin başçısı, 2015-2016-cı illərdə isə Göyçay Rayon İcra Hakimiyyətinin başçısı vəzifələrində çalışıb.

2013-cü ildə Azərbaycan Respublikasında dövlət qulluğunda səmərəli fəaliyyətinə görə "Şöhrət" ordeni ilə təltif edilmişdir. Yeni Azərbaycan Partiyasının üzvüdür. Ailəlidir, 4 övladı var.